پنجابی ٹپے

[خالد محمود چوہدری]

کوئی لال رومال ہووے
دکھ فیر کس گل دا
جد ماہی میرے نال ہووے

 

[خالد محمود چوہدری]

کالے بدلاں چہ پانی اے
جدی گل اتے تل چمکے
ساڈے دل دی او رانی اے

 

[خالد محمود چوہدری]

بیر پک گئے نیں بیری دے
اسی تے آں ست پیناں
توں ایں عاشق کیہڑی تے

 

[خالد محمود چوہدری]

کوئی لوہے دی دراندی اے
میں اوس اتے مرندا ہاں
جدے والاں چہ پراندی اے

 

[خالد محمود چوہدری]

باغاں اچ پھل کھل پئے
اکھاں جد چار ہویاں
ساڈے دواں دے دل مل پئے

 

[خالد محمود چوہدری]

۔

 

[خالد محمود چوہدری]

۔

 

[خالد محمود چوہدری]

۔

 

[خالد محمود چوہدری]

۔

 

[خالد محمود چوہدری]

غلطی نال ایتھے پوسٹ کر دتیاں سن محفل متراں دے بدلے۔

 

[یوسف سلطان]

کوٹھے تے کھیسی اے ۔ کوٹھے تے کھیسی اے
اِک سانُوں تُوں ماریا
دُوجا جگ پردیسی اے

 

[یوسف سلطان]

میریا وے ماہیا قد سجنا دا چھوٹا اے
کالیاں زلفاں دے وچ
مکھ چن(چاند) دا وے ٹوٹا اے

 

[یوسف سلطان]

کوئی چلدا جے زور ہندا
تیرے پچھے کیوں رلدے
جے کوئی تیرے جیا ہور ہندا

 

[یوسف سلطان]

گلاں لیکھ دیاں
کوٹھے تے چڑھ کے کڑیاں
جنجاں ویکھدیاں
(ادریس آزاد)

 

[یوسف سلطان]

شاماں ڈھلیاں نے
میرے ویہڑے وچ تیریاں
یاداں بلیاں نے

 

[یوسف سلطان]

ساڈے بُوہے اگے شاہ دولہ
دِنے سانوں غم رہندا
راتیں یار ملا مولا

 

[یوسف سلطان]

کوئی ساوی سر ماہیا
رسا تینوں میں دینی ہا ں
پھاہ لے کے مر ماہیا

 

[یوسف سلطان]

رو ٹی اتے بو ٹی اے
سورا تیرا لما پتلا
سس کالی تے مو ٹی ہے

 

[یوسف سلطان]

آلو مٹر پکائے ہوئے نیں
ایک تیری آ کھ سونیڑی
اوتوں وال راکھائے ہوئے نے

 

[یوسف سلطان]

آلو مٹر پکا لیساں
بٹناں نوں اگ لا کے
تینوں سینے نال لا لیساں