"یاد" کے موضوع پر اشعار!

[نوید ملک]

چاہتا ہوں کہ بھول جاؤں تمہیں
اور خود بھی نہ یاد آؤں تمہیں
جیسے تم صرف اک کہانی تھیں
جیسے میں صرف اک افسانہ ہوں ​

 

[حجاب]

یادوں کے حاشیے بہت اہم ہیں حسن
دیمک لگی کتاب کو آہستہ کھولیئے

 

[نوید ملک]

پھر اس کی یاد چلی یوں ہاتھ تھام کے
میلے میں‌اس جہان کے کھونے نہیں دیا ​

 

[نوید ملک]

دشتِ تنہائی میں اے جانِ جہاں، یوں رکھا ہے
اس وقت دل کے رخسار پہ تیری یاد نے ہاتھ
یوں گماں ہوتا ہے، گرچہ ہے ابھی صبحِ فراق
ٹھل گیا ہجر کا دل ، آ بھی گئی وصل کی رات
(فیض احمد فیض)

 

[عمر سیف]

ہاتھ کی لکیروں سے کس طرح نکالوں میں
تیری یاد کے موسم، تیرے نام کی آہٹ
(ناہید ورک)

 

[نوید ملک]

دلِ سوختہ ملے گا تجھے جب کوئی کہیں
شدت سے ایک شخص تجھے یاد آٰے گا
(اعتبار ساجد)

 

[شمشاد]

گزرے دنوں کی یاد برستی گھٹا لگے
گزروں جو اس گلی سے تو ٹھنڈی ہوا لگے
(قتیل شفائی)

 

[سارہ خان]

یادوں کی جڑیں پھوٹ ہی پڑتی ہیں کہیں سے
دل اگر ٹوٹ بھی جائے تو بنجر نہیں ہوتا

 

[شمشاد]

روزِ غم میں کیا قیامت ہے شبِ عشرت کی یاد
اشکِ خوں سے آ گئیں رنگینیاں صحبت کی یاد

میری حالت دیکھ لو تغیر کتنی ہو چکی
وصل کے دن دمبدم کیوں شیشہ ساعت کی یاد
(مصطفٰی خان شیفتہ)

 

[عبدالجبار]

تاروں کا گو شمار میں آنا محال ہے
لیکن کسی کی یاد ستائے تو کیا کروں​

 

[عمر سیف]

[align=right:d10483cd9a]یادیں۔
٪٪٪٪٪٪٪٪٪
زندگی کے طویل سفر میں نہ جانے کتنے لوگ ملتے ہیں اور بچھڑ جاتے ہیں۔کچھ لوگ چند لمحوں کے لئے ہمسفر ہوتے ہیں۔ اور شاہراہِ حیات پر تھوڑی دیر کے لئے ساتھ ساتھ رہتے ہیں لیکن کچھ لوگ ایسے ہوتے ہیں جن کو ہم کوشش کے باوجود بُھلا نہیں سکتے اور جدائی کی یہ میٹھی میٹھی کسک زیست کے آخری لمحات تک ہمارے ساتھ رہتی ہے نارسائی کا کرب ہمیں اکثر کچوکے لگاتا رہتا ہے۔یوں وہ شخص ہمیں کبھی نہیں بھولتا چاندنی راتوں میں یاد آتا ہے خزاں رسیدہ پتّوں پر پاؤں رکھتے ہوئے بھی اُس کے ہجر کے نوحے سنائی دیتے ہیں۔بہاروں کے موسم میں پھولوں کے بیچ چلتے ہوئے بھی اُس شخص کی مخصوص خوشبوئیں ہمارا تعاقب کرتی ہیں ۔اور اُس کی یاد دن رات ہمارے دل میں رہتی ہے ۔
کاش کہ ایسے لوگ جو ہمارا سب کچھ چھین کر لے جاتے ہیں وہ اپنی یادیں بھی ساتھ لے جایا کریں۔
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪[/align:d10483cd9a]

اچھا ہے۔ بہت خوب

 

[راجہ صاحب]

نہیں‌آتی جب ان کی یاد تو مہینوں نہیں آتی
مگر جب یاد آتے ہیں‌ تو اکثر یاد آتے ہیں‌

 

[عمر سیف]

جب جام دیا تھا ساقی نے جب دور چلا تھا محفل میں
وہ ہوش کی مدت کیا کہئیے کچھ یاد رہی کچھ بھول گئے
( ساغر صدیقی )

 

[راجہ صاحب]

اگربتیاں سی مجھ میں سلگتی ہیں وصی
تمھاری یاد نے مہکا دیا جلا بھی دیا

 

[نوید ملک]

زندگی جبرِ مسلسل کی طرح کاٹی ہے
جانے کس جرم کی پائی ہے سزا یاد نہیں
آؤ اک سجدہ کریں عالمِ مدہوشی میں
لوگ کہتے ہیں کہ ساغر کو خدا یاد نہیں

 

[شمشاد]

[align=right:14b7ac4841]یادیں۔
٪٪٪٪٪٪٪٪٪
زندگی کے طویل سفر میں نہ جانے کتنے لوگ ملتے ہیں اور بچھڑ جاتے ہیں۔کچھ لوگ چند لمحوں کے لئے ہمسفر ہوتے ہیں۔ اور شاہراہِ حیات پر تھوڑی دیر کے لئے ساتھ ساتھ رہتے ہیں لیکن کچھ لوگ ایسے ہوتے ہیں جن کو ہم کوشش کے باوجود بُھلا نہیں سکتے اور جدائی کی یہ میٹھی میٹھی کسک زیست کے آخری لمحات تک ہمارے ساتھ رہتی ہے نارسائی کا کرب ہمیں اکثر کچوکے لگاتا رہتا ہے۔یوں وہ شخص ہمیں کبھی نہیں بھولتا چاندنی راتوں میں یاد آتا ہے خزاں رسیدہ پتّوں پر پاؤں رکھتے ہوئے بھی اُس کے ہجر کے نوحے سنائی دیتے ہیں۔بہاروں کے موسم میں پھولوں کے بیچ چلتے ہوئے بھی اُس شخص کی مخصوص خوشبوئیں ہمارا تعاقب کرتی ہیں ۔اور اُس کی یاد دن رات ہمارے دل میں رہتی ہے ۔
کاش کہ ایسے لوگ جو ہمارا سب کچھ چھین کر لے جاتے ہیں وہ اپنی یادیں بھی ساتھ لے جایا کریں۔
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪[/align:14b7ac4841]

حجاب اچھا اقتباس لکھا ہے آپ نے لیکن یہاں لفظ “ یاد “ پر اشعار لکھنے ہیں، نثر نہیں۔ کیا ہی اچھا ہو اگر آپ یہ اقتباس “ میری ڈائیری کا ایک ورق “ پر منتقل کر دیں۔

 

[حجاب]

آپ منتقل کر دیں۔

 

[عمر سیف]

ہر یاد کو یوں زخم بناتے نہیں دل کا
ہر تیر کو پیوستِ رگِ جاں نہیں کرتے

 

[نوید ملک]

یہ سخن جو ہم نے رقم کیے، یہ ہیں سب ورق تیری یاد کے
کوئی لمحہ صبح وصال کا کئی شام ہجر کی مدتیں

(فیض)

 

[عمر سیف]

دل میں اب یوں ترے بھولے ہوئے غم آتے ہیں
جیسے بچھڑے ہوئے کعبے میں صنم آتے ہیں
اور کچھ دیر نہ گزرے شبِ فرقت سے کہو
دل بھی کم دکھتا ہے، وہ یاد بھی کم آتے ہیں
(فیض)