نہیں

[تانیہ]

دو منفیوں کی ضرب سے بنتی ہیں مثبتیں
تو بھی خدا کے واسطے کہہ دے نہیں، نہیں
(نامعلوم)

واہ
زبردست

 

[تانیہ]

نہیں جواب کا طلب میرا جنوں تجھ سے
مگر کاش میں یہ آنسو چھپا سکوں تجھ سے

 

[تانیہ]

نہیں جواب کا طلب میرا جنوں تجھ سے
مگر کاش میں یہ آنسو چھپا سکوں تجھ سے

 

[شمشاد]

تجھ سے بچھڑ کر آنکھوں کو نم کس لئے کریں
تجھ کو نہیں ملال تو ہم کس لئے کریں
(اعتبار ساجد)

 

[تانیہ]

وہ حرفوں کو صداقت آشنا ہونے نہیں دیتا
وفا دشمن کوئی وعدہ وفا ہونے نہیں دیتا
حقیقت میں کسی سے بھی نہیں دوستی اسکی
بظاہر جو کسی کو بھی خفا ہونے نہیں دیتا

 

[شمشاد]

تم سے ملے بھی ہم تو جدائی کے موڑ پر
کشتی ہوئی نصیب تو دریا نہیں رہا
(امجد اسلام امجد)

 

[راجہ صاحب]

پہچانتے نہيں اسے محفل ميں دوست بھي
چہرہ ہو جس کا گرد الم سے اٹا ہوا

شکیب جلالی

 

[شمشاد]

اک نام تو باقی رہتا ہے، گر جان نہیں
جب دیکھ لیا اس سودے میں نقصان نہیں
تب شمع پہ دینے جان پتنگا آیا ہے
سب مایا ہے

(ابن انشاء)

 

[راجہ صاحب]

ہم کو اچھا نہیں لگتا کوئی ہم نام تیرا
کوئی تجھ سے ہو تو پھر نام بھی تجھ سا رکھے

 

[شمشاد]

دن کٹا جائے اب رات کدھر کاٹنے کو
جب سے وہ گھر میں نہیں، دوڑے ہے گھر کاٹنے کو
(ذوق)

 

[تانیہ]

بےرُخی اس سے بڑھکر اور بھلا کیا ہو گی
ایک مدت سے ہمیں اس نے ستایا بھی نہیں

 

[شمشاد]

آتا نہیں ہے وہ تو کسی ڈھب سے داؤ میں
بنتی نہیں ہے ملنے کی اس کے کوئی طرح
(مومن خان مومن)

 

[تانیہ]

بچھڑتے وقت کوئی بدگمانی دل میں آ جاتی
اسے بھی غم نہیں ہوتا، مجھے بھی غم نہیں ہوتا

 

[شمشاد]

وہ حدّتیں تو اب نہیں لہو میں آپ کے حضور
اب اور اپنے واسطے مسافتیں نہ مانگیے
(سہیل ثاقب)

 

[راجہ صاحب]

ہم نے ہی لوٹنے کا ارادہ نہیں کیا
اسنے بھی بھول جانے کا وعدہ نہیں کیا

پروین شاکر

 

[شمشاد]

بُھوکے نہیں ہیں سیرِ گلستان کے ہم ولے
کیوں کر نہ کھائے کہ ہوا ہے بہار کی
(غالب)

 

[عبداللہ محمد]

بڑے اسرار پوشیدہ ہیں اس انتہا پسندی میں
یہ مت پوچھو کہ دیوانے جہاندیدہ نہیں ہوتے
تعجب کیا اگر اقبال دنیا مجھ سے نا خوش ہے
بہت سے لوگ دنیا میں پسندیدہ نہیں ہوتے​

محمد تابش صدیقی بھائی کیا یہ اقبال ہی کے اشعار ہیں-

 

[محمد تابش صدیقی]

محمد تابش صدیقی بھائی کیا یہ اقبال ہی کے اشعار ہیں-

کسی اور اقبال کے ہوں تو ہوں، علامہ محمد اقبالؒ کے نہیں ہیں۔

 

[عبداللہ محمد]

کسی اور اقبال کے ہوں تو ہوں، علامہ محمد اقبالؒ کے نہیں ہیں۔

یعنی جو آپکی ایپ شاعرِ مشرق تلاش نہ کر سکے انکو کسی اور کا ہی سمجھا جائے؟

 

[محمد تابش صدیقی]

یعنی جو آپکی ایپ شاعرِ مشرق تلاش نہ کر سکے انکو کسی اور کا ہی سمجھا جائے؟

فی الحال تو ایسا ہی ہے، جب تک کے علامہ نیا کلام نہیں چھپوا لیتے۔
ویسے اقبال کا متروکہ کلام بھی موجود ہے، مگر وہ بھی کم از کم بے وزن نہیں ہو سکتا۔ اور نہ ہی علامہ کے مزاج کے مطابق ہے۔