والد پہ اشعار

[صابرہ امین]

اللہ پاک جنت الفردوس میں جگہ عطاء فرمائے، آمین

آمین

 

[سیدعثمان نعیم]

ایک اور نظم تھی جس کے اشعار درج ذیل ہیں ۔کچرے کا احتمال ہے چونکہ کافی عرصہ پہلے ایک اخبار میں نظر سے گزری تھی اگر کسی محفلین کے پاس ہو شکریہ کے ساتھ شراکت فرمائیں
خود رہا سدا برہنہ پا مجھے نیا جوتا دلا دیا
میرے باپ کےاسی روپ نے مجھے باپ جیسا بنادیا
وہ جو سردیوں میں ہوا چلی تو ٹھٹھرتی رات میں فرش پر
میرا باپ چپکے سے سوگیا اور مجھے کمبل اوڑھا دیا

(نوٹ)کچرے کی کہانی یہ ہے کہ جب ہمارے یہاں احباب کی محفل جمتی ہے اور اشعار کی قندیلیں جلائی جاتی ہیں تو جو شعر اپنی بنت (شاعر کی تخلیق کے مطابق) سے ہٹ کر ہوتو محفل میں ""کچرا ہے بھائی کچرا ہے"" کا شوراٹھتا ہے۔کچرے کا استعارہ ہم نے موٹرسائیکل کے پلگ والے کچرے سے لیا ہے ۔

رہا پا برہنہ وہ خود مگر، نیا بُوٹ مجھ کو دِلادیا
مِرے باپ کے اِسی رُوپ نے مجھے باپ جیسا بنادیا
مَیں تماشا دیکھنا چاہتا تھا، سَروں کی اونچی قطار سے
مِرے پیر کاندھے پر رکھ دیئے، مجھے دوسروں سے بڑھادیا
جو گِلہ کیا، کڑی دھوپ میں یہ سفر کٹھن بھی ہے، سخت بھی
تو رَدا میں مجھ کو چُھپالیا، کڑی دُھوپ، لُو سےبچالیا
کبھی سردیوں میں ہوا چلی تو، ٹھٹھرتی رات کو فرش پر
مِرا باپ چُپکے سے سوگیا، مجھے اپنا کھیس اُڑھادیا

 

[میم الف]

طفل کو دلوا دیے جوتے نئے
باپ نے پہنے پرانے گانٹھ کے​

اگر یہ شعر غیر ادبی سا لگے تو اس کی وجہ یہ ہے کہ یہ میرا ہی شعر ہے۔

 

[محمد عبدالرؤوف]

طفل کو دلوا دیے جوتے نئے
باپ نے پہنے پرانے گانٹھ کے​

اگر یہ شعر غیر ادبی سا لگے تو اس کی وجہ یہ ہے کہ یہ میرا ہی شعر ہے۔

لڑکا اگر کم عمر ہے تب تو کوئی مسئلہ نہیں اور اگر کام کاج کرنے جوگا ہو گیا ہے تب غیر ادبی نہیں بلکہ بے ادبی ہے۔ 😜

 

[جاسمن]

باپ زینہ ہے جو لے جاتا ہے اونچائی تک
ماں دعا ہے جو سدا سایہ فگن رہتی ہے

 

[طاہر شیخ]

یہ سوچ کر ماں باپ کی خدمت میں لگا ہوں
اس پیڑ کا سایا مرے بچوں کو جائے گا

منور رانا

 

[جاسمن]

کل مرے بیٹے نے تصویر بنائ میری
ایک بیٹےکی نظرباپ کویوں دیکھتی ہے
(اعتبارساجد)

 

[ظہیراحمدظہیر]

میرے باپ نے ہجرت کی تھی ، میں نے نقل مکانی
انہوں نے تاریخ لکھی تھی ، میں نے ایک کہانی
(مامون ایمن ۔ نیویارک )

 

[نیرنگ خیال]

اوہ ہتھ جیہڑے رُکّھاں وانگوں دُھپّاں نوں ڈک لیندے سن
رُت ڈھلی تے اکھیں ڈِٹّھا، ہاڑ اچ سڑدے کلّے نیں
ذوالقرنین (نیرنگ خیال)

ایک عرصہ پرانی پنجابی غزل سے شعر۔۔۔۔

 

[ظہیراحمدظہیر]

اوہ ہتھ جیہڑے رُکّھاں وانگوں دُھپّاں نوں ڈک لیندے سن
رُت ڈھلی تے اکھیں ڈِٹّھا، ہاڑ اچ سڑدے کلّے نیں
ذوالقرنین (نیرنگ خیال)

ایک عرصہ پرانی پنجابی غزل سے شعر۔۔۔۔

پوری غزل عنایت کیجیے ، نین بھائی!

 

[نیرنگ خیال]

پوری غزل عنایت کیجیے ، نین بھائی!

مایوس مت ہوجائیے گا۔۔۔ یہاں ہے۔۔۔

 

[ظہیراحمدظہیر]

مایوس مت ہوجائیے گا۔۔۔ یہاں ہے۔۔۔

زبردست! یہ تو معلوم تھا کہ آپ چُھپے ہوئے ہیں لیکن یہ معلوم نہیں تھا کہ رُستم بھی ہیں۔ کیا بات ہے ! نین بھائی!

 

[نیرنگ خیال]

زبردست! یہ تو معلوم تھا کہ آپ چُھپے ہوئے ہیں لیکن یہ معلوم نہیں تھا کہ رُستم بھی ہیں۔ کیا بات ہے ! نین بھائی!

یہ تو آپ کی کرم فرمائی اور ذرہ نوازی ہے کہ ایسے کہہ دیا۔۔۔ ورنہ میں تو بالکل ہی نکما سا شخص ہوں تمام معاملات میں۔ جزاک اللہ ظہیر بھائی

 

[جاسمن]

زبردست! یہ تو معلوم تھا کہ آپ چُھپے ہوئے ہیں لیکن یہ معلوم نہیں تھا کہ رُستم بھی ہیں۔ کیا بات ہے ! نین بھائی!

ابھی بھی بہت سے جوہر ہم سے پوشیدہ ہیں جناب!

 

[ظہیراحمدظہیر]

ابھی بھی بہت سے جوہر ہم سے پوشیدہ ہیں جناب!

لگتا تو ایسا ہی ہے۔
ان صاحب کی خامہ تلاشی لینا پڑے گی کہ اور کیا کیا اصنافِ تحریر چھپا کر رکھی ہوئی ہیں ۔

 

[نیرنگ خیال]

ابھی بھی بہت سے جوہر ہم سے پوشیدہ ہیں جناب!

لگتا تو ایسا ہی ہے۔
ان صاحب کی خامہ تلاشی لینا پڑے گی کہ اور کیا کیا اصنافِ تحریر چھپا کر رکھی ہوئی ہیں ۔

آپ دونوں کی اس بات سے مجھے محفل پر اپنے تعارفی دھاگے کا عنوان یاد آگیا ۔۔۔ جو کہ جون ایلیا کے اس شعر کا دوسرا مصرعہ ہے۔

میں اور خود کو تجھ سے چھپاؤں گا یعنی میں
لے دیکھ لے میاں مرے اندر بھی کچھ نہیں

 

[جاسمن]

آپ دونوں کی اس بات سے مجھے محفل پر اپنے تعارفی دھاگے کا عنوان یاد آگیا ۔۔۔ جو کہ جون ایلیا کے اس شعر کا دوسرا مصرعہ ہے۔

میں اور خود کو تجھ سے چھپاؤں گا یعنی میں
لے دیکھ لے میاں مرے اندر بھی کچھ نہیں

جی نہیں۔ بالکل متفق نہیں ہیں۔
کسرِ نفسی تو کوٹ کوٹ کے بھری ہوئی ہے۔

 

[جاسمن]

کاٹا لگا کے میرے دل میں ٹھنڈ پڑ گئی۔
اب کاٹا لگانا بس ایک محفلین کا کام تو نہیں ہے ناں! ہمارا بھی "کاٹے" پہ پورا پورا حق ہے۔

 

[ظہیراحمدظہیر]

آپ دونوں کی اس بات سے مجھے محفل پر اپنے تعارفی دھاگے کا عنوان یاد آگیا ۔۔۔ جو کہ جون ایلیا کے اس شعر کا دوسرا مصرعہ ہے۔

میں اور خود کو تجھ سے چھپاؤں گا یعنی میں
لے دیکھ لے میاں مرے اندر بھی کچھ نہیں

واہ! بہت خوب! کسرِ نفسی کے حق میں دلیل کے لیے جون ایلیا اسپیشل کا سہارا!

سینے میں دل ہے ، بس یہی بڑا سرمایا ہے ۔ زندہ رہیں ، سلامت رہیں!

 

[ظہیراحمدظہیر]

کاٹا لگا کے میرے دل میں ٹھنڈ پڑ گئی۔
اب کاٹا لگانا بس ایک محفلین کا کام تو نہیں ہے ناں! ہمارا بھی "کاٹے" پہ پورا پورا حق ہے۔

بو کاٹا!!!!
یہ ہوئی نا بات! نہلے کو دہلے سے کاٹ کر آپ نے اہلِ انکسار کو دہلا دیا !
اس تُرپ چال کا جواب نہیں! واہ!