میرے پسندیدہ اشعار

[گُلِ یاسمیں]

یوں ترے رزق میں تحفیف بھی ہو سکتی ہے
اپنے آنگن سے پرندوں کو اڑانے والے

 

[مظہر ذوالفقار]

قطرہ قطرہ اشک باری تو کجا پیش سحاب
ایک دن تو ٹوٹ پڑ اے دیدۂ تر ہو سو ہو

میر تقی میر

 

[مظہر ذوالفقار]

سختیاں دیکھیں تو ہم سے چند کھنچواتا ہے عشق
دل کو ہم نے بھی کیا ہے اب تو پتھر ہو سو ہو

میر تقی میر

 

[مظہر ذوالفقار]

پھرتے ہو کیا درختوں کے سائے میں دور دور
کر لو موافقت کسو بے برگ و ساز سے

میر تقی میر

 

[مظہر ذوالفقار]

اشعار میرؔ سب نے چن چن کے لکھ لیے ہیں
رکھیں گے یاد ہم بھی کچھ بیتیں چیدہ چیدہ

میر تقی میر

 

[مظہر ذوالفقار]

ایک وہ لوگ بنایا گیا جنہیں چاندنی اور گلِ تر سے
سامانِ نشاط ِِدل بھی وہی، عنوانِ گدازیٔ جاں بھی وہی

ایک وہ لوگ جو خلق ہوئے پروانگی اور خاکستر سے
دل اور دل زدگاں بھی وہی،اور ان کے فسانہ گراں بھی وہی

مختار صدیقی

 

[مظہر ذوالفقار]

خاک میں خاک ہوئے تو ہم نے کل اسرار کو وا دیکھا
خاک زرِ گل خاک گلِ تر خاک ہی باغِ بہاراں بھی

خاک میں مل کر پاک ہوئے تو خاک کو راہ نما دیکھا
خاک، مآل دل زدگاں بھی ، غازۂ شہر نگاراں بھی !

مختار صدیقی

 

[گُلِ یاسمیں]

آنکھیں دکھا رہی تھی مجھے سر پھری ہوا
رکھنا پڑا چراغ جلا کے منڈیر پر

 

[فرخ منظور]

ہوا کے دوش پہ رکھے ہوئے چراغ ہیں ہم
جو بجھ گئے تو ہوا سے شکایتیں کیسی
(عبید اللہ علیم)

 

[فرخ منظور]

جلا ہے جسم جہاں، دل بھی جل گیا ہو گا
کریدتے ہو جو اب راکھ ،جستجو کیا ہے
(غالب)

 

[گُلِ یاسمیں]

ہر گھڑی ہے حادثوں کا ایک نیاہی سلسلہ
لڑکھڑاتی خواہشوں کا کارواں ہے زند گی

 

[شمشاد]

جاتے جاتے آپ اتنا کام تو کیجے مرا
یاد کا سارا سر و ساماں جلاتے جائیے
جون ایلیا

 

[سیما علی]

قلب و جگر کے ٹکڑے یہ آنسوؤں کے قطرے
اللہ راس لائے، حاصل ہیں زندگی کے

صحرائیوں سے سیکھے کوئی، رُموزِ ہستی
آبادیوں میں اکثر دشمن ہیں آگہی کے

جانِ خلوص بن کر ہم، اے شکیبؔ، اب تک
تعلیم کر رہے ہیں آدابِ زندگی کے
شکیب جلالی

 

[گُلِ یاسمیں]

سنا ہے بولے تو باتوں سے پھول جھڑتے ہیں
یہ بات ہے تو چلو بات کر کے دیکھتے ہیں

 

[محمد وارث]

اس دل کے دریدہ دامن کو دیکھو تو سہی سوچو تو سہی
جس جھولی میں سو چھید ہوئے اس جھولی کا پھیلانا کیا
ابنِ انشا

 

[رباب واسطی]

زرخیز زمینیں کبھی بنجر نہیں ہوتیں
دریا ہی بدل لیتے ہیں رستے اُسے کہنا

 

[مظہر ذوالفقار]

واقفِ حال کا روز یہ کہنا : "اب کیا حال ہے، کیسے ہو؟"
مطلب یہ ہے " دانا ہو کر یہ کیا اپنا حال کیا ؟"

مختار صدیقی

 

[گُلِ یاسمیں]

کسی کے درد محبت نے عمر بھر کے لیے
خدا سے مانگ لیا انتخاب کر کے مجھے

 

[گُلِ یاسمیں]

پھلا پھولا رہے یارب چمن میری امیدوں کا
جگر کا خون دے دے کر یہ بوٹے میں نے پالے ہیں

رلاتی ہے مجھے راتوں کو خاموشی ستاروں کی
نرالا عشق ہے میرا نرالے میرے نالے ہیں

 

[مظہر ذوالفقار]

کاسۂ سر کو لیے مانگتا دیدار پھرے
میر وہ جان سے بیزار گدا میں ہی ہُوں

میر تقی میر