میرے پسندیدہ اشعار

[سیما علی]

میں مصلحتاً آج ذرا چپ جو ہوں ثاقب
اِک شخص یہاں حد سے فزوں بول رہا ہے

(مجھ سے جو تُو ہر گام پہ یوں بول رہا ہے)
(در اصل تِرا جہلِ دروں بول رہا ہے)

ثاقب قمری مصباحی

 

[مظہر ذوالفقار]

مر گئے لیکن نہ دیکھا تو نے اودھر آنکھ اٹھا
آہ کیا کیا لوگ ظالم تیرے بیماروں میں تھے

میر تقی میر

 

[مظہر ذوالفقار]

پاؤں کے نیچے کی مٹی بھی نہ ہو گی ہم سی
کیا کہیں عمر کو اس طرح بسر ہم نے کیا

میر تقی میر

 

[مظہر ذوالفقار]

وے دن گئے کہ اٹھ کر جاتے تھے اُس گلی میں
اب سعی چاہیے ہے بالیں سے سر اٹھاتے

میر تقی میر

 

[شمشاد]

میں جانتا ہوں یہ ممکن نہیں مگر اے دوست
میں چاہتا ہوں کہ وہ خواب پھر بہم کئے جائیں
ادریس بابر

 

[سیما علی]

بہت غرور تھا اپنی وفاؤں پر جس کو
اسی کو تیری نگاہ کرم نے ٹھکرایا

کچھ اس طرح بھی ملے ہیں فریب غم باقیؔ
قریب پہنچے تو آگے سرک گیا سایا

باقی صدیقی

 

[سیما علی]

اہلِ طوفاں جُمودِ ساحل کو
دور ہی سے سلام کرتے ہیں

کِھنچ کے منزل، شکیبؔ، آتی ہے
خود کو جب تیز گام کرتے ہیں

شکیب جلالی

 

[شمشاد]

لگے منہ بھی چڑھانے دیتے دیتے گالیاں صاحب
زباں بگڑی تو بگڑی تھی خبر لیجے دہن بگڑا
حیدر علی آتش

 

[سیما علی]

اہلِ طوفاں جُمودِ ساحل کو
دور ہی سے سلام کرتے ہیں

کِھنچ کے منزل، شکیبؔ، آتی ہے
خود کو جب تیز گام کرتے ہیں

شکیب جلالی

 

[شمشاد]

لگے منہ بھی چڑھانے دیتے دیتے گالیاں صاحب
زباں بگڑی تو بگڑی تھی خبر لیجے دہن بگڑا
حیدر علی آتش

 

[مظہر ذوالفقار]

ہم جانتے نہیں ہیں اے درد کیا ہے کعبہ
جیدھر ہِلے وہ اَبرو اُودھر نماز کرنا

میر درد

 

[شمشاد]

عشق کی چوٹ کا کچھ دل پہ اثر ہو تو سہی
درد کم ہو یا زیادہ ہو مگر ہو تو سہی
جلالؔ لکھنوی

 

[مظہر ذوالفقار]

روزِ غم, چرخ! بڑھا دینا خوب
پر شبِ وصل کو کوتاہ نہ کر!

شیفتہ

 

[مظہر ذوالفقار]

تم اور شیفتہ سے وفا کا گلہ، دریغ !
دشمن اسے سمجھتے ہو، جو یار بھی نہیں

شیفتہ

 

[مظہر ذوالفقار]

کیا حاصل ایسی بزم میں جانے سے شیفتہ؟
جس جائے، دور باش نہیں، مرحبا نہیں

شیفتہ

 

[مظہر ذوالفقار]

ایسے جفائے یار میں پائے مزے کہ بس
منکر ہی ہو گیا میں عذابِ الیم کا

شیفتہ

 

[مظہر ذوالفقار]

میں زندہ اور غیر پہ بیداد، جلد آ؟
اے مرگ! داد چاہیں گے، چل کر، خدا سے ہم

شیفتہ

 

[مظہر ذوالفقار]

تم لوگ بھی غضب ہو ! کہ دل پر یہ اختیار
شب موم کر لیا ، سحر آہن بنا لیا

شیفتہ

 

[شمشاد]

مجھے یہ ڈر ہے تری آرزو نہ مٹ جائے
بہت دنوں سے طبیعت مری اداس نہیں
ناصر کاظمی

 

[مظہر ذوالفقار]

ہے ازل سے عاشق و معشوق کی قسمت میں فرق
ہتھکڑی یاں لوہے کی ، واں حلقہ زر ہاتھ میں

امام بخش ناسخ