ہمارے ارد گرد بکھرے موتیوں جیسے اقوال

[عبداللہ امانت محمدی]

علم ، عمل کو آواز دیتا ہے اگر عمل آجائے تو علم بھی رہتا ہے ورنہ کوچ کر جاتا ہے ۔
از:حکیم ابو عبداللہ غلام نبی خادم

 

[لئیق احمد]

ہمارے ارد گرد بکھرے موتیوں جیسے اقوال
بزرگوں کے اقوال زریں تو یقینا مشعل راہ ہیں مگر ہمارے ارد گرد بھی بہت سی کام کی موتوں جیسی باتیں ہمیں مل جاتی ہیں جیسے والد صاحب کی کوئی ایسی نصیحت جو ہمیشہ یاد رہتی ہو یا کام آتی ہو کیوں نا ہم ان سنہری باتوں کو یہاں جمع کریں۔

 

[لئیق احمد]

میرے والد صاحب کی نصیحت جو انہوں نے مجھے بچپن میں کی "ہمیشہ وہی مؤقف اختیار کیا کرو جس پر تمہارا دل مطمئن ہو"
میری والدہ کا قول "ہر انسان اپنی عقل کے مطابق بات کرتا ہے تو اگر کسی کی بات بری لگے تو سمجھ لو کہ اس کی عقل ہی اتنی ہے"

 

[لئیق احمد]

بے نظیر بھٹو کی نصیحت بلاول کو "شو آف نہیں کرنا چاہئے کیونکہ شوآف وہی لوگ کرتے ہیں جنہیں کسی چیز کا احساس کمتری ہوتا ہے"

 

[لئیق احمد]

میری بیگم کا قول
"اگر کوئی پیارا فوت ہوجائے تو اسے کچھ پڑھ کر اصال ثواب کرنا چاہئے کیونکہ اللہ کا ذکر کرنے سے آپ کے دل کو سکون بھی ملے گا اور فوت شدہ کو ہماری طرف سے ایصال ثواب کا تحفہ بھی"

 

[لئیق احمد]

ایک گلوکار کے دادا کا قول " شہرت شیرنی کا دودھ ہے اسے وہی بچا سکتا ہے جو شیر کا بچہ ہو"

 

[ام اویس]

میرے والد صاحب کا قول جو ہمیشہ مجھے یاد رہتا ہے ۔
"برائی کو اس کی جڑ سے اکھاڑو ۔ ابتدا میں ہی اس کی گرفت کرو ۔ وقت کے ساتھ برائی طاقت پکڑتی ہے ۔ پہلے عادت بنتی ہے پھر ریت پھر ثقافت"

 

[bilal260]

والد صاحب فرماتے ہیں۔
جو کہتا ہوں اسے سرخ سیاہی سے کاغذ پر لکھ لو پھر نہ کہنا بتایا نہیں۔
(بیٹا دماغ میں سوچتے ہوئے۔مجھے پرواہ نہیں)۔

 

[ام اویس]

تایا جان کہا کرتے تھے
تعلیم کے ساتھ تربیت انتہائی ضروری ہے ۔ اس سے لاپرواہی نہ برتنا ۔

 

[ام اویس]

چند دن پہلے کسی کو سمجھاتے ہوئے اک بات کہی جو اسے پسند آئی ۔

بہت خوش قسمت ہیں وہ سیدھے سادھے اور پختہ ایمان والے لوگ جو اپنے علم پر یقین کے ساتھ عمل کرتے ہیں اور زیادہ سے زیادہ جاننے کی حرص میں شک کا شکار نہیں ہوتے ۔

 

[فرقان احمد]

ایک صاحب نے ہمیں نصیحت کرتے ہوئے کہا تھا، دنیا جہان کی خاک چھان ماری تاہم آج تک اس حدیثِ پاک سے بہتر کسی قول کو نہ پایا، "میانہ روی بہترین حکمتِ عملی ہے۔"

 

[لئیق احمد]

سرگوشی

فرقان احمد بھائی احادیث سے اعلی اقوال تو کوئی ہو نہیں سکتے یہ دھاگہ تو ہم جیسے معمولی لوگوں کی باتوں کے لئے کھولا گیا ہے۔

 

[ام اویس]

میرا ذہن تو بس نبی محترم صلی الله علیہ وسلم کے اسی فرمان کے گرد گھومتا رہتا ہے ۔
الدین النصیحہ
دین خیر خواہی کا نام ہے
کس قدر جامع اور مفصل نصیحت ہے وہ بھی صرف دو کلمات میں ۔

 

[ام اویس]

وقت اس قدر تیزی سے بدلتا ہے کہ حیرت ہوتی ہے ۔ لمحے دنوں میں ، دن مہینوں میں اور مہینے دیکھتے ہی دیکھتے سال بن جاتے ہیں ۔
کیا ہم یہاں اپنے قول بھی تحریر کر سکتے ہیں ؟

 

[محمد تابش صدیقی]

کچھ عرصہ قبل اپنے ہی ایک پیارے بھائی کو سمجھاتے ہوئے کہا تھا کہ
ہمارا اخلاق دوسروں کے رویہ کا محتاج نہیں ہونا چاہیے۔

 

[محمد تابش صدیقی]

کچھ عرصہ قبل اپنے ہی ایک پیارے بھائی کو سمجھاتے ہوئے کہا تھا کہ
ہمارا اخلاق دوسروں کے رویہ کا محتاج نہیں ہونا چاہیے۔

اسے موتی بےشک نہ سمجھیں۔

 

[لئیق احمد]

ایک دفعہ میرے دوست کے بڑے بھائی نے نماز کا فائدہ بتاتے ہوئے بتایا کہ زندگی میں ٹینشنیں اتنی زیادہ ہیں کہ سکون حاصل کرنے کا اور کوئی ذریعہ ہی نہیں ہے۔

 

[لئیق احمد]

ہمارا اخلاق دوسروں کے رویہ کا محتاج نہیں ہونا چاہیے۔

میری والدہ نے ایک دفعہ کہا تھا کہ دوسروں کا رویہ جیسا بھی ہوا ہمیں اپنے اخلاقی معیار سے نہیں گرنا چائیے۔

 

[ام اویس]

عادتیں بڑھاپے میں پختہ ہوجاتی ہیں ۔ اس لیے انہیں جوانی ہی میں سدھار لینا چاہیے ۔

 

[حمیرا عدنان]

سیانے کہتے ہیں زیادہ بادام کھانے سے عقل تیز کام کرتی ہے
جبکہ میں کہتی ہوں زیادہ بادام کھانے سے بادام ختم ہو جاتے ہیں