مشاعرہ ---- فی البدیہہ اشعار کہیں۔

[مہدی نقوی حجاز]

واہ واہ حجازی صآحب۔ بہت خوب۔

جناب حجاز سے بذاتہ ہمارا کوئی تعلق نہیں۔ احقر محض "حجاز" تخلص کرتا ہے۔ سو از روئے کرم "یائے" نسبتی کو "حجاز" کے آگے سے حذف فرما دیجیے۔ داد مقبول ہوئی۔

 

[سید عاطف علی]

جناب حجاز سے بذاتہ ہمارا کوئی تعلق نہیں۔ احقر محض "حجاز" تخلص کرتا ہے۔ سو از روئے کرم "یائے" نسبتی کو "حجاز" کے آگے سے حذف فرما دیجیے۔ داد مقبول ہوئی۔

آپ کی ان کیفیات میں فکر و مقال ہردو کے لیے بہت غذا کا ذخیرہ موجود ہے ۔ تا ہم اتنا عرض ہے کہ
عجمی خُم ہے تو کیا،مے تو حجازی ہے مری
نغمہ ہندی ہے تو کیا ۔۔۔ لے تو حجازی ہے مری

 

[شاہد شاہنواز]

آپ کی ان کیفیات میں فکر و مقال ہردو کے لیے بہت غذا کا ذخیرہ موجود ہے ۔ تا ہم اتنا عرض ہے کہ
عجمی خُم ہے تو کیا،مے تو حجازی ہے مری
نغمہ ہندی ہے تو کیا ۔۔۔ لے تو حجازی ہے مری

آپ کا سوال ہی آپ کا جواب ہے۔۔۔
لیکن مہدی نقوی حجاز کا مقصد صرف نام ہی کی درستگی تھا، اور کچھ نہیں۔۔۔
ویسے بھی حجاز ہونا حجازی ہونے سے بہتر اور افضل ہے۔۔

 

[محمد اسامہ سَرسَری]

مزمل شیخ بسمل بھائی! اس مشاعرے کا کیا ہوا؟

 

[فاروق احمد بھٹی]

اچھا دھاگہ تھا یار یہ دو سال سے ٹوٹ کیوں گیا دوبارہ کوئی گرہ لگائے سید عاطف علی کیا خیال ہے۔

 

[loneliness4ever]

اچھا دھاگہ تھا یار یہ دو سال سے ٹوٹ کیوں گیا دوبارہ کوئی گرہ لگائے سید عاطف علی کیا خیال ہے۔

بسم اللہ کیجئے جناب ۔۔۔۔۔۔۔۔۔

 

[فاروق احمد بھٹی]

احباب کی خدمت میں ایک مصرع (والد صاحب کا ) طبع آزمائی کے لیے۔ردیف نہیں قافیہ داستاں۔

میری زباں نہ ہو تو مری داستاں نہیں ۔​

چلیں دھاگہ جہاں سے ٹوٹا تھا وہیں سے واپس گرہ لگانے کی کوشش کرتا ہوں۔
سایہ تری دعاؤں کا اے ماں، نعیم تھا
اب دھوپ سخت اور کوئی سائباں نہیں

 

[مہدی نقوی حجاز]

رختِ سفر تو وقت اڑا لے گیا کہیں
اک عزم رہ گیا ہے سو وہ بھی جواں نہیں

 

[فاروق احمد بھٹی]

کچھ اس طرح سے راستے اس نے جدا کئے
اب کچھ بھی اس کے اور مرے درمیاں نہیں

 

[خالد محمود چوہدری]

کچھ اس طرح سے راستے اس نے جدا کئے
اب کچھ بھی اس کے اور مرے درمیاں نہیں

جدائیاں ختم ہوئیں ،سب فاصلے ہوئے ختم
اب 'کچھ 'بھی اس کے اور تِرے درمیاں نہیں

 

[فاروق احمد بھٹی]

احباب کی خدمت میں ایک مصرع میری پسند کا طبع آزمائی کے لیے۔ کا ردیف۔ اور مستعار قافیہ
کیا عشق ایک زندگیِ مستعار کا

 

[ادب دوست]

لیجیے صاحب میری طرف سے حاضر ہے
میں راز فاش کر نہ دوں اس اختیار کا
مجھ سے نہ حال پوچھ دلِ بے قرار کا

 

[فاروق احمد بھٹی]

عشق ایک بےمہار شتر ہے اسی لئے
اس پر چلے نہ زور کسی بھی سوار کا

 

[مہدی نقوی حجاز]

دیکھو تو حال پیرہنِ تار تار کا
اجڑا ہوا غریب ہوں اجڑے دیار کا

 

[فاروق احمد بھٹی]

بھڑکا ہے دیکھ کر مجھے، کیوں اے ستم شعار
کیا حق یہی تھا شوقِ دلِ بے قرار کا؟

 

[ادب دوست]

آوارہِ فلک ہے تجھے دیکھنے کو چاند
کچھ بے سبب نکلنا نہیں بار بار کا

 

[عبدالقیوم چوہدری]

آپ سب حضرات تو سکہ بند قسم کے شاعر لگ رہے ہیں
بہت اچھے بھئی

 

[فاروق احمد بھٹی]

ایسا نہیں کہ تم نے ہمیں پیار نہ کیا
بس اک گلہ جو ہے تو وہ بس اختصار کا

 

[اکمل زیدی]

محفل میں بنکے آیا ہوں امیدوار فیض
کہ کہہ سکوں میں بھی کچھ معیار کا

 

[فاروق احمد بھٹی]

ادھر بھی کوئی آ جائے بھولے سے کبھی تو۔۔۔۔۔۔۔۔
لو جی ایک مصرعہ پھر سے طبع آزمائی کے لیے پیش ہے۔۔۔
ناصر کاظمی صاحب کا ہے۔
پشیماں ۔۔۔قافیہ۔۔۔۔اور۔۔۔ ہی سہی۔۔۔ ردیف ہے۔۔۔

حاصلِ عشق ترا حسنِ پشیماں ہی سہی​