میری پسند

[حسرت جاوید]

اس لڑی میں کوشش رہے گی کہ میں الگ سے اپنے پسندیدہ اشعار پوسٹ کر سکوں۔ امید ہے اس لڑی میں گفتگو اور غیر متعلقہ مراسلہ جات سے حتی الامکان پرہیز کی جائے گی۔ شکریہ۔

 

[حسرت جاوید]

یہ عمر بھر کا سفر ہے اسی سہارے پر
کہ وہ کھڑا ہے ابھی دوسرے کنارے پر

صابر وسیم

 

[حسرت جاوید]

تری تلاش ہے یا تجھ سے اجتناب ہے یہ
کہ روز ایک نئے راستے پہ چلتے ہیں

حفیظ ہوشیارپوری

 

[حسرت جاوید]

مرے ڈوب جانے کا باعث نہ پوچھو
کنارے سے ٹکرا گیا تھا سفینہ

حفیظ جالندھری

 

[حسرت جاوید]

سوتا رہا ہونٹوں پہ تبسم کا سویرا
رہ رہ کے جگاتے رہے تقدیرِ سحر ہم

سراج لکھنوی

 

[حسرت جاوید]

تیرا جلوہ ہے یار پردے میں
مجھ کو پردے پہ پیار آتا ہے

جلیل مانک پوری

 

[حسرت جاوید]

دل کے گلشن میں ترے پیار کی خوشبو پا کر
رنگ رخسار پہ پھولوں سے کھلا کرتے ہیں

علینا عترت

 

[حسرت جاوید]

دل کی بستی عجیب بستی ہے
یہ اجڑنے کے بعد بستی ہے

سکندر علی وجد

 

[حسرت جاوید]

صدیوں کا انتشار فصیلوں میں قید تھا
دستک یہ کس نے دی کہ عمارت بکھر گئی

جمنا پرشاد راہیؔ

 

[حسرت جاوید]

ہم کو جینے کی ہے خوشی اتنی
جی رہے ہیں تری خوشی کے لیے

 

[حسرت جاوید]

بعد مدت مجھے نیند آئی بڑے چین کی نیند
خاک جب اوڑھ لی جب خاک بچھا لی میں نے

علینا عترت

 

[حسرت جاوید]

کیا ہمسری کی ہم سے تمنا کرے کوئی
ہم خود بھی اپنے قد کے برابر نہ ہو سکے

سراج عالم زخمی

 

[حسرت جاوید]

ہاں تم کو بھول جانے کی کوشش کریں گے ہم
تم سے بھی ہو سکے تو نہ آنا خیال میں

سراج لکھنوی

 

[حسرت جاوید]

یہ آب دیدہ ٹھہر جائے جھیل کی صورت
کہ ایک چاند کا ٹکڑا نہانا چاہتا ہے

مصطفی شہاب

 

[حسرت جاوید]

تو پھول کی مانند نہ شبنم کی طرح آ
اب کے کسی بے نام سے موسم کی طرح آ

فنا نظامی کانپوری

 

[حسرت جاوید]

کیا قیامت ہے ہجر کے دن بھی
زندگی میں شمار ہوتے ہیں

سیف الدین سیف

 

[حسرت جاوید]

روشنی جب سے مجھے چھوڑ گئی
شمع روتی ہے سرہانے میرے

اصغر ویلوری

 

[حسرت جاوید]

میں پھر اک خط ترے آنگن گرانا چاہتا ہوں
مجھے پھر سے ترا رنگ بریدہ دیکھنا ہے

حسن عباس رضا

 

[حسرت جاوید]

چمن وہی کہ جہاں پر لبوں کے پھول کھلیں
بدن وہی کہ جہاں رات ہو گوارا بھی

اسعد بدایونی

 

[حسرت جاوید]

تیرے کوچے میں ہے سکوں ورنہ
ہر زمیں آسمان ہے پیارے

حفیظ جالندھری