پنجابی ٹپے

[جاسمن]

کھُوہ وگدے چ نہانا پے گیا
رُسے ہوئے مُدتاں دے
اج ہسیؔاں بُلانا پے گیا

 

[جاسمن]

چِٹا رنگ وے پتاسے دا
بڑا سوہنا لگدا اے
بندہ سجنا دے پاسے دا

 

[جاسمن]

حُقہ پیندے او دم لا کے
آئیاں دیاں لکھ خوشیاں
ٹُر جاندے اوں غم لا کے

 

[جاسمن]

پٹھے پانی آں لیلے نُوں
ٹُر گیا چن ماہی
پچھتانی آں ویلے نُوں

 

[جاسمن]

بس چلدی تے بہہ گئے او
پِچھے دا خیال رکھیو
دِل کڈھ کے لے گئے او

 

[جاسمن]

ٹانگے گھوڑے دیاں واگاں نی
پھڑ کے نہ چھڈ سوہنیا
بانہہ پھڑی دیاں لاجاں نی

 

[جاسمن]

منجی بھری ہوئی کاواں دی
تُوں چل پھٹیاں نُوں
داء لگے گا تے آواں گی

 

[جاسمن]

دو پتر امروداں دے
تیری میری اِک جنڈری
وچ فرق وجوداں دے

 

[جاسمن]

بس چلدی تے بہہ گئے او
سمجھ نہیں آئی سوہنیو
گل کیہڑی کہہ گئے او

 

[جاسمن]

نیلے رنگ دی کار ہووے
نقشاں نُوں کیہ کرناں
ما ہیا فیشن دار ہووے

 

[جاسمن]

ساہ مُک جاوے ڈیناں دا
ساڈے ول تک سوہنیا
کیہ جاندا اے نیناں دا

 

[جاسمن]

کنیں سونے دیاں پا گوہلاں
میں تیری بلبل آں
تیرے دفتر جا بولاں

 

[جاسمن]

دو پتر نیں نے ہر ہر دے
تیرے پِچھے وے سوہنیا
دھکے کھادے نے در در دے

 

[جاسمن]

کوتھے اُتوں اُڈ کانواں
سدّ پٹواری نُوں
جِند ڈھول دے ناں لاواں

 

[جاسمن]

کنیں کانٹے دو ماسے
اِک پاسا رکھ سوہنیا
کدی رہے نہیں دو پاسے

 

[جاسمن]

گنیاں دی رو ماہیا
اُنج بھانویں نہ بولیں
ساڈے ساہمنے تے رہو ماہیا

 

[جاسمن]

نکے باجرے دا کیہ مُچھنا
جیہدے نال دِل لائیے
اوہدی ذات دا کیہ پُچھنا

 

[جاسمن]

پھل جھڑ گئے ککراں دے
رات دلیلاں دی
دِن چڑھ گئے فِکراں دے

 

[جاسمن]

لوہے شوہے دے بنا چھاننے
ادھی روٹی ونڈ کھائیے
اکھیاں دے رہو سامنے

 

[جاسمن]

پٹھے پانی آن ویہڑی نُوں
عشقے دا روگ نہ لگے
کسے دشمن ویری نُوں