کھیل ہی کھیل میں‌ اپنی املاء درست کریں۔

[الف عین]

خوش آمدید خورشید آزاد۔۔۔
میری ٹائپو تھی بھئ یہاں، مجھ سے ایسی اغلاط بہت ہوتی ہیں جلدی میں۔

 

[شمشاد]

صحیح املا " نشاندہی " ہی ہے۔

 

[شمشاد]

آج ایک مندرجہ ذیل پیغام پڑھنے کو ملا :

خورشید تو ازل سے ایک دائرہ کی قید میں گوم رہا ہے اور ابد تک گومتا رہے گا۔

اس میں گوم کی املا غلط ہے جبکہ اصل لفظ " گھوم " ہے، اسی طرح "گومتا" بھی غلط ہے، صحیح املا " گھومتا" ہے۔

 

[دوست]

اکثر غلطیاں تیزی میں لکھنے اور پیغام کو نظرثانی کے بغیر پوسٹ کردینے سے ہوتی ہیں۔

 

[وجی]

یہ کھیل کب شروع کیا خیر اچھا کھیل ہے

 

[شمشاد]

آج ایک پیغام پڑھا تھا جس میں لفظ "مہاورہ" لکھا ہوا تھا۔

اصل لفظ " محاورہ " ہے۔

 

[مغزل]

بہت سارے لوگ السلامُ علیکم کو مندرجہ ذیل املا میں لکھتے ہیں :

السلام علیکم
اسلام و علیکم
السلام و علیکم

جبکہ اس کی صحیح املا مندرجہ ذیل ہے :

اَلسلامُ علیکم

یہ عربی زبان کا لفظ ہے اور اس کا مطلب ہے " تم پر سلامتی ہو"۔
السلام میں حرف ل حرف شمسی ہے۔ اس کی آواز نہیں آتی لیکن لکھنے میں آتا ہے۔


اس کے ہجے کچھ اس طرح ہیں :

اَس سَ لً ا مُ عً لًے کُ م

ماشااللہ اچھی لڑی ہے واہ ۔، حاضری رہے گی انشا اللہ

 

[شمشاد]

شکریہ جناب آپ کی اس دھاگے پر موجودگی بہت ہمت افزا رہے گی۔

 

[ملائکہ]

بہت ہی اچھا سلسلہ تھا یہ رک کیوں گیا؟؟؟

 

[شمشاد]

اس لیے کہ اراکین دلچسپی نہیں لیتے۔

 

[وجی]

شمشاد بھائی اپنی اصلاح کرنا تھوڑا مشکل کام ہے اس وجہ سے کوئی دلچسپی نہیں لے رہا

 

[محمداحمد]

ماشاءاللہ اچھی لڑی ہے۔

ہماری دلچسپی بھی ہے اس میں‌۔ یقیناٍ بہت کچھ سیکھنے کو ملے گا۔

 

[شمشاد]

آج ایک مراسلے میں لفظ غیب پڑھا ہے۔ جبکہ اصل لفظ "غائب" ہے۔

 

[الف عین]

ممکن ہے الف چھوٹ گیا ہو ٹائپو ہی ہو۔۔ ورنہ میں نے کم از کم غائب کو کہیں غیب لکھا نہیں دیکھا۔ لیکن محفل میں ایک بہت عام غلطی کی طرف نشان دہی کر دوں۔ اکثر لوگ ڑ اور ھ کے ساتھ والے الفاظ میں ’ھ‘ غلط جگہ لگا دیتے ہیں۔
کبھی کبھار کی جگہ کبھی کھبار
جھگڑا کی جگہ جگھڑا
بپھر ب پ ھ ر ۔۔کی جگہ۔۔۔۔۔۔۔۔ بھپر ب ھ پ ر

اس کے علاوہ بھی کئی حروف کی ترتیب بدل دی جاتی ہے

م ب ع و ث کی جگہ م ع ب و ث
م ی ع ا د ،کی جگہ معیاد م ع ی ا د
وغیرہ

 

[زھرا علوی]

لیں بھیا جی یہاں بھی حاضری دے دی۔۔ امید ہے افاقہ ہو گا ۔۔

 

[تہذیب]

میں نے ابھی ایک جگہ لکھا دیکھا۔۔ کسی کے اسرار پر مونچھیں صاف کروادیں۔۔۔۔۔ اصرار ہونا چاہیے تھا۔

 

[شمشاد]

بالکل صحیح۔ یہاں اسرار کی جگہ اصرار ہی لکھنا چاہیے تھا۔

آپ کی شمولیت کا شکریہ۔

 

[تہذیب]

میں نے اکثر لوگوں کو گم سم لکھتے دیکھا ہے، میری رائے میں گم صم ہوناچاہیے۔۔ کیا خیال ہے آپ سب کا؟

 

[شمشاد]

نیک خیال ہے۔ گُم صم ہی صحیح لفظ ہے۔

 

[شمشاد]

رہاٰش پزیر
رہائش صحیح لفظ ہے۔
پذیر صحیح لفظ ہے کہ ذ سے لکھتے ہیں نہ کہ ز سے۔