سوفیصد متفق
وہ فارسی میں کہتے ہیں کہ"داشتہ آید بکار" یعنی رکھی ہوئی چیز کام آ ہی جاتی ہے، یہی معاملہ میرے ان دو قطعوں کے ساتھ ہے، تیرہ برس بیت گئے اس بات کو، اردو محفل کی دوسری سالگرہ تھی، میں نے دو قطعے سالگرہ کے لیے لکھے تھے، اب جب کبھی ایسی صورتحال ہوتی ہے تو یہی "بکار" آتے ہیں۔
قطعہ
محفِلِ اردو تجھے میرا سلام
اے دِلِ اردو تجھے میرا سلام
اس جہانِ برق، صد جاں سوز میں
تُو گِلِ اردو، تجھے میرا سلام
قطعہ
زینتِ اردو ہے تُو اور شان بھی
رونقِ اردو ہے تُو اور جان بھی
فرض کیجے' ویب' کو گر دنیا تو پھر
کعبۂ اردو ہے تُو، ایمان بھی
راحل بھائی آپ نے تو اپنا پرخلوص دل نکال کے رکھ دیا ۔ ماشاء اللہ ۔زبردست ۔ سدا سلامت رہیں آپ اور سب محفلین و متعلقین ۔
تمام محفلین کو دعوتِ عام دی جاتی ہے کہ کسی نظم یا شعر کی صورت میں اس پُرمسرت موقع پر ہدیہء تبریک پیش کریں ۔ اپنی ذاتی شاعری کی قید نہیں بلکہ آپ چاہیں تو اپنی پسند کا کوئی بھی شعر یا نظم موقع کی مناسبت سے پیش کرسکتے ہیں ۔ "بلبل کی چونچ میں ہے گچھا انگور کا" سے لے کر "تم سلامت رہو ہزار برس" تک کسی بھی قسم کا شعر قابلِ قبول ہے ۔(ہم کراچی والوں کی آسانی کے لئے) یوں کہئے کہ 2K سے لیکرW18 تک ہر روش کا شعر چلے گا بلکہ دوڑے گا۔
۔
محترم ظہیراحمدظہیرصاحب اور منتظمین و محفلین
آداب
مندرجہ بالا الفاظ بلاشبہ ہم کو ہی دعوتِ خاص دے رہے ہیں تو ہماری قابلیت کے مطابق کچھ اشعار اس خوبصورت محفل کی نظر ۔ ۔
ہماری اپنے اساتذہِ کرام سے التجا ہے کہ ان اشعار کو صرف "ہماری نظر" سے دیکھیں ۔ ۔ ۔
اگر W-11 ڈوڑتی پھرتی نظر نہ آئے تو کہیئے گا ۔ ۔ ۔
آپ سب کی اجازت سے آپ سب کے لیئے ۔ ۔ ۔
تخیل کے خزانوں کو قلم سے تول سکتے ہیں
زباں پرجو لگا ہے قفل اس کو کھول سکتے ہیں
زبانِ میر کے صدقے سبھی اہلِ زباں لوگو
دہن سے ذہن کے سب موتیوں کو رول سکتے ہیں
زمانہ برملا کہتا ہے اس محفل کے بارے میں
" ابھی کچھ لوگ باقی ہیں جو اردو بول سکتے ہیں "
اردو زبان زندہ باد ۔ ۔ !!!!
اردو محفل پائندہ باد ۔ ۔ ۔ !!!
جی ہماری بھی یہی کنڈیشن ہوتی ہے جب گوگل ٹرانسلیٹر کو یوز کرنے کا ٹائم نہیں ہوتا ۔ ۔ ۔یہ آپ نے ہنڈرڈ پرسنٹ بالکل ٹھیک بولا ۔ بیشک ابھی بھی بہت سارے لوگ ایگزسٹ کرتے ہیں جو بہت ہائی کلاس اردو اسپیک کرسکتے ہیں ۔ اللہ انہیں سلامت رکھے ۔
ہم استاد نہیں بلکہ آپ کی مانند ایک مبتدی ہی ہیں، البتہ اس شکایت کے سلسلے میں ہمارا مشورہ ہے کہ مندرجہ زمرے میں شکایت درج فرما دیجیے۔
بہت بہت ہی عمدہ!
واہ!
خوب سے بھی خوب!پیش انبساط ِ ہدیہء مرقوم کیجیئے
تبریک میں بھی شرط کہ منظوم کیجئے
ہم سے نہ اٹھ سکے گا محبت کا بار یہ
اک عرض آپ سے بھی کہ مفہوم کیجیئے
خدمت میں جان فشاں یہ سب محفلین یوں
خادم کے سامنے اسے مخدوم کیجیئے
گاتا ہے آبشار جبالِ بلند پر
محفل سے ذوق ِعلو کو معلوم کیجیئے
پندرھواں جو سن یہ لگا محفلین کو
محفل ہوئی جوان یہ مختوم کیجیئے
گہنا دیا محافل دیگر کو اس نے یوں
اس کو شباب ِ تام سے موسوم کیجیئے
----------------------
خاکسارِ خیر اندیش
یہ آپ نے ہنڈرڈ پرسنٹ بالکل ٹھیک بولا ۔ بیشک ابھی بھی بہت سارے لوگ ایگزسٹ کرتے ہیں جو بہت ہائی کلاس اردو اسپیک کرسکتے ہیں ۔ اللہ انہیں سلامت رکھے ۔
جی ہماری بھی یہی کنڈیشن ہوتی ہے جب گوگل ٹرانسلیٹر کو یوز کرنے کا ٹائم نہیں ہوتا ۔ ۔ ۔
زبردست !!! بہت خوب۔
)
ہمیں شعر گوئی سے کچھ خاص مناسبت نہیں اور یہاں بات ٹھہری ہے منظوم ہدیہ تبریک کی، اس لیے اصولاً تو ہمیں یہاں نہیں آنا چاہیے لیکن مبارک بادی کا موقع ہے اس لیے کچھ نہ کچھ ہونا تو بہرحال ضروری ہے۔ یہ سوچ کر شعر کہنے جو بیٹھے ہیں تو اسپ تخیل ٹھس کا ٹھس کھڑا ہے۔ ہرچند کہ ہم نے اس کی ہزار منتیں کی، مگر وہ چل کے نہیں دے رہا۔ اسی مشکل میں گرفتار سوچ رہے تھے کہ شعر کہنا کتنا مشکل ہوتا جارہا ہے دفعۃً خیال آیا کہ اسی بات کو آپ کے سامنے عرض کردیا جائے۔ سو ناظرین! ہماری اس مشکل کا حال ملاحظہ ہو:
شعر کہنے کی بات آئی ہے
شعر کہنا حضور مشکل ہے
شعر کہہ لیں پہ اس کو پڑھ کر پھر
مسکرانا ضرور مشکل ہے
اردو محفل ہماری محفل ہے
اردو محفل کا ہم پہ احساں ہے
اردو محفل میں ایک بار آکر
دور جانا کہاں کو آساں ہے