ی۔ ہ۔ و ۔۔ نئی لڑی نمبر 20

[وجی]

چائے نہیں پی ابھی تک

 

[عظیم]

جناب صبح کے وقت دو بار چائے پینے کی عادت ہو چکی ہے۔ آج ایک بار ہی پی تھی تو سستی سی چھائی ہوئی ہے ۔ ابھی کھانے کے لیے اٹھ رہا ہوں اس کے بعد ان شاء اللہ چائے کی باری آ جائے گی۔

 

[محمد عدنان اکبری نقیبی]

ثمرین کو چائے کو بول دیں پھر

 

[عظیم]

ٹھنڈی ہو گئی تھی میری چائے کہ میں وضو میں لگ گیا تھا۔

 

[محمد عدنان اکبری نقیبی]

تبدیل کر کے دوسری مانگا لیتے ہیں ۔

 

[عظیم]

پانی بھی زیادہ بہہ جائے نلکے میں سے تو ڈر لگتا ہے مجھے ۔ چائے کو کیسے ضائع کر دیتا۔

 

[محمد عدنان اکبری نقیبی]

بھائی آپ اتنی فکر رکھتے ہیں ۔

 

[عظیم]

آپ لوگوں کے وہاں کراچی میں پانی کی بہت قلت ہے نا؟

 

[محمد عدنان اکبری نقیبی]

یہ تو کراچی کا بڑا سنگین مسئلہ ہے

 

[عظیم]

ہماری دوکان کے سامنے ایک دوکان دار ہیں۔ ان کے بھی رشتہ دار وہاں کراچی اور حیدر آباد میں ہوتے ہیں ۔ وہ بتا رہے تھے کہ کراچی میں پانی کی بہت قلت ہے۔

 

[محمد عدنان اکبری نقیبی]

وہ بالکل ٹھیک بتا رہے ہیں ۔

 

[عظیم]

نمازی حضرات مسجدوں وغیرہ میں کیا کرتے ہیں اگر کبھی پانی کا مسئلہ مسجد میں بھی ہو جائے تو؟

 

[محمد عدنان اکبری نقیبی]

گاڑی آتی ہے پانی والی جو مسجد کا ٹینک بھر دیتی ہے اور اکثر مساجد میں بورنگ بھی کروائی گئی ہے تاکہ پانی کی کمی نہ ہو ۔

 

[عظیم]

کیا وجہ ہے کہ وہاں ہر گھر میں بورنگ نہیں کروا لی جاتی؟ جیسے یہاں لاہور میں (خاص طور پر لاہور کے ان علاقوں میں جو نئے بن رہے ہیں) پانی کے لیے بورنگ ہی کروائی جاتی ہے ۔

 

[محمد عدنان اکبری نقیبی]

قانونی طور پر منادی نہیں پر یہاں بورنگ کا پانی کھارا ہوتا ہے ۔

 

[عظیم]

فیصل آباد کی طرح، وہاں کا پانی بھی کھارا ہوتا ہے ۔ لیکن عام استعمال کے لیے تو یہ پانی استعمال کیا جا سکتا ہے نا؟

 

[محمد عدنان اکبری نقیبی]

غریب لوگ تو اسے ہر استعمال میں لاتے ہیں ۔

 

[عظیم]

عام استعمال کے لیے اگر یہ پانی استعمال کر لیا جاتا ہے تو صرف پینے کے پانی کی قلت رہ جاتی ہے۔ میرے ذہن میں تھا کہ شاید ہر طرح کے استعمال کے لیے وہاں پانی کا مسئلہ رہتا ہے ۔

 

[محمد عدنان اکبری نقیبی]

ظاہر تو آپ کی بات سے یہی ہوا تھا

 

[عظیم]

طریقے نکال ہی لیتا ہے آدمی اپنی ضروریات کو پورا کرنے کے۔ کچھ دن پہلے یہاں ہمارے محلے میں زیر زمین پانی کی سطح کم ہو گئی تھی۔ جس کے نتیجے میں پمپ پانی اٹھانا چھوڑ گئے تھے ۔ تقریبا ہر گلی میں دو چار گھروں کو نیا بور کروانا پڑا۔ جن میں ہم لوگ بھی شامل ہیں۔