ہمارے ارد گرد بکھرے موتیوں جیسے اقوال

[ام اویس]

رزق حرام پر پرورش ہو ۔۔۔ تو اولاد کی جسمانی صحت کی امید بے کار ہے ۔

الله کی نافرمانی ہو ۔۔۔۔ تو اولاد کی تابعداری کی امید بےکار ہے ۔

ماں باپ کی خدمت کا جذبہ نہ ہو ۔۔۔ تو اولاد سے بات سننے کی توقع بےکار ہے ۔

 

[ام اویس]

اپنی غلطی کو سرجھکا کر تسلیم کر لینے سے انسان بہت سی مشکلات سے بچ جاتا ہے ۔

 

[ام اویس]

زندگی انسان کو ہر روز سبق سکھاتی ہے ۔ لیکن عقلمند وہ ہے جو سیکھے ہوئے سبق کو آئندہ زندگی میں کبھی نہ بھولے ۔

 

[محمد عدنان اکبری نقیبی]

ہمارے پیرومرشد حضرت خواجہ صوفی رانا محمداکبرشاہ نقیبی رحمتہ اللہ علیہ اکثر ہم مریدین کو تعلیم فرمایا کرتے تھے کہ طمع مت کرو ،جمع مت کرو ،جو مل رہا ہے راہ حق میں لوٹاتے رہو تب فلاح پاؤ گے۔

 

[محمد تابش صدیقی]

تما

طمع؟

 

[عائشہ صدیقہ]

طمع؟

لالچ،حرص۔۔۔

 

[ام اویس]

کردار کی تشکیل لمحوں میں نہیں بلکہ سالوں میں ہوتی ہے ۔

 

[ام اویس]

ابا جان کہا کرتے تھے ۔ مائیں بچوں کی غلطیاں چھپا کر انہیں بگاڑدیتی ہیں ۔

 

[کمال احمد قادری]

بھوج پور کی سر زمین سے مبارک پور اعظم گڑھ تشریف لے جا کر وہاں عظیم الشان دینی ادارہ الجامعۃ الاشرفیہ قائم کرنے والے مولانا عبد العزیز محدث مرادآبادی جنھیں لوگ حافظ ملت یا حافظ صاحب کے نام سے یاد کرتے ہیں کہا کرتے تھے:
” زمین کے اوپر کام زمین کے نیچے آرام“

 

[کمال احمد قادری]

حافظ ملت محدث مرادآبادی:
ہرمخالفت کا جواب کام ہے

 

[عرفان سعید]

والدصاحب کی انمول نصیحت؛ "خالی ذہن شیطان کی آماجگاہ ہوتا ہے۔ذہن کو ہمیشہ کسی مثبت کام میں مصروف رکھو۔ اگر کبھی کرنے کوکچھ نہ ملے تو ایک کُرتا لو، اسے ادھیڑو، پھر سیئو، ادھیڑو، پھر سیئو---یہاں تک کے کرنے کو کوئی اور کام مل جائے مگر ذہن کو فارغ مت چھوڑنا"

 

[عرفان سعید]

ماموں جان فرماتے ہیں : "انسان اپنے آرام کی خاطر بے آرام رہتا ہے"

 

[ام اویس]

استادِ محترم مولانا عبید الله صاحب نے میری کاپی پر تحریر فرمایا ۔
کامیاب عورت وہ ہے جو فرمانبردار بیٹی ، بہترین ماں ، بہن اور بیوی ہو ۔

 

[عرفان سعید]

سات سال کے لختِ جگر نے اسکندر پر ایک دستاویزی پروگرام دیکھ کر کہا:"میں بھی دنیا فتح کروں گا مگر تلوار سے نہیں بلکہ علم سے"

 

[لئیق احمد]

امیر دعوت اسلامی مولانا الیاس قادری اکثر فرمایا کرتے ہیں کہ نیکیوں میں مصروف ہو جاؤ نہیں تو گناہوں میں مصروف ہو جاؤ گے۔

 

[کمال احمد قادری]

میرے ہاسٹل کی دیوار پر چسپاں اسٹیکر پر یہ تحریر ہے:
"مخالفت صحیح رائے کو برباد کر دیتی ہے۔"
قائل کا نام موجود نہیں۔

 

[اَبُو مدین]

نفسیاتی بت توڑنے سے ہی خدا ملتا ہے۔

 

[ام اویس]

بُری نیت پھپوندی کی مانند ہوتی ہے جو نیک اعمال کو بھی برباد کردیتی ہے

 

[اَبُو مدین]

حاکمیت صرف رب تعالیٰ کی ہے۔

 

[عبد الرحمٰن]

بابا جی کہا کرتے تھے جن کے دل میں خیال آئے اور خدا قبلہ بدل اُن کی دُعا کا کیا اثر ہو گا