پسندیدہ اقوال زرّیں، سنہری باتیں۔۔سید لبید غزنوی

[سید لبید غزنوی]

جن انسانوں کی انا بہت مضبوط ہوتی ہے ۔ان کی شخصیت بہت کمزور رہ جاتی ہے ۔​

 

[سید لبید غزنوی]

آپ کا شمار خوش نصیب لوگوں میں ہوگا اگر آپ آدھے خالی گلاس کو آدھا بھرا ہوا دیکھنے کی صلاحیت رکھتے ہیں۔​

 

[سید لبید غزنوی]

اندھیرے کی سب سے بھیانک قسم منفی سوچ ہوتی ہے جو امید کے ہر چراغ کو گل کر دیتی ہے ۔​

 

[سید لبید غزنوی]

برائی سے بچنے کا آسان حل لوگوں کو برائی سے روکنا ہے کیونکہ اس کے بعد لوگ آپ کو برائی نہیں کرنے دیں گے۔​

 

[سید لبید غزنوی]

مشکل میں اللہ کو یاد رکھنا مشکل نہیں اصل مشکل آسانی میں اسے یاد رکھنا ہے ۔​

 

[سید لبید غزنوی]

جتنی ذہانت کسی کی بات کا جواب دینے کے لیے ضروری ہے اس سے کہیں زیادہ ذہانت اس کی بات کو سمجھنے کے لیے ضروری ہے ۔
​

 

[سید لبید غزنوی]

جن لوگوں کے دلوں میں نفرت ہوتی ہے وہ نفرت ہی پھیلاتے ہیں ۔اور جن کے دلوں میں محبت ہوتی ہے وہ محبت ہی پھیلاتے ہیں۔​

 

[سید لبید غزنوی]

جسے گرم روزے کی پیاس متقی نہ بنا سکی اسے کوئی اور چیز کیسے متقی بنا سکتی ہے ۔جسے ٹھنڈے پانی کا افطار شکر گزار نہ بنا سکا اسے کوئی اور چیز کیسے شکر گزار بنا سکتی ہے ۔​

 

[سید لبید غزنوی]

جب کسی محرومی کا دکھ ستانے لگے تو اپنی ان نعمتوں کو شمار کریں جو اگر چھن گئیں تو جینا مشکل ہو جائے گا۔​

 

[سید لبید غزنوی]

اندھے پن کی ہر قسم ہی بری ہے ۔مگر بدترین قسم دل کا اندھا پن ہے اور یہ اندھا پن تعصب سے پیدا ہوتاہے ۔​

 

[سید لبید غزنوی]

انسان کو دنیا میں اپنی جنت بنانے کے لیے بھیجا گیا ہے مگر انسان دنیا کو ہی اپنی جنت بنانے میں مگن رہتاہے ۔​

 

[سید لبید غزنوی]

جو لوگ ایمان اور اخلاق کی راہ پر چلتے ہیں جنت خود ہی ان کی منزل بن جاتی ہے اور جو لوگ خواہش اور تعصب کی راہ پر چلتے ہیں جہنم خود بخود ان کی منزل بن جاتی ہے ۔​

 

[سید لبید غزنوی]

انتہا پسندی کے جواب میں انتہاپسندی کا رویہ آپ کے علم و اخلاق کی شکست ہے ۔ انتہاپسندی کے جواب میں توازن پر قائم رہنا آپ کے علم و اخلاق کی فتح کی علامت ہے ۔​

 

[سید لبید غزنوی]

جو لوگ اپنے سینے میں تعصب کے ناگ پالتے ہیں وہ سب سے پہلے خود ہی ان کے زہر کا نشانہ بنتے ہیں۔​

 

[سید لبید غزنوی]

صبر کی عادت کے بغیر حصول جنت کی خواہش ایک ایسا خواب ہے جس کی کوئی تعبیر نہیں ہو سکتی۔​

 

[سید لبید غزنوی]

صبر بھی رنگ لاتا ہے اور غصہ بھی صبر کے رنگوں سے زندگی حسین ہو جاتی ہے اور غصے کا رنگ محبت کے ہر رنگ کو نگل جاتا ہے ۔​

 

[سید لبید غزنوی]

ہدایت بندوق کی گولی نہیں ہوتی جس سے دوسروں کو نشانہ بنایا جائے ۔یہ روشنی ہوتی ہے۔جو دل سے پھوٹتی ہے اور سب سے پہلے ہمارے اپنے وجود کو منور کرتی ہے ۔​

 

[سید لبید غزنوی]

ہمارا اصل امتحان اس وقت شروع ہوتاہے جب بظاہر ہم امتحان سے نکل چکے ہوتے ہیں۔​

 

[سید لبید غزنوی]

ندامت توبہ کے دروازے کی اصل کنجی ہے جبکہ سرکشی اور تاویل اس دروازے کے قفل ہیں۔​

 

[سید لبید غزنوی]

روزہ جنت کا دروازہ ہے مگر یہ دروازہ صرف وہی شخص کھول سکتاہے جو روزے کی مشقت کو تقویٰ کی کنجی میں بدل سکے ۔​