"یاد" کے موضوع پر اشعار!

[سیما علی]

یاد کرنا ہر گھڑی تجھ یار کا
ہے وظیفہ مجھ دلِ بیمار کا
ولی دکنی

 

[سیما علی]

رات کے دشت میں پھول کِھلے ہیں، بھولی بسری یادوں کے
غم کی تیز شراب سے ان کے تیکھے نقش مٹاتے رہنا!!!!!!
منیر نیازی

 

[سیما علی]

برسوں گزرے اور ابھی جانے کب تک یاد آئیں گے
اس کا خوشبو کا دروازہ اور اس کی دربان ہوا!!!!!!!!!!
رام ریاض

 

[سیما علی]

دل سوختہ ملے گا تجھے جب کوئی کہیں
شدت سے ایک شخص تجھے یاد آے گا
اعتبار ساجد

 

[سیما علی]

تھک گیا میں کرتے کرتے یاد تجھ کو
اب تجھے میں یاد آنا چاہتا ہوں
قتیل شفائی

 

[سیما علی]

آفتِ جاں ہوئی اس روئے کتابی کی یاد
راس آیا نہ مجھے حافظِ قرآں ہونا
حیدر علی آتش

 

[سیما علی]

پھر ساون رُت کی پون چلی تم یاد آئے
پھر پتوں کی پازیب بجی، تم یاد آئے

 

[جاسمن]

سنی اندھیروں کی سگبگاہٹ تو شام یادوں کی کہکشاں سے
چھپے ہوئے ماہتاب نکلے بجھے ہوئے آفتاب نکلے
عقیل نعمانی

 

[لاريب اخلاص]

اشک تھے آنکھ کی حراست میں‌
پھر تری یاد نے ضمانت دی
عاطف جاوید عاطف

 

[سید عاطف علی]

اک وہی بات تم کو رکھنا یاد
اور وہی بات بھولنا میرا۔

 

[علی وقار]

یارو نئے موسم نے یہ احسان کیے ہیں
اب یاد مجھے درد پرانے نہیں آتے!


بشیر بدر

 

[لاريب اخلاص]

دل کی نازک رگیں ٹوٹتی ہیں
یاد اتنا بھی کوئی نہ آئے
کیفی اعظمی

 

[طاہر شیخ]

یاد ماضی کی پراسرار حسیں گلیوں میں
میرے ہم راہ ابھی گھوم رہا ہے کوئی

خورشید احمد جامی