کچھ احباب ایسی کوششیں کرتے ہوئے پائے تو گئے ہیں۔ امید ہے کہ ایسا مواد دیر سویر تیار ہو ہی جائے گا۔ ویسے تھوڑی سی کوشش اور کچھ تجربات کرنے سے چیزیں خود سمجھ میں آ جانی چاہئیں۔بھئی بہت بھول بھلیاں ہیں اس ترتیبات کے سیکشن میں تو ۔ ڈھونڈ ڈھانڈ کر اب ٹھیک کر دیا ہے ۔ میں پھر کہوں گی کاش کوئی ایسی جامع لڑی ہوتی کہ جہاں اس ویب سائٹ کی "ترکیب ِ استعمال" ایک ہی جگہ مل جاتی ۔
مکرم ابن سعید صاحب ! کچھ چارہ گری کیجئے ۔ کسی کو لگائیے اس کام پر ۔
”نہ“ اور ”نہیں“ کے معانی میں فرق بالترتیب ”نفی“ اور ”تضاد“ کا بیان فرمایا۔ اس پر معروض ہے کہ بیان کردہ مثالوں میں تضاد سے بھی تو نفی کا معنی پیدا ہو رہا ہے مثلاً ”زید نے ناانصافی کی“ یا یوں کہہ لیجیے: ”زید نے انصاف نہیں کیا“ دونوں ایک ہی معنی دے رہے ہیں، زید سے انصاف کی نفی کر رہے ہیں اور نفی و نفی میں تضاد کیسا!!! لہٰذا معناً تو کوئی فرق معلوم نہیں پڑ رہا۔
مثالوں میں تو واقعی ”فعل کی تجری“ پائی جا رہی ہے لیکن ذکر کردہ مصرعے میں تو ”فعل میں قوت“ پیدا ہو رہی ہے۔
وہ جو کسی نے کہا تھا نا کہ جب قدرت کسی اچھے شاعر کو سزا دیتی ہے تو اس پر بُرا شعر نازل کردیا جاتا ہے ۔ اور جب کسی اچھے شعر کو سزا دینا مقصود ہو تو اسے کسی بُرے شاعر پر نازل کردیا جاتا ہے ۔ تو بات یہ ہے کہ اس شعر کے پہلے مصرع کو سخت سزا دی جارہی ہے اور بس ۔ اس کے علاوہ کچھ بھی نہیں ۔محترمہ، یہ آپ کی ذرہ نوازی و انکسار ہے ورنہ آپ کی لگائی ہوئی گرہ واقعتاً حسد میں مبتلا کر گئی
ابھی ایک خیال بجلی کوندنے کی طرح ذہن کی تاریکیوں میں چمکا کہ ”نا“ چونکہ اسم کے ساتھ بطورِ سابقہ مل کر اسے ”متضاد اسم“ بنا دیتا ہے اس لیے اس کے استعمال سے جملہ مثبت رہے گا جبکہ ”نہ“ جملے کو منفی بنا دے گا۔۔۔۔۔۔۔اس طرح ان دو جملوں میں نفی اور اثبات کا فرق پایا جائے گا نتیجہ اگرچہ ایک ہی نکلے گا۔۔۔۔۔۔۔مگر یہ فرق بھی تو لفظی ہی ہو گا۔۔۔۔۔۔واللہ ورسولہ اعلم عزوجل و صلی اللہ تعالیٰ علیہ واٰلہ وسلم
چلئے کچھ کچھ آپ بھی مائل بہ کرم لگے۔ بات الفاظ اور ساختیات کی ہو رہی ہے۔ جملے کے معانی و مفاہیم میں وہی ایک لفظ نہیں ہوتا ایک پورا نظام ہوتا ہے۔
یہاں بھی وہی گزارش! "ہو کے رہے گا" ۔۔۔ ہونا اور رہنا کو ملایا ہے "کے" نے ۔۔ قوت کا عنصر رہنا کے معانی میں ہے؛ دو فعلوں کے ملنے سے مشروط نہیں۔
ان دونوں میں رشتہ تو نفی کا ہے! فرق استعمال اور مقام کا ہے جسے واضح کرنا مقصود تھا۔
معذرت خواہ ہوں، آپ کا مصرع مجھ پر کھلا نہیں۔
یہ بات کسی کہانی کے پس منظر میں ہوسکتی ہے کہ اپنی محبت کو پانے کی خاطر عاشق اپنی دشمنی فراموش کر دے۔
تو میری طرف سے یہ کالعدم ہے۔
یہ بات کسی کہانی کے پس منظر میں ہوسکتی ہے کہ اپنی محبت کو پانے کی خاطر عاشق اپنی دشمنی فراموش کر دے۔
میرے لئے یہ اہم ہے کہ اگر استاد محترم پر مصرع کھلا نہیں تو عوام پر کیا کھلے گا!! اور جو شعر ایسا غیر واضح ہو اسے کالعدم ہی کر دینا چاہئے۔
یہ بات بالکل مجھ پر واضح نہیں ہوئی
میں کہنا یہ چہ رہا تھا جو یعقوب صاحب ...نے یکبارگی مجھے یھاں مشورے سے نوازا تھا کے...کوئی نیا خیال کوئی نئی گرہ باندھ دیں .... کالعدم میں بھی یہی ہوتا ہے آتی وہیں سے ہے جہاں سے کالعدم ہوجائے .....یہ بات بالکل مجھ پر واضح نہیں ہوئی
ایسے نہ کہئے حضرت! میرا "مزاجِ فکر" خاصا پرانا ہے اور کلاسیک سے متاثر ہے۔ "فکرِ جدید" نے بہت سے نئے راستے بنائے ہیں، میں ان سے شناسا نہیں تو بھی میں ان کے وجود کا انکار تو نہیں کر سکتا۔ اپنے شعر کو آج کے دور کے دوستوں کے سامنے پیش کریں۔یہ بات کسی کہانی کے پس منظر میں ہوسکتی ہے کہ اپنی محبت کو پانے کی خاطر عاشق اپنی دشمنی فراموش کر دے۔
میرے لئے یہ اہم ہے کہ اگر استاد محترم پر مصرع کھلا نہیں تو عوام پر کیا کھلے گا!! اور جو شعر ایسا غیر واضح ہو اسے کالعدم ہی کر دینا چاہئے۔
دراصل میں اسے اس طرح لکھنا چاہتا تھا: زید نے انصاف نہ کیا۔
ساختیات کا فرق تو سمجھ رہا ہوں لیکن آہ میری غباوت! ان دونوں میں معانی ومفاہیم کا فرق ابھی تک نہ سمجھ پایا۔۔۔۔ میرا خیال ہے کہ "معنی" حاصل جملہ کو ہی کہیں گے؟؟
استعمال اور مقام کا تعلق تو لفظ سے ہی ہوتا ہے۔۔۔۔۔آپ کے اس جملے سے ذہن میں بلاغت کی وہ باتیں گھوم گئیں جن میں الفاظ کے محل استعمال سے معانی میں پیدا ہونے والا فرق بیان کیا گیا تھا۔۔۔۔۔لیکن ”نہ“ اور ”نا“ کے استعمال سے معنی میں کیا فرق پڑتا ہے یہ سمجھ میں نہ آیا۔ دراصل میں یہی نکتہ سمجھنا چاہتا ہوں۔
الحمد للہ عزوجل! یہ عقدہ بخوبی کشا ہوا۔ جزاک اللہ خیراً