جوش منتخب رباعیات

[حسان خان]

شکرِ پروردگار کرتا شیطاں​

دولت اپنی نثار کرتا شیطاں​

انساں کی خباثت سے جو ہوتا آگاہ​

اک سجدہ نہیں، ہزار کرتا شیطاں​

 

[حسان خان]

چھانی ہرچند اک خدائی ہم نے​

کیا کیا نہ یہاں خاک اڑائی ہم نے​

واللہ کہ خشکی و تری میں کوئی شے​

انساں سے عجیب تر نہ پائی ہم نے​

 

[حسان خان]

آلام سے ممکن ہی نہیں دل کو نجات​

فریاد ہے اے تلخیِ آئینِ حیات​

جس چیز کو زندگی کا دیتے ہیں لقب​

دراصل ہے وہ 'مرگِ طویل السکرات'​

 

[حسان خان]

نسلِ آدم میں کوئی معصوم نہیں​

احساس کسی قلب میں معدوم نہیں​

اُس فیضِ ازل سے جس کو کہتے ہیں گناہ​

صد شکر کہ اک فرد بھی محروم نہیں​

 

[توصیف یوسف مغل]

واہ جی

 

[توصیف یوسف مغل]

کیا میں ان سب رباعیات کو پی ڈی ایف فائل میں کنورٹ کر دوں مطلب ایک جگہ یکجا کر دوں؟