تیرہویں سالگرہ ڈاکیا ڈاک لایا

[مریم افتخار]

آپ کے مذاق نے بھی تو بیچارے کا دل ہی توڑ کر رکھ دیا جو ساری رات اب پیگ ہی لگائے گا!

اور وہ جو 'پیتل دی دنیا دے کونے کونے' سے مبارکبادیں آ رہی ہیں، حتی کہ اگلی نسلوں کی جانب سے بھی مبارکباد دے دی گئی ہے، تب کس قلب صادق کا خیال کیا گیا بھلا!

 

[ابن سعید]

اطلاعا عرض ہے کہ یو ایس ڈیپارٹمنٹ آف ڈیفنس کے سال 1625 کے ماڈل مین فریم کمپیوٹر اور ڈائل اپ کنکشن سے بھیجی گئی مبارکباد بھی ایک ہفتے بعد موصول ہو گئی ہے۔

ایک بار کو لگا کہ يو ايس اسٹيٹ ڈيپارٹمينٹ کی ڈيجيٹل آؤٹ ريچ ٹيم کی طرف سے کوئی پیغام آیا ہے۔

 

[حمیرا عدنان]

ایک خاتون جس کی لندن تو کیا پاکستان میں بھی کوئی پراپرٹی نہیں ہے اس کی جانب سے مبارکباد کا پیغام آیا ہے

 

[محمد امین صدیق]

حسن نثار کی کی جانب سے اردو محفل کو تیرھویں سالگرہ کی ڈانٹ بھری مبارک باد کہ جن کا بلڈ پریشر اردو محفل کے جو بہ جو ، یم بہ یم ، قریہ بہ قریہ شگفتہ مراسلہ جات پڑھ کرحداعتدال میں قدم رنجہ فرماتا ہے !

 

[محمد امین صدیق]

ٹھاکر بلدیو سنگھ ( بھارتی فلم شعلے / سنجیو کمار ) کی جانب سے اردو محفل کو ڈاکو گبر سنگھ کو پکڑنے کی ہدایت کے ساتھ تیرھویں سالگرہ کی مبارکباد ، ان کا کہنا ہے کہ تیرہ سال محفل میں رہنے کے بعد باقی ساری نیٹ گردی بھول جاؤگے اے محفلین !

 

[محمد امین صدیق]

گھر کا بھیدی لنکا ڈھا دینے کے بعد اردو محفل کو سالگرہ کی مبارکباد دینے کے لیے کمربستہ ہیں مگر خبردار ، ان کی مبارکباد نہ وصول کی جائے کہ مابدولت کو کئی تحفظات لاحق ہیں !

 

[محمد امین صدیق]

ذوالفقارعلی بھٹو کی جانب سے قبر سے محفلین اور محفل کو تیرھویں سالگرہ کی مبارکباد ، آخر ان کا بھی بھرم تو رکھنا ہی ہے جو کہتے ہیں "زندہ ہے بھٹو زندہ ہے "!

 

[جاسمن]

اوپڑ دی گڑ گڑ دی بے دھیانا دی لالٹین ۔۔۔۔کی طرف سے بھی سالگرہ مبارک

 

[جاسمن]

چاند پہ چرخہ کاتنے والی بوڑھی اماں بھی کہہ رہی ہیں کہ مبارک ہو اردو محفل۔

 

[جاسمن]

دیوار چین،اہرام مصر، اور پیسامینار کی جانب سے بھی مبارباد۔

 

[محمد امین صدیق]

وید پرکاش شرما ، سریندرموہن پھاٹک ،انیل ورما، راج بھارتی ،شگن شرما اور گلشن نندہ کی جانب سے اردو محفل کو سالگرہ کی مبارکباد ! یہ وہ بھارتی ناول نویس ہیں جن کے بہترین ہندی ناول مابدولت آج کل بڑے ذوق وشوق سے پڑھ کر کماحقہ محظوظ ہورہے ہیں!

 

[محمد امین صدیق]

زکوٹا جن نے محفلین کو سالگرہ کی مبارک باد بھیجتے ہوئے پوچھا ہے ۔
زے بی ناٹ
مجھے کام بتاؤ میں کیا کروں میں کس کو کھاؤں

بتاؤں؟

مرقوم بالا ہر دو مراسلۂ دہشت خیز نے مابدولت کے قلب اختلاج زدہ میں خوف کی ایک لہر یخ بستہ سی دوڑادی ہے اور مابدولت کے لئے نا جائے رفتن نا پائے ماندہ والی صورتحال پیدا کردی ہے ۔ تاہم راہ فرار اختیار کرنے کے لئے مابدولت ساعت قلیل بھی ضائع کئے بغیر محفل کے کسی دریچۂ وا کی جستجو میں جت جاتے ہیں !

 

[قرۃالعین اعوان]

بارش کے بعد اٹھنے والی مٹی کی مسحور کن خوشبو کی طرف سے بھی محفل کو مبارکباد!
پیغام ہے کہ محفل یونہی مہکتی رہے!

 

[قرۃالعین اعوان]

کینڈی بسکٹ بنانے والوں کی طرف سے بھی میٹھی سی مبارکباد.....!
کہتے ہیں
جو مزا محفل میں ہے وہ کسی اور میں کہاں.. . .... ..

 

[عثمان]

محفل کے مرکزی سرور کی جانب سے ان تمام مبارکبادوں کو قبول کرتے ہوئے التجا ہے کہ:
"سُوکھی مبارکبادوں کے ساتھ چندے کے کچھ ڈالر بھی نتھی کرو!"

 

[محمد تابش صدیقی]

خادمِ اعلیٰ شہباز شریف کی جانب سے بھی تیرھویں سالگرہ کی مبارکباد
محفل میں ایک انڈرپاس اور میٹرو بنانے کی منظوری دے دی۔

 

[محمد تابش صدیقی]

مولانا فضل الرحمٰن نے محفل کے آئین کے تناظر میں جمہوری مبارکباد بھیجی ہے۔ اور پوچھا ہے کہ ضیافت کا اہتمام کس ہال میں ہے؟

 

[محمد تابش صدیقی]

ملک ریاض کی جانب سے بھی مبارکباد۔
جلد ہی محفل کے پرفضا مقام پر بحریہ ٹاؤن بنانے کا اعلان۔ محفلین میں مفت پلاٹ تقسیم کیے جائیں گے۔

 

[جاسمن]

الکامونیا کے باسیوں کی طرف سے بھی مبارکباد ارسال کی گئی ہے۔
وہ کہتے ہیں کہ الکامونیا میں سب کچھ ہوسکتا ہے۔

 

[سید عمران]

ایک خاتون جس کی لندن تو کیا پاکستان میں بھی کوئی پراپرٹی نہیں ہے اس کی جانب سے مبارکباد کا پیغام آیا ہے

کیا یہ مبارک باد بقلم خود آپ کی جانب سے تصور کی جائے؟؟؟