ہمارے ارد گرد بکھرے موتیوں جیسے اقوال

[عبد الرحمٰن]

زندگی میں لوگ آپ کو بیوقوف بنائیں گے، آپ کی تذلیل کریں گے اور برے طریقے سے پیش آئیں گے. ان کا احتساب خدائے بزرگ و برتر کرے گا، آپ اپنے دل میں نفرت کو گهر نہ کرنے دیں کیونکہ پهر آپ بهی انہی لوگوں میں شمار ہوں گے۔۔

 

[عرفان سعید]

نوکِ قلم سے نکلنے والا ہر تخلیقی شاہکار وسیع و عمیق اور شعوری و جدانی مطالعے کی روشنائی سے مرقوم ہوتا ہے۔

 

[ام اویس]

خلوص لفظوں کا محتاج نہیں عمل سے خود بخود ظاہر ہوجاتا ہے ۔

 

[ام اویس]

زندگی صبر ، تحمل اور برداشت کے ساتھ کافی آسان ہوجاتی ہے ۔ اگرچہ یہ بہت مشکل ہے

 

[ام اویس]

ذہنی یکسوئی بھی الله تعالی کی خاص عطا اور بیش بہا انعام ہے

 

[ام اویس]

ہر ایک کام کرنے والا کسی ایک کام میں نام نہیں بنا سکتا

 

[سید لبید غزنوی]

ایک گلوکار کے دادا کا قول " شہرت شیرنی کا دودھ ہے اسے وہی بچا سکتا ہے جو شیر کا بچہ ہو"

ہے تو گلوکار کے داداکا قول ۔۔۔مگر بات سولہ آنے درست ہے ۔۔

 

[ام اویس]

بچوں کا شرارتی ہونا ان کی ذھانت کی پہچان ہے

 

[سید عمران]

زیادہ سنجیدگی پیٹ خراب ہونے کی علامت بھی ہوسکتی ہے۔۔۔

 

[شعیب سعید شوبی]

امی جان کہا کرتی تھیں کہ "کوئی دھندا چھوٹا نہیں ہوتا اور دھندے سے بڑا کوئی دھرم نہیں ہوتا"
شاہ رخ خان بطور رئیس

 

[ام اویس]

زندگی کے ہر معاملے میں مفاہمت ممکن ہے مگر عقائد میں نہیں

 

[مظہر آفتاب]

والد صاحب نے دو چیزوں پر زور دیا ہے محنت اور دیانت اور میں صرف دیانت پر ہی اکتفا کرتا ہوں کوشش جاری ہے کہ محنت بهی کی جائے ...

 

[مظہر آفتاب]

والدصاحب کی انمول نصیحت؛ "خالی ذہن شیطان کی آماجگاہ ہوتا ہے۔ذہن کو ہمیشہ کسی مثبت کام میں مصروف رکھو۔ اگر کبھی کرنے کوکچھ نہ ملے تو ایک کُرتا لو، اسے ادھیڑو، پھر سیئو، ادھیڑو، پھر سیئو---یہاں تک کے کرنے کو کوئی اور کام مل جائے مگر ذہن کو فارغ مت چھوڑنا"

بے کار معاش کچھ کیا کر
کپڑے ادهیڑ کر سیا کر

 

[لئیق احمد]

حالات سے سمجھوتہ کرنا بزدلی نہیں ہوتا، بلکہ جدوجہد ترک کرنا مایوسی اور بزدلی کی علامت ہے۔

 

[لئیق احمد]

میرے والد صاحب کا قول: اگر آپ کسی کے دل میں جگہ بنانا چاہتے ہیں تو اس کی بات توجہ سے سنا کریں۔

 

[ام اویس]

احساس ذمہ داری ہر شعبہ زندگی میں نہایت ضروری ہے

 

[ام اویس]

اگر کوئی بات سمجھنا ہی نہ چاہے تو ہزار دلیلوں کی موجودگی میں بھی اسے بات سمجھائی نہیں جا سکتی

 

[ام اویس]

دوسرے کے دکھ درد کو محسوس کرلینا انسان ہونے کی نشانی ہے

 

[ام اویس]

انجان لوگوں کے لیے دعا اپنوں کی شفا کا سبب بن جاتی ہے ۔

 

[عرفان سعید]

علم کی بلند و بالا موجیں تخیلات کے گہرے سمندر سے ابھرتی ہیں۔