ہجائی ترتیب کے مطابق بیت بازی (صرف مرزا اسد اللہ خان غالب کے اشعار)

[سیما علی]

ط
طبع ہے مشتاقِ لذت ہائے حسرت کیا کروں!
آرزو سے ، ہے شکستِ آرزو مطلب مجھے

 

[سیما علی]

ظ
ظلمت کدے میں میرے شبِ غم کا جوش ہے
اک شمع ہے دلیلِ سحر سو خموش ہے

 

[سیما علی]

ع
عجب نشاط سے جلاّد کے چلے ہیں ہم آگے
کہ اپنے سائے سے سر پاؤں سے ہے دو قدم آگے
قضا نے تھا مجھے چاہا خرابِ بادۂ الفت
فقط خراب لکھا، بس نہ چل سکا قلم آگے

 

[سیما علی]

غ
غمِ زمانہ نے جھاڑی نشاطِ عشق کی مستی
وگرنہ ہم بھی اٹھاتے تھے لذّتِ الم آگے
خدا کے واسطے داد اس جنونِ شوق کی دینا
کہ اس کے در پہ پہنچتے ہیں نامہ بر سے ہم آگے

 

[سیما علی]

ف
فلک نہ دور رکھ اُس سے مجھے، کہ میں ہی نہیں
دراز دستئِ قاتل کے امتحاں کے لئے

 

[سیما علی]

ق
قد و گیسو میں ، قیس و کوہکن کی آزمائش ہے
جہاں ہم ہیں ، وہاں دار و رسن کی آزمائش ہے
کریں گے کوہکن کے حوصلے کا امتحاں آخر
ہنوز اُس خستہ کے نیروئے تن کی آزمائش ہے
۔۔۔۔۔۔۔۔۔۔۔۔۔۔۔۔۔۔۔۔۔۔
قطرہ دریا میں جو مل جائے تو دریا ہو جائے
کام اچّھا ہے وہ، جس کا کہ مآل اچّھا ہے

 

[سیما علی]

ک
کہوں کیا ، دل کی کیا حالت ہے ہجرِ یار میں ، غالب!
کہ بے تابی سے ہر یک تارِ بستر ، خارِ بستر ہے

 

[سیما علی]

گ
گو سمجھتا نہیں پر حسنِ تلافی دیکھو
شکوۂ جور سے سر گرمِ جفا ہوتا ہے
عشق کی راہ میں ہے چرخِ مکوکب کی وہ چال
سست رو جیسے کوئی آبلہ پا ہوتا ہے
۔۔۔۔۔۔۔۔۔۔۔۔۔۔۔۔۔۔
گلشن کو تری صحبت از بسکہ خوش آئی ہے
ہر غنچے کا گل ہونا آغوش کشائی ہے

 

[سیما علی]

ل
لیتا نہیں مرے دلِ آوارہ کی خبر
اب تک وہ جانتا ہے کہ میرے ہی پاس ہے
کیجے بیاں سرورِ تبِ غم کہاں تلک
ہر مو مرے بدن پہ زبانِ سپاس ہے

 

[سیما علی]

م
معلوم ہوا حالِ شہیدانِ گزشتہ
تیغِ ستم آئینۂ تصویر نما ہے
اے پرتوِ خورشیدِ جہاں تاب اِدھر بھی
سائے کی طرح ہم پہ عجب وقت پڑا ہے

 

[سیما علی]

ن
ناکردہ گناہوں کی بھی حسرت کی ملے داد
یا رب اگرِان کردہ گناہوں کی سزا ہے

 

[سیما علی]

و
وائے ! واں بھی شورِ محشر نے نہ دَم لینے دیا
لے گیا تھا گور میں ذوقِ تن آسانی مجھے
وعدہ آنے کا وفا کیجے ، یہ کیا انداز ہے ؟
تم نے کیوں سونپی ہے میرے گھر کی دربانی مجھے؟

 

[سیما علی]

ہم پیشہ و ہم مشرب و ہم راز ہے میرا
غالب کو برا کیوں کہو اچھا مرے آگے

 

[سیما علی]

ی ۔

یہ مسا ئل تصوف یہ ترا بیان غالب
تجھے ہم ولی سمجھتے جو نہ با دہ خوار ہو تا”

 

[سیما علی]

ا
اگر اپنا کہا تم آپ ہی سمجھے تو کیا سمجھے
مزا کہنے کا جب ہے اک کہے اور دوسرا سمجھے

 

[سیما علی]

ب
بازیچۂ اطفال ہے دنیا میرے آگے
ہوتا ہے شب و روز تماشہ میرے آگے
۔۔۔۔۔۔۔۔۔۔۔۔۔

بُلبُل کے کاروبار پہ ہیں خَندہ ہائے گُل
کہتے ہیں جِس کو عشق، خلل ہے دماغ کا
۔۔۔۔۔۔۔۔۔۔۔۔۔۔
بخشے ہے جلوہء گُل، ذوقِ تماشا غالبؔ​

چشم کو چاہیے ہر رنگ میں وا ہو جانا

 

[سیما علی]

پ

پھر مُجھے دیدہء تر یاد آیا​

دِل، جِگر تَشنہء فریاد آیا
۔۔۔۔۔۔۔۔۔۔۔۔۔۔۔۔۔۔۔۔

پکڑے جاتے ہیں فرشتوں کے لکھے پر ناحق
آدمی کوئی ہمارا دمِ تحریر بھی تھا؟
۔۔۔۔۔۔۔۔۔۔۔۔۔۔۔
پُوچھتے ہیں وہ کہ غالبؔ کون ہے
کوئی بتلاؤ کہ ہم بتلائیں کیا​

 

[سیما علی]

ت
تالیفِ نُسخہ ہائے وفا کر رہا تھا میں
مجموعہء خیال ابھی فرد فرد تھا
۔۔۔۔۔۔۔۔۔۔۔۔۔۔
تھی خبر کہ غالبؔ کے اُڑیں گے پُرزے
دیکھنے ہم بھی گئے تھے پہ تماشا نہ ہُوا
۔۔۔۔۔۔۔۔۔۔۔۔۔۔۔۔۔۔۔
تھی وہ اِک شخص کے تصوّر سے
اب وہ رَعنائیء خیال کہاں

 

[سیما علی]

ث
ثابِت ہُوا ہے گردنِ مِینا پہ خُونِ خلق
لرزے ہے موج مے تری رفتار دیکھ کر
۔۔۔۔۔۔۔۔۔۔۔۔۔۔۔۔۔۔۔
ثباتِ چند روزہ کارفرمائے غم و حس۔رت
اجل سرمایہ دارِ دورِ عیش و کامرانی ہے

 

[سیما علی]

ج

جب تک کہ نہ دیکھا تھا قدِ یار کا عالَم
میں مُعتِقدِ فِتنہ ء مَحشر نہ ہُوا تھا
۔۔۔۔۔۔۔۔۔۔۔۔۔۔۔​

جُز قیس اور کوئی نہ آیا بہ رُوئے کار
صحرا مگر بہ تنگیء چشمِ حُسُود تھا
۔۔۔۔۔۔۔۔۔۔۔
جاتے ہُوئے کہتے ہو قیامت کو ملیں گے
کیاخُوب! قیامت کا ہے گویا کوئی دِن اور