ہم نے بھی کھانا پکایا

[ہادیہ]

زبردست!!!!!!!!
تالیاں۔۔۔
ْْْْ
آپ تو بہت سگھڑ "شوہر" نکلے سرجی۔۔ ماشاء اللہ ۔۔
ہم سب تو صرف "کیمسٹ" ہی سمجھتے رہے۔۔
مذاق برطرف۔۔ دیکھنے سے ہی سب بہت اچھا لگ رہا۔۔ خاص طور پہ سجاوٹ۔۔

 

[عرفان سعید]

زبردست!!!!!!!!
تالیاں۔۔۔
ْْْْ
آپ تو بہت سگھڑ "شوہر" نکلے سرجی۔۔ ماشاء اللہ ۔۔
ہم سب تو صرف "کیمسٹ" ہی سمجھتے رہے۔۔
مذاق برطرف۔۔ دیکھنے سے ہی سب بہت اچھا لگ رہا۔۔ خاص طور پہ سجاوٹ۔۔

بہت شکریہ ہادیہ!

 

[ہادیہ]

خالد محمود چوہدری صاحب کو خصوصی احتیاط کرنا ہو گی۔

کیوں سرجی؟ کیا صرف خالد صاحب ہی "شوہر" کے عہدے پہ فائز ہیں؟

 

[ہادیہ]

بہت شکریہ!
میرا تجربہ یہ ہے کہ اچھی حلیم کے لیے انسٹنٹ تو بالکل استعمال نہ کی جائے۔
چکن حلیم کو حلیم کہنا میرے نزدیک چکن اور حلیم دونوں سے زیادتی ہے۔
سب دالیں اورگندم کو گھر میں بھگو کر استعمال کیا جائے۔
ہاتھ کا گھوٹا جو ذائقہ اور شکل لاتا ہے اس کا کوئی نعم البدل نہیں، لیکن اس میں لگتی ہے محنت زیادہ!
لوازمات کے بغیر حلیم کھانا ایسا ہی ہے جیسے عروسی لباس کے بغیر دلہن بیاہ لانا۔

سبحان اللہ۔۔
ماشاء اللہ

 

[مریم افتخار]

2003 میں جب تعلیم کی غرض سے جاپان کے لیے نکلے تو ایک انڈہ فرائی کرنے کے علاوہ کچھ نہ آتا تھا۔ فلائیٹ سے دو دن پہلے کچھ چاول وغیرہ پکانے سیکھے لیکن وہ بھی بھول گئے۔ جاپان جا کر ایک سال خوب خوار ہوتا رہا۔ سب سے زیادہ مسئلہ پیاز کاٹتے وقت پیش آتا۔ ایک تو آنکھوں سے پانی نکلتا اور ایک میری بے بسی کے آنسو اس میں مل جاتے۔ تب خیال آتا کہ کیا فائدہ ایسی کیمیا کا کہ اگر اپنے مطلب کا کھانا ہی نہ پکا اور کھا سکوں!
خیر ایک سال بعد شادی ہوگئی اور بیگم بھی تعلیم کے لیے جاپان آ گئیں۔ ذہین تو خیر تھیں ہی لیکن پکانے میں بھی لاثانی! اللہ نظر نہ لگائے! ایک سال میں جتنے دکھ اس پکانے کے ہاتھوں سہے تھے، سب چند دنوں میں زائل ہو گئے۔ بیگم بھی ہمارے ساتھ لیب میں اپنے تجربات میں مصروف رہتیں۔ اس لیے پکاتے وقت مدد کرنا ہمارے اخلاقی فرض تھا۔ جب کبھی مردانیت کا دورہ پڑتا اور میں یہ اخلاقیات فراموش کر دیتا، بیگم فٹ سے اعلی تعلیم کا ایسا طعنہ جڑتیں کہ میں ان کا ہاتھ بٹانے حاضر ہو جاتا۔ جو اصل کام ہے وہ تو اہلیہ خود ہی کرتیں، ہمیں مصالحے ڈالنے کی اجازت بھی بمشکل ملتی۔ لیکن ہمارا ساتھ ساتھ رہنا نہایت ضروری تھا اور چھوٹی موٹی چیزیں ہمارے ہاتھوں بیگم کی بارگاہ میں حاضر ہوتیں۔
شب و روز کے اس معمول کے بعد ہم نے بغور بیگم کی حرکات و سکنات کا مشاہدہ شروع کیا تو اس دنیائے پکوان کے کچھ اسرا و رموز ہم پر افشا ہونے شروع ہوئے، جس کا جب بھی ہم نے بیگم کے سامنے اظہار کیا جواب میں سو سو باتیں سننے کو ملیں۔ شادی کوایک دہائی سے بھی زیادہ کا عرصہ گزر گیا اور کھانا پکاتے اب اگر ہم باورچی خانے میں نہ ہوں تو طبیعت خود ہی مضطرب ہو جاتی ہے۔ گویا ادھر ہنڈیا چڑھانے کی تیاری شروع ہوئی ادھر ہم لاشعوری طور پر ہنڈیا کے سامنے پہنچ گئے۔
سال پہلے حالات کچھ ایسے ہوئے کہ بیگم کو ایک ماہ کے لیے بچوں سمیت پاکستان جانا پڑ گیا۔ وہ کچھ افسردہ خاطر ہوئیں کہ میں اکیلا کیسے کھاؤں گا۔ ہم نے انہیں تسلی دی کہ کچھ نہ کچھ کر لیا کروں گا۔ جب وہ چلی گئیں تو جہانِ پکوان کے جو اسرر و رموز ہم پر ایک دہائی سے زیادہ عرصے میں کھلے تھے ہم نے ان کو آزمانے کا فیصلہ کیا۔ روز ہم کچھ نہ کچھ پکاتے اور ماشاءاللہ اچھا ہی بنتا تھا۔ ایک ماہ میں ہم تو خود کو شیف ذاکر سمجھنے لگے۔ بیگم کی واپسی کے دن قریب آ گئے۔ ہم نے فیصلہ کیا کہ ان کی آمد پر ان کو مطلع کیے بغیر ایک پر تکلف کھانا بنا کر انہیں حیران و پریشان کر دیں گے۔ ان کی واپسی سے ایک دن پہلے ہم نے پکانے کی تمام اشیا جمع کر لیں اور پوری دل جمعی سے تن تنہا کچن میں پکانے پر جت گئے۔ بیگم اور بچوں کو ائیر پورٹ سے واپس لانے سے پہلے ہم نے کھانے کی میز سجائی اور انہیں لینے چلے گئے۔

جب انہیں لے کر واپس آئے تو کھانے کی میز پر انہوں نے کیا دیکھا؟ یہ اگلے مراسلوں میں بتاتا ہوں۔

زبردست زبردست!
لیکن تصاویر ہماری نظروں سے اوجھل کیوں ہیں؟؟

 

[عرفان سعید]

سبحان اللہ۔۔
ماشاء اللہ

میں نے کیا غزل کہی ہے!

 

[مریم افتخار]

اچھا پکا ہو تو سب کچھ ہی پسند ہے۔
یہ تو خود پکایا تھا اس کی تو کیا ہی بات ہے!

میرا تو اپنا پکایا ہوا کھانے کو جی ہی نہیں چاہتا. جبکہ سب اکثر انگلیاں چاٹ رہے ہوتے ہیں.

 

[مریم افتخار]

ویسے اپ حلیم کی ترکیب بتاے مجھے بھی بنانی ھے۔لیکن وقت بہت لیتی ھے۔۔

دلیم مؤنث ہے؟

 

[زیک]

کیوں سرجی؟ کیا صرف خالد صاحب ہی "شوہر" کے عہدے پہ فائز ہیں؟

اڑتی اڑتی سنی تھی کہ ان کی بیگم یہیں کہیں پائی جاتی ہیں

 

[زیک]

دلیم مؤنث ہے؟

یہ دلیم کہاں سے آ گئی؟

 

[ہادیہ]

میں نے کیا غزل کہی ہے!

سبحان اللہ اور ماشاء اللہ کے نیچے بھی کچھ تھا۔۔ غور نہیں کیا؟؟؟؟

 

[مریم افتخار]

یہ دلیم کہاں سے آ گئی؟

میں اس ڈش کو یہ کہتی ہوں.

 

[ہادیہ]

اڑتی اڑتی سنی تھی کہ ان کی بیگم یہیں کہیں پائی جاتی ہیں

یاد آیا۔۔ ملاقات والی لڑی میں اس کا ذکر کیا گیا تھا۔۔

 

[زیک]

میں اس ڈش کو یہ کہتی ہوں.

جو حلیم بہت بری بنی ہو اور کھانے قابل نہ ہو اسے دلیم کہتے ہیں۔ عرفان سعید والی تو اچھی لگ رہی ہے

 

[عرفان سعید]

دلیم مؤنث ہے؟

یہ دلیم کہاں سے آ گئی؟

میں اس ڈش کو یہ کہتی ہوں.

جتنی مشکل سے پک کر یہ تیار ہوتی ہے، مونث ہی ہے۔

سرگوشی

اسی لیے اسے دلہن سے تشبیہ بھی دیتا ہوں اور باربار تیار کر کے کھانا چاہتا ہوں

 

[عرفان سعید]

سبحان اللہ اور ماشاء اللہ کے نیچے بھی کچھ تھا۔۔ غور نہیں کیا؟؟؟؟

 

[زیک]

یاد آیا۔۔ ملاقات والی لڑی میں اس کا ذکر کیا گیا تھا۔۔

محفل پر relationship status بھی نہیں کہ معلوم ہو سکے کون ہیں

 

[ہادیہ]

سرجی میں نے تو "تعریف" ہی کی تھی

 

[سین خے]

عرفان سعید بھائی ذبردست آپ تو اچھا کھانا پکانے کی بھی صلاحیت رکھتے ہیں۔

صرف تصویروں سے کام نہیں چلے گا۔ ہمیں تراکیب بھی چاہئیں۔ ہر ڈش کے لئے الگ لڑی کھول لیں

 

[عرفان سعید]

عرفان سعید بھائی ذبردست آپ تو اچھا کھانا پکانے کی بھی صلاحیت رکھتے ہیں۔

بہت شکریہ سین خ صاحبہ!

سرگوشی

اب آپ کو سمجھ آیا ہوگا کہ ہم نے آپ کی ڈش میں چند چیزوں کی نشاندہی کیسے کی!

صرف تصویروں سے کام نہیں چلے گا۔ ہمیں تراکیب بھی چاہئیں۔ ہر ڈش کے لئے الگ لڑی کھول لیں

موقع ملتا ہے تو لکھتا ہوں۔