محمد عدنان اکبری نقیبی
لائبریرین
کتابوں کا اتوار بازار
- صاحب لڑی محمد عدنان اکبری نقیبی
- تاریخ ابتداء
ظہیراحمدظہیر
لائبریرین
اواخرستر اور اوائل اسی کی دہائیوں میں کراچی میں پرانی کتابوں کے ٹھیلے اور فٹ پاتھ کے ٹھیے کئی جگہوں پر نظرآتے تھے۔ مجھے یاد ہے کہ ایسے ہی ایک فٹ پاتھ سے میں نے شایدایک روپے میں نیشنل جیوگرافک کا ایک پرانا شمارہ خریدا تھا جو انیس سو ساٹھ یا اکسٹھ میں شائع ہوا تھا اور اس کے سرورق پر کراچی کی ایک سڑک کی تصویر تھی ۔ اس شمارے میں کراچی کے بارے میں ایک بہت ہی مفصل اور باتصویر مضمون تھا جسے پڑھ کر اور دیکھ کرکراچی کسی اور ہی دنیا کا شہر معلوم ہوتا تھا ۔ ایک عرصے تک اس شمارے کو سینت سینت کر رکھا لیکن جیسا کہ ہوتا ہے وہ دست بردِ زمانہ کی نذر ہوگیا۔ آٹھ دس سال پہلے اپنےایک بوڑھے مریض سے بات چیت ہورہی تھی ۔ وہ صاحب جنگِ عظیم دوم کے دوران کراچی میں رہے ہیں ۔ پائلٹ تھے اور کراچی ایئر بیس پر کئی کئی دن ٹھہرنا ہوتا تھا ۔ ان سے میں نے پوچھا کہ کراچی کیسا تھا ۔ تو بہت تعریفیں کرنے لگا ۔ کہنے لگا کہ بالکل یورپی اور امریکی شہروں جیسا تھا ۔ بہت ماڈرن۔ پھر مجھ سے پوچھنے لگا کہ میں آخری دفعہ کب گیا تھا اور اب کراچی کیسا ہے ۔ میں سن کر خاموش ہوگیا ۔ سوچنے لگا کہ کاش یادداشت گھٹانے کی بھی کوئی دوا ہوتی!
رانا
محفلین
ایسی دکانوں سے ہمیں تو ڈائجسٹ ہی ملا کرتے تھے۔ سائنس ڈائجسٹ و میگزین، اردو ڈائجسٹ اور جاسوسی وغیرہ۔ اردو ڈائجسٹ کئی سال تک ہر ماہ نیا خریدا کرتے تھے لیکن کچھ سال بعد مضامین میں معیار کی کمی محسوس ہونے لگی تو چھوڑ دیا۔
ہم بھی گوالمنڈی چوک پہ پرانی کتابوں کی دکان سے کچھ کتابیں لائے۔
چوہدری طیب
محفلین
دکان اچھی ہے
ہم بھی گوالمنڈی چوک پہ پرانی کتابوں کی دکان سے کچھ کتابیں لائے۔
چوہدری طیب
محفلین
چند سال قبل مجھے بھی کتابیں خرید کر پڑھنے کا بہت شوق تھا لیکن اب صرف موبائل-فون میں ہی پڑھ کر شوق پورا ہوجاتا ہے.
بافقیہ
محفلین
ہائے !!! ہمارے ہندوستان میں اردو کتابوں کے ایسے بازار خاص طور پر پرانی کتابوں کے کہیں نہیں لگتے۔
جاسمن
لائبریرین
یہ میرے بیٹے نے تصاویر لی ہیں اور اس سے مجھے یہی شکایت رہتی ہے کہ تم تصاویر ٹھیک سے نہیں لیتے۔ مجھے امید تھی کہ وہ پوری دکان کی تصویر لے گا لیکن۔۔۔۔
اس دکان میں انگریزی اور اردو کتابیں بھی ہیں۔ عمران سیریز بھی ہے۔
نسیم زہرہ
محفلین
اتوار کے روز صدر کے بھرے پُرے علاقے ریگل چوک کی ایک ایسی گلی میں پرانی کتب کا بازار لگتا ہے جو عام دنوں میں کاروباری مصروفیت کی بنا پر لوگوں کی آمدورفت سے معمور نظر آتی ہے اور جہاں صحیح معنوں میں کھوے سے کھوا چھلتا ہے۔ لیکن یہاں اتوار کے دن کا آغاز کتاب کے دیوانوں کی فرزانگی سے ہوتا ہے۔ ابتدا میں کتابوں کا یہ بازار ڈاؤ میڈیکل کالج، مشن روڈ اور لائٹ ہاؤس پر لگا کرتا تھا۔ جب ۱۹۵۸ میں اسے وہاں سے ہٹا دیا گیا تو یہ ریگل چوک پر منتقل ہو گیا۔
کتب بینی کے شوقین ہر اتوار کی صبح ریگل چوک کی متذکرہ گلی میں کتابوں کے گرد ا س طرح اکھٹے نظر آتے ہیں، جس طرح شمع کے ارد گرد پروانے منڈلاتے ہیں۔
لنک
میرا جب بھی لاہور جانا ہوتا ہے تو گورنمنٹ کالج سے اردو بازار اور نئی انار کلی کو جاتی سڑک پر موجود کتاب بازار جو پورا ہفتہ جاری رہتا ہے کا چکر ضرور لگاتی ہوں اور میری چھوٹی سی لائبریری کی زینت چند نایاب کتب مجھے اسی بازار سے حاصل ہوئیں
آج اس نئے مقام کا پتا چلا تو انشاءاللہ پہلی فرصت میں یہاں بھی قسمت آزمائی ہوگی
محمد عدنان اکبری نقیبی
لائبریرین
آپ کیا آتی ہیں کراچی بہنا ۔
اے خان
محفلین
ایک کتاب پڑھی تھی تاج محل کے دیس میں اس میں پرانی کتابوں کی دکانوں کا ذکر تھاہائے !!! ہمارے ہندوستان میں اردو کتابوں کے ایسے بازار خاص طور پر پرانی کتابوں کے کہیں نہیں لگتے۔
سید عمران
محفلین
کراچی کو بھی بہن بنالیا ؟؟؟
اے خان
محفلین
آپ بھی نا جو آ جاتے ہیں ان سے ملتے نہیں اور جن کا پتہ نہیں ان سے پوچھنے بیٹھ جاتے ہیں.
سید عمران
محفلین
جن کے بارے میں عدنان بھائی کو پکا یقین ہوکہ وہ کبھی کراچی نہیں آئیں گے انہیں دھڑلے سے قیام و طعام کی دعوت دیتے ہیں۔۔۔
اور جو کراچی میں رہتے ہیں انہیں چائے کی پیالی تک نہیں پوچھتے۔۔۔
کیا یہ کھلا تضاد نہیں؟؟؟
نہیں، یہ کھلی سیاست ہے!!!
الف عین
لائبریرین
یہاں حیدرآباد میں تو اتوار کو عابد روڈ پر لگتا ہی ہے، میں پہلے بہت جایا کرتا تھا، دس بارہ سال سے کچھ دوکانیں کم ہونی شروع ہو گئیں، اب دس سال سے رٹائر منٹ کے بعد تو شاید ایک آدھ بار ہی گیا ہوں، لیکن اتوار کو ادھر سے گزرتے ہوئے دیکھا ہے کہ اب کپڑوں کی دوکانیں کتابوں کی دوکانوں سے زیادہ ہو گئی ہیں۔ پھر بھی انگریزی کی کتب اور رسائل تو اب بھی ملتے ہیں۔ اردو کی بھی کبھی کبھی نظر آ جاتی ہیں لیکن اردو کی کتب پرانے شہر کے چوک علاقے میں ملتی ہیں لیکن اتوار کو ہی محض دو چار دوکانیں!ہائے !!! ہمارے ہندوستان میں اردو کتابوں کے ایسے بازار خاص طور پر پرانی کتابوں کے کہیں نہیں لگتے۔
دہلی میں میں نے کناٹ پیلیس علاقے میں بھی اتوار بازار دیکھا تھا۔ اب شاید فاخر افتخاررحمانی بتا سکیں کہ لگتا ہے یا نہیں