میرے پسندیدہ اشعار

[گُلِ یاسمیں]

مدت کے بعد آج اسے دیکھ کر منیر
اک بار دل تو دھڑکا مگر پھرسنبھل گیا

 

[گُلِ یاسمیں]

دیکھا جو چار سو تو لگے تھے لعل و جواہر
پرکھا جو دوستوں کو تو اکثر میں کچھ نہ تھا

 

[گُلِ یاسمیں]

پھول کھلتے ہیں تو ہم سوچتے ہیں
ان سے ملنے کے زمانے آئے

 

[گُلِ یاسمیں]

کافی نہیں اندر سے کواڑوں کو تھپکنا
کنڈی در تہذیب پہ باہر سے لگی ہے

 

[گُلِ یاسمیں]

تپش سے بچ کے گھٹاؤں میں بیٹھ جاتے ہیں
گئے ہوؤں کی صداؤں میں بیٹھ جاتے ہیں
ہم اردگرد کے موسم سے جب بھی گھبرائیں
ترے خیال کی چھاؤں میں بیٹھ جاتے ہیں

 

[عطاء اللہ جیلانی]

نشیمن پر نشیمن اس قدر تعمیر کرتا جا
کہ بجلی گرتے گرتے آپ خود بے زار ہو جائے

 

[عطاء اللہ جیلانی]

اس لیے اور بھی عزیز ہے موت
موت آتا نہیں ہے آتی ہے

 

[سیما علی]

پھول کی پتی سے کے سکتا ہی ہیرے کا جگر
مرد ناداں پر کلام نرم و نازک بے اثر

 

[سیما علی]

دور تجھ سے تو قضا بھی نہیں لے جائے گی
سر بھی آخر تری دیوار سے ٹکرائیں گے ہم

بھولتا ہی نہیں ہم کو وہ ستمگر راحیلؔ
خاک اسے یاد نہ کرنے کی قسم کھائیں گے ہم
راحیل فاروق

 

[سیما علی]

ایک چنگاری ہی صیاد کو دل سے دے دوں
آشیانے کو مرے آگ نہ لگوائے گا

ہاں ترے لطف سے نومید بھی ہو جاتا ہے
ابھی نادان ہے راحیلؔ سمجھ جائے گا
راحیل فاروق

 

[سیما علی]

دل کا قصہ وہی قدیمی ہے
نہ سنیں محترم! تو بہتر ہے
منزلیں اب بھی دور ہیں راحیلؔ
اب تو مر جائیں ہم تو بہتر ہے

راحیل فاروق​

 

[سیما علی]

پھر ہیں بینائیوں کو وہم بہت
پھر سرِ کوہِ طور بیٹھا ہوں

مجھے کوئی مرض نہیں راحیلؔ
آرزوؤں سے چور بیٹھا ہوں

 

[سیما علی]

میں ابھی پڑھ ہی رہا تھا وقت کے استاد سے
اشک خود تقدیر کا لکھا مٹانے آ گئے

شیخ کا راحیلؔ خطبہ پھر ادھورا رہ گیا
آ گئے دیوانے پھر غزلیں سنانے آ گئے

 

[سیما علی]

گفتگو شاعرانہ کرتے ہیں
یہ ہمارا چلن ہے چال نہیں

ہم کو راحیلؔ دل کی حالت پر
ایک حیرت سی ہے ملال نہیں

 

[شمشاد]

جس بھی فن کار کا شہکار ہو تم
اس نے صدیوں تمہیں سوچا ہوگا
احمد ندیم قاسمی

 

[یاسر شاہ]

پھول کی پتی سے کے سکتا ہی ہیرے کا جگر
مرد ناداں پر کلام نرم و نازک بے اثر
علامہ سر محمد اقبال

خالہ یہ شعر اقبال کا نہیں ۔

پھول کی پتی سے کٹ سکتا ہے ہیرے کا جگر
مرد ناداں پر کلام نرم و نازک بے اثر

بلکہ شعر کے شاعر ہیں" بھرتری ہری" اقبال نے اس شعر کو بال جبریل کی ابتدا میں رقم کر کے مقبول کر دیا ہے۔

 

[سیما علی]

خالہ یہ شعر اقبال کا نہیں ۔

پھول کی پتی سے کٹ سکتا ہے ہیرے کا جگر
مرد ناداں پر کلام نرم و نازک بے اثر

بلکہ شعر کے شاعر ہیں" بھرتری ہری" اقبال نے اس شعر کو بال جبریل کی ابتدا میں رقم کر کے مقبول کر دیا ہے۔

بہت شکریہ ۔۔۔
تدوین کردی

 

[یاسر شاہ]

بہت شکریہ ۔۔۔
تدوین کردی

آپ کو اردو کی ٹیوشن پڑھانی پڑھے گی۔

 

[سیما علی]

آپ کو اردو کی ٹیوشن پڑھانی پڑھے گی۔

ضرور ہم فخر کریں گے آپ کی شاگردہ بننے پہ 😇😇

 

[یاسر شاہ]

ہوائیں اُن کی، فضائیں اُن کی، سمندر اُن کے، جہاز اُن کے
گِرہ بھنور کی کھُلے تو کیونکر، بھنور ہے تقدیر کا بہانہ
اقبال