میرے پسندیدہ اشعار

[مومن فرحین]

مرا شعور بہلتا نہیں ہے لفظوں سے
میں تیرے خط کے نہیں تیرے انتظار میں ہوں

 

[شمشاد]

بس ہو چکا بیاں کسل و رنج راہ کا
خط کا مرے جواب ہے اے نامہ بر کہاں
(الطاف حسین حالی)

 

[مومن فرحین]

الفاظ میں نہ ڈھونڈ میری بے قراریاں
او بے خبر زباں نہیں دل بے قرار ہے

خمار بارہ بنکوی

 

[شمشاد]

دل آباد کہاں رہ پائے اس کی یاد بھلا دینے سے
کمرہ ویراں ہو جاتا ہے اک تصویر ہٹا دینے سے
(جلیل عالیؔ)

 

[مومن فرحین]

ہم نے سوچا تھا وہ آئے گا تو رو رو کے اسے
ہجر میں گزری ہے جو ہم پہ بتائیں گے اسے

 

[مومن فرحین]

دل کی ضد تھی کہ اس میں تو ہی بسے
رہ گیا بن . مکیں . مکاں . تنہا

 

[شمشاد]

ہجر کا موسم خاموشی اور رات کا ڈر
یادوں کی بارات کے اندر رک جاتا ہے
(آسناتھ کنول)

 

[سیما علی]

ستاروں سے بھرا یہ آسماں , کیسا لگے گا؟؟
ھمارے بعد تم کو یہ جہاں ، کیسا لگے گا؟؟

"افتخار عارف"

 

[سیما علی]

کریں تو کس سے کریں نا رسائیوں کا گلہ
سفر تمام ہوا ہم سفر نہیں آیا!!!!!!!!!!

"افتخار عارف"

 

[مومن فرحین]

ستاروں سے بھرا یہ آسماں , کیسا لگے گا؟؟
ھمارے بعد تم کو یہ جہاں ، کیسا لگے گا؟؟

"افتخار عارف"

تیرے موجود رہنے تک حسیں ہیں
ستارے آسماں دنیا وغیرہ ۔۔۔

 

[شمشاد]

اپنے مرکز کی طرف مائل پرواز تھا حسن
بھولتا ہی نہیں عالم تری انگڑائی کا
(عزیز لکھنوی)

(یہ تصویری شاعری میں بھی ہے)

 

[مومن فرحین]

حسن جب مہرباں ہو تو کیا کیجئے
عشق کی مغفرت کی دعا کیجئے

خمار بارہ بنکوی

 

[شمشاد]

ہر دھڑکتے پتھر کو لوگ دل سمجھتے ہیں
عمریں بیت جاتی ہیں دل کو دل بنانے میں
(بشیر بدر)

 

[مومن فرحین]

دل ہے تو دھڑکنے کا بہانہ کوئی ڈھونڈے
پتھر کی طرح بے حس و بے جان سا کیوں ہے

 

[شمشاد]

دل دھڑکنے کا سبب یاد آیا
وہ تری یاد تھی اب یاد آیا
(ناصر کاظمی)

 

[مومن فرحین]

یاد آیا تھا بچھڑنا تیرا
پھر نہیں یاد کہ کیا یاد آیا
جب کوئی زخم بھرا داغ بنا
جب کوئی بھول گیا یاد آیا
یہ محبت بھی ہے کیا روگ فراز
جسے بھولے وہ سدا یاد آیا

احمد فراز

 

[شمشاد]

اس کی یاد آئی ہے سانسو ذرا آہستہ چلو
دھڑکنوں سے بھی عبادت میں خلل پڑتا ہے
(راحت اندوری)

 

[مومن فرحین]

لبوں کی مسکراہٹ کا
اس کی باتوں سے نہ جانے کیا تعلّق ہے
ابھی کچھ دیر ہی تو اس نے باتیں کی ہونگی
اورایسے آ کے لبوں پر بکھری گئی ہیں یہ
کہ جیسے ساتوں رنگ دھنک کے ہوں ۔۔۔

 

[شمشاد]

کوئی تو تھا دھنک دھنک خواب میں یا خیال میں
رنگ عجیب گھل گئے کیفیت ملال میں
(باقر نقوی)

 

[شمشاد]

مجھ کو پانا ہے تو پھر مجھ میں اتر کر دیکھو
یوں کنارے سے سمندر نہیں دیکھا جاتا
(رضی اختر شوق)