یہ وہ بنیادی باتیں ہیں ۔ جنہیں میں مختلف دھاگوں میں مختلف زایوں سے رکھ کر سامنے لانے کی کوشش کرتا ہوں ۔ مگر ہم کنویں سے باہر نہیں نکل سکتے۔ سو یہ تضادچلتا رہے گا ۔ شکریہ فرخ بھائی آپ نے سرسری طور پر مگر بہت اہم نکات کی طرف توجہ مبذول کرائی ۔
جى ديكھ لى ہے ليكن ايك بات تسليم كرنى چاہیے كہ اردو ميں تازہ ملحدانہ افكار كا كوئى مضبوط رد نہيں ملتا ۔ يہ كتابچہ ٹھيك ہے ليكن بہت حد تك روايتى ۔
ميرے خيال ميں وحيد الدين خان كئى اعتراضات كے جواب ميں نسبتا مرعوبانہ انداز اختيار كرتے ہيں ۔ مثلا بطور ٹيسٹ كيس : اسلام تلوار سے پھيلا والا اعتراض اور اس كا جواب ديكھيں ۔ حيرت انگيز بات ہے كہ كيرن كا جواب زيادہ بہتر لگتا ہے ۔ مثلا وہ پوسٹ نائن اليون اسلاموفوبيا كو اينٹی سميٹزم كا ايك نيا روپ قرار دے كر مغرب كو اس sinister cultural flaw كو درست كر لينے كا مشورہ ديتى ہيں ۔ وہ محمد صلى اللہ عليہ وسلم كا دفاع اپنی كتابوں ميں بہت خوب صورتى اور جرات سے كرتى ہيں ، ان كو پيس ميكر قرار ديتى ہيں، يہوديوں کے ساتھ مسلمانوں کے فراخدلانہ رويے كى مثال دے كر اسلامى روادارى كا تاريخى مثالوں کے ساتھ ذكر كر کے اس تاثر كى نفى كرتی ہيں كہ اسلام زبردستى قبول كروايا گيا ۔
مگر جو روابط میں نے دیئے ہیں ان کا اسلاموفوبیا کیا اسلام سے بھی کوئ تعلق نہیں ہے۔
اب الحاد و اسلام پر مطالعہ ركھنے والے اتنا تو سمجھ سكتے ہيں كہ كيا نائن اليون ، apophatismاور 7 ويں صدى اسلام كى طرف اشارے نہيں ہيں ؟ بالكل اس طرح جس طرح ہولوكاسٹ ايك خاص مذہب كا اشارہ ہے ۔ بليك برن كا رى ويو ميں آج ديكھ رہی ہوں ، ليكن ہوفمين كو پڑھے الحمد للہ زمانہ ہوا اور اس ربط ميں بھی وہ Hugh Fitzgerald كو كوٹ كر رہا ہے جس كا ذكر ميں كر چکی ہوں۔ اس كے ہاں يہ سب اشارے موجود ہيں ۔ اور عموما اسلام مذہب ميں شامل ہے تو يہاں بھی شامل ہے مثلا سياست اور مذہب كى آميزش كے سوال سے اسلام كو الگ كيسے كيا جا سكتا ہے؟
معلوم نہیں ہوفمین کہاں سے بیچ میں آ گیا!! میں نے تو اس کا ربط ہی نہیں دیا۔
میں نے چند ایک پوسٹس میں کچھ حد تک ہیچنز کے خیالات کے بارے میں اپنی رائے بھی پیش کی ہے۔
بلا شك ۔ اسى ليے اس apophatismكو ايك طعنہ قرار ديا ۔ ليكن مستشرقين اور ملاحدہ کے اكثر اعتراضات كا يہی حال ہے كہ وہ غلط فہمى يا غلط بيانى پرمبنى ہيں۔ مثلا اسلام تلوار سے پھيلا ايك اعتراض ہے ليكن كيا يہ حقيقت بھی ہے ؟ يہ ايك دوسرى بحث ہے ۔ پھر بعض معترضين مذہب كى اصل كے بجائے مذہب پرستوں كو ديكھتے ہيں ۔ ان كا استدلال يہ ہے ك مسلمانوں كى ايك بڑی اكثريت apophatic يا معطلہ ہے۔ مسلم كلامى مذاہب ميں ماتريدی اور اشعرى مذاهب كے حوالے سے ان كا يہ استدلال ہے جو نظر انداز نہيں كيا جا سكتا ۔ دوسرى جانب جن كو غلط طور پر cataphatic يا literalistic ہونے كا طعنه ديا جاتا ہے كم از كم وہ اس طعنے سے محفوظ ہيں ۔۔۔ اس كا يقينا صرف اسلام سے تعلق نہيں تمام مذاہب كى ذيلى بحث كے طور پر اسلام كا ذكر بار بار آ سكتا ہے۔
