ان 'مخلوقات' کو انٹیلجنٹ تصور کیا جائے گا تو پھر، کچھ سوال جواب تو بنتے ہیں جو کہ ان کی بابت کیے جانے چاہئیں۔
ویسے تو ان مخلوقات کا بھی کوئی حساب کتاب ہونا چاہیے ! دراصل، ایک طرف یہ دعویٰ ہے کہ یہ کائنات انسان کے لیے بنائی گئی ہے اور کتابِ مبین اسے دعوتِ تسخیرِ کائنات دیتی ہے۔ اگر کائنات خود اس کے مقابل ایک مخلوق کے طور پر موجود ہے، تو پھر، کچھ تو کہانی میں ٹوسٹ آیا ہوا لگتا ہے یہاں! 
چلیے، وہ تو آپ لے آئے تاہم ان 'مخلوقات' کو انٹیلجنٹ تصور کیا جائے گا تو پھر، کچھ سوال جواب تو بنتے ہیں جو کہ ان سے کیے جائیں گے یا کیے جانے چاہیے۔
ان آیات میں جنوں کے ایک گروہ کا قرآن سننے کا واقعہ ہے، وہاں سے یہ استدلال کہ انسانوں کی طرف مبعوث کیے گئے پیغمبر بیک وقت جنوں کی ہدایت پر بھی مامور کیے گئے، میری سمجھ میں بالکل نہیں آیا۔
یہ دعویٰ کہاں کیا گیا ہے؟
آیت # 2 میں:
کیا آپ کی نظر سے کبھی یہ 'دعویٰ' نہیں گزرا۔ یہ تو معروف بات ہے۔ اقبال کا شعر ہی دیکھ لیجیے۔
میں نے رسول اللہ صلی اللہ علیہ و سلم کی حد تک سنا تھا کہ یہ پوری کائنات آپ ؐ کیلئے ہی بنائی گئی ہے۔
شاید اس متعلق حدیث ضعیف ہے۔ تاہم، اس حوالے سے ہم نے بھی سُن رکھا ہے۔ اُمید ہے، اہل علم رہنمائی فرمائیں گے۔
دینی تعلیم کے مطابق خدا نے انسان کو عدم سے پیدا کیا، اور اپنی نافرمانی کرنے پر جنت سے بے دخل کر کےزمین پر اتار دیا۔ ایمان کی حد تک یہ بات درست ہے۔
اس بات کی وضاحت ہمارے مراسلے میں کر دی گئی تھی کہ مذہبی نقطہء نظر سے ہی اس طرح کا تصور قائم کیا جاتا ہے تاہم آپ نے کمال مہارت سے عبارت کو حذف کر دیا اور سائنس کو ایسے فٹ کیا جیسے کہ کرنے کا حق تھا۔
یعنی کہ اپنی بات کو کسی پرانی تقریر سے جوڑ کر اچھا خاصا 'نیا نکور' مراسلہ تخلیق کر لیا۔ یہ بھی ارتقاء کی ایک صورت ہے کہ بندہ کتنا سیانا ہوتا جاتا ہے ڈیجیٹل ایج میں۔
چونکہ اشرف المخلوقات ایک دینی اصطلاح ہےاور دین کا منبع روحانیات ہی ہے۔ اس لئے میں نے اس بارہ میں سائنسی (مادی) اور دینی(روحانی) نکتہ نظر دونوں بیان کر دئے ہیں۔اس بات کی وضاحت ہمارے مراسلے میں کر دی گئی تھی کہ مذہبی نقطہء نظر سے ہی اس طرح کا تصور قائم کیا جاتا ہے تاہم آپ نے کمال مہارت سے عبارت کو حذف کر دیا اور سائنس کو ایسے فٹ کیا جیسے کہ کرنے کا حق تھا۔
ہاتھ ہلکا رکھیں بھائی! کچھ عرصہ بعد کوئی نئی تحقیق اس تحقیق کی تردید کرنے کھڑی ہو جائے گی تب کیا کہیں گے۔ تحقیقات بدلتی رہتی ہیں، قرآن کبھی نہیں بدلا۔ ایمان بالغیب بھی آخر ایک انتہائی اہم معاملہ ہے۔
قرآن کے مطابق جنات انسانوں کو دیکھ اور سن سکتے ہیں لیکن انسانوں کو یہ قدرت حاصل نہیں۔ استثنائی صورتیں گرچہ موجود ہیں جیسے حضرت سلیمان علیہ السلام۔ اس لیے کسی انسان کا کسی جن پیغمبر پر ایمان لانے کا کوئی واقعہ موجود نہیں۔
اس ایمان لانے کی نوعیت کے بارے میں میرا رجحان یہ ہے کہ حق جہاں اور جس صورت میں بھی سامنے آئے، دنیا کی ہر ذی شعور مخلوق اُسے ماننے کی مکلف ہے۔ چنانچہ جنوں کے کسی پیغمبر کی دعوت اگر ہم بھی سن سکتے تو اُس پر اُسی طرح ایمان کے مکلف ہوتے، جس طرح جنوں نے رسول اللہ صلی اللہ علیہ وسلم کی دعوت پر اپنے ایمان کا اظہار کیا ہے۔ نبی صلی اللہ علیہ وسلم سے پہلے کے پیغمبروں پر ہمارے ایمان کی نوعیت بھی یہی ہے۔ ہم اُن کی شریعت کے پابند تو یقیناً نہیں ہیں، لیکن اُنھیں ماننا ہمارے لیے بھی اُسی طرح ضروری ہے، جس طرح اُن کی قوموں کے لیے ضروری تھا۔
میرے خیال میں زبان زدِ عام اصطلاح ہے۔
ماشاءاللہ بہت اچھا لکھا جیتے رہیے. میں بھی اسی طرح کچھ لکھنا چاہتا تھا مگر آپ نے بہت اچھا لکھا ہے.
شکریہ جناب! آپ کی جانب سے تعریفی کلمات دیکھ کر میں بہت خوش ہوا، اور تحریر کو دوبارہ پڑھا تو سمجھ میں آیا کہ آپ نے تعریف کے ذریعے یہ سمجھانے کی کوشش کی ہے کہ انسان کو اچھا لکھنے کی کوشش کرنی چاہئے۔ چنانچہ عبارت میں موجود متعدد ادبی اغلاط پر نظر گئی اور ان کی تصحیح کی کوشش کی۔ مزید بہتری کے لئے اہلِ قلم سے اصلاح کی استدعا ہے۔
ایسا ہی ہے۔ اگر صرف حیاتیاتی نکتہ نظر سے دیکھا جائے تو بہت سے جاندار انسان سے کہیں زیادہ اشرف ہیں۔