کتاب

[جاسمن]

کتاب تھامے ہوئے ہے ہر ایک شخص یہاں
میں سوچتا ہوں کسے صاحبِ کتاب کہوں
ڈاکٹر قطب ارشاد

 

[جاسمن]

کاغذ کی یہ مہک یہ نشہ روٹھنے کو ہے
یہ آخری صدی ہے کتابوں سے عشق کی

 

[فہد اشرف]

ترے ضمیر پہ جب تک نہ ہو نزول کتاب
گرہ کشا ہے نہ رازی نہ صاحب کشاف
اقبال

 

[فہد اشرف]

پڑهائی لکهائی کا موسم کہاں
کتابوں میں خط آنے جانے لگے
بشیر بدر

 

[جاسمن]

بارود کے بدلے ہاتھوں میں آ جائے کتاب تو اچھا ہو
اے کاش ہماری آنکھوں کا اکیسواں خواب تو اچھا ہو

غلام محمد قاصر

 

[محمد تابش صدیقی]

فرصت کہاں کہ ذہن مسائل سے لڑ سکیں
اس نسل کو کتاب نہ دے اقتباس دے

معراج فیض آبادی

 

[محمد تابش صدیقی]

بیانِ غم کی تمہیدوں میں چشمِ خونچکاں میری
کتابِ دل کے دیباچے میں خوں آلودہ تحریریں
نظرؔ لکھنوی

 

[محمد عدنان اکبری نقیبی]

نفرتوں کے شہر میں کتاب کوئی ایسی ہو
جو سبق پڑ ھا سکے ہر کسی کو پیار کا
نا معلوم

 

[محمد عدنان اکبری نقیبی]

حب احمدﷺ سے ہو مزین تو
دل سے بہتر کوئی کتاب نہیں۔
شاہین فصیح ربانی

 

[محمد عدنان اکبری نقیبی]

کتاب عشق لکھنے کی مجھے فرصت نہیں صاحب
ابھی بے وفائی پر میری تحریر باقی ہے۔!!!
نامعلوم

 

[فہد اشرف]

ایک چراغ اور ایک کتاب اور ایک امید اثاثہ
اس کے بعد تو جو کچھ ہے وہ سب افسانہ ہے
افتخار عارف

 

[محمد عدنان اکبری نقیبی]

یونہی بے سبب نہ پھرا کرو، کوئی شام گھر بھی رہا کرو
وہ غزل کی سچی کتاب ہے،اسے چپکے چپکے پڑھا کرو۔
بشیر بدر

 

[سلمان اشہدی]

الٹ رہی تھیں ہوائیں ورق ورق اس کا
لکھی گئی تھی جو مٹی پہ وہ کتاب تھا وہ

زینب غوری

 

[جاسمن]

وہ کتنا ناداں ہے میرا دلبر ستم کرے اور حساب مانگے
نفرتوں کی کتاب دے کر محبتوں کا نصاب مانگے

 

[جاسمن]

فرست

فُرصت

 

[محمد عدنان اکبری نقیبی]

فُرصت

شکریہ آپا۔

 

[محمد تابش صدیقی]

عجب گھڑی تھی
کتاب کیچڑ میں گر پڑی تھی
چمکتے لفظوں کی میلی آنکھوں میں الجھے آنسو بلا رہے تھے
مگر مجھے ہوش ہی کہاں تھا
نظر میں اک اور ہی جہاں تھا
نئے نئے منظروں کی خواہش میں اپنے منظر سے کٹ گیا ہوں
نئے نئے دائروں کی گردش میں اپنے محور سے ہٹ گیا ہوں
صلہ، جزا، خوف، ناامیدی
امید، امکان، بے یقینی
ہزار خانوں میں بٹ گیا ہوں
اب اس سے پہلے کہ رات اپنی کمند ڈالے یہ چاہتا ہوں کہ لوٹ جاؤں
عجب نہیں وہ کتاب اب بھی وہیں پڑی ہو
عجب نہیں آج بھی میری راہ دیکھتی ہو
چمکتے لفظوں کی میلی آنکھوں میں الجھے آنسو
ہوا و حرص و ہوس کی سب گرد صاف کر دیں
عجب نہیں میرے لفظ مجھ کو معاف کر دیں
عجب گھڑی تھی
کتاب کیچڑ میں گر پڑی تھی

افتخار عارف

 

[جاسمن]

بھلا دیں ہم نے کتابیں کہ اس پری رو کے
کتابی چہرے کے آگے کتاب ہے کیا چیز
نظیر اکبر آبادی

 

[جاسمن]

عجب گھڑی تھی
کتاب کیچڑ میں گر پڑی تھی
چمکتے لفظوں کی میلی آنکھوں میں الجھے آنسو بلا رہے تھے
مگر مجھے ہوش ہی کہاں تھا
نظر میں اک اور ہی جہاں تھا
نئے نئے منظروں کی خواہش میں اپنے منظر سے کٹ گیا ہوں
نئے نئے دائروں کی گردش میں اپنے محور سے ہٹ گیا ہوں
صلہ، جزا، خوف، ناامیدی
امید، امکان، بے یقینی
ہزار خانوں میں بٹ گیا ہوں
اب اس سے پہلے کہ رات اپنی کمند ڈالے یہ چاہتا ہوں کہ لوٹ جاؤں
عجب نہیں وہ کتاب اب بھی وہیں پڑی ہو
عجب نہیں آج بھی میری راہ دیکھتی ہو
چمکتے لفظوں کی میلی آنکھوں میں الجھے آنسو
ہوا و حرص و ہوس کی سب گرد صاف کر دیں
عجب نہیں میرے لفظ مجھ کو معاف کر دیں
عجب گھڑی تھی
کتاب کیچڑ میں گر پڑی تھی

افتخار عارف

میری ڈائری میں یہ نظم کسی زمانے کی لکھی ہوئی ہے۔

 

[جاسمن]

چھپی ہے ان گنت چنگاریاں لفظوں کے دامن میں
ذرا پڑھنا غزل کی یہ کتاب آہستہ آہستہ
پریم بھنڈاری