میرے پسندیدہ اشعار

[سیما علی]

امیرؔ اب ہچکیاں آنے لگی ہیں
‏کہیں میں یاد فرمایا گیا ہوں

‏✍️ امیر مینائی

 

[سیما علی]

نسیم صبح گلشن میں گُلوں سے کھیلتی ہوگی
کسی کی آخری ہچکی کسی کی دل لگی ہوگی

تجھے دانستہ محفل میں جو دیکھا ہو تو مجرم ہوں
نظر آخر نظر ہے بے ارادہ اٹھ گئی ہوگی

مزہ آ جائے گا محشر میں کچھ سننے سنانے کا
زباں ہوگی ہماری اور کہانی آپ کی ہوگی

یہی عالم رہا پردہ نشینی کا تو ظاہر ہے
خدائی آپ سے ہوگی نہ ہم سے بندگی ہوگی

تعجب کیا، لگی جو آگ اے سیمابؔ سینے میں
ہزاروں دل میں انگارے بھرے تھے لگ گئی ہوگی

سیماب اکبر آبادی

 

[سیما علی]

عصر حاضر میں ہے جینا ہی جہاد اکبر
جس کی خاطر ہمیں ہر شے سے گزرنا ہوگا
روحی کنجاہی

 

[سیما علی]

کہنے کو تو میں بھول گیا ہوں مگر اے یار
ہے خانۂ دل میں تری تصویر ابھی تک
حسرت موہانی

 

[شمشاد]

ہے کائنات کو حرکت تیرے ذوق سے
پرتو سے آفتاب کے ذرے میں جان ہے
مرزا غالب

 

[یاسر شاہ]

گرگ میراں سگ وزیراں موش را دیواں کند
ایں چنیں ارکانِ دولت ملک را ویراں کند
بھیڑیا حکمراں کتاوزیر چوہاوزیرخزانہ
اس جیسے حکومت کےارکان ہوں تو ملک تباہ ہوجاتے ہیں

 

[سیما علی]

کوئی لائے اس کو ذرا ہوش میں
یہ واعظ ہے کس خواب خرگوش میں
ریاض خیر آبادی

 

[سیما علی]

کچھ فکر تمہیں عقبیٰ کی نہیں احقرؔ یہ بڑی نادانی ہے
دنیا کی خوشی کیا ایذا کیا یہ حادث ہے وہ فانی ہے
احقر بہاری

 

[سیما علی]

تیز رو چلتے ہیں ساغر! قافلے اس نام سے
رہنماؤں سے ہمیشہ راہزن اچھار ہا
ساغرصدیقی

 

[سیما علی]

لمحے لمحے کی سیاست پہ نظر رکھتے ہیں
‏ہم سے دِیوانے بھی دُنیا کی خبر رکھتے ہیں

‏مار ہی ڈالے جو بے موت یہ دُنیا وہ ہے
‏ہم جو زِندہ ہیں تو جِینے کا ہُنر رکھتے ہیں

‏✍️ جاں نثار اختر

 

[سیما علی]

اہلِ دل اور بھی ہیں اہلِ وفا اور بھی ہیں
‏ایک ہم ہی نہیں، دنیا سے خفا اور بھی ہیں

‏✍️ ساحر لدھیانوی

 

[سیما علی]

ہم اتفاق سے کبھی ہنس بھی پڑے مگر
‏اس جبر کی ہنسی میں خدائی کے رنج تھے

‏✍️ عبد الحمید عدم

 

[سیما علی]

کتنے سادہ ہیں میرے چارہ گر
‏درد کچھ اور بڑھا دیتے ہیں

‏ان کو کیا فکر دِیا بجھتا ہے
‏وہ ہیں غم خوار ہوا دیتے ہیں

‏✍️ اتباف ابرک

 

[سیما علی]

قدم مے خانہ میں رکھنا بھی کارِ پختہ کاراں ہے
جو پیمانہ اٹھاتے ہیں وہ تھرایا نہیں کرتے
نشور واحدی

 

[سیما علی]

ہمیں اپنے گھر سے چلے ہوئے'سر راہ عمر گزر گئی
کوئی جستجو کا صلہ ملا'نہ سفر کا حق ہی ادا ہوا
اقبال عظیم

 

[سیما علی]

اوڑھے ہوئے ہیں کب سے ردائے سراب ہم
ذروں میں دیکھتے ہیں ستاروں کے خواب ہم

 

[سیما علی]

یہ اماوس کی آخری شب ہے
داستانِ ملال سنتا!!!! جا
(امجد اسلام امجد)

 

[سیما علی]

لاکھ بہتر ہے زمانے !!کی خبر رکھنے سے
‏ایک ہی شخص کے ہر دُکھ سے شناسا ہونا

 

[سیما علی]

وہ مضطرب تھا عشق میں نقصان کچھ نہ ہو
‏ہم مطمئن کہ جاں کا خسارہ ہے اور بس

 

[سیما علی]

اُمید دل نشیں سہی ، دنیا حسیں سہی
‏تیرے بغیر کچھ بھی نہ بھائے تو کیا کروں
‏حفیظ جالندھری