“ وفا “

[پاکستانی]

جرات آموز میری تاب ِ سخن ہے مجھ کو
ش۔۔کوہ اللہ سے خ۔اکم بدہن ہے م۔۔جھ کو

اے خ۔۔دا ش۔۔کوہ اربابِ وفا بھی س۔۔ن لے
خوگر حمد سے تھوڑا سا گلہ بھی سن لے

 

[شمشاد]

یہ اداء بے نیازی تجھے بے وفا مبارک
مگر ایسی بے رخی کیا کہ سلام تک نہ پہنچے
(شکیل بدایونی)

 

[عمر سیف]

اب ذوق طلب وجہِ جنوں ٹھہر گیا ہے
اب عرضِ وفا باعثِ رسوائی ہے

 

[شمشاد]

بیش از نفس بتاں کے کرم نے وفا نہ کی
تھا محملِ نگاہ بہ دوشِ شرار حیف
(غالب)

 

[عمر سیف]

کچھ تو وہ خود بھی ہے نا واقفِ آدابِ دفا
اور کچھ مجھ کو محبت کا سلیقہ بھی نہیں

 

[شمشاد]

غم سے مرتا ہوں کہ اتنا نہیں دنیا میں کوئی
کہ کرے تعزیتِ مہر و وفا میر ے بعد
(غالب)

 

[سارہ خان]

موسم بھی تیرے ساتھ ہی کیسے بدل گئےَ
سورج کی دھوپ ، جسم سے سائے نکل گئے
چھیڑی ہے اب کے داستاں اپنی وفا کی جو
لفظ و حروف اشک کے پانی میں ڈھل گئے
(نعیم رضا)

 

[شمشاد]

ڈھونڈ اجڑے ہوئے لوگوں میں وفا کے موتی
شاید یہ خزانے تجھے خرابوں میں ملیں گے
(احمد فراز)

 

[عمر سیف]

زمانے سے جُدا لگنے لگا ہے
وہ کتنا باوفا لگنے لگا ہے
یہ کیسے دور میں ہم جی رہے ہیں
بشر بھی اب خدا لگنے لگا ہے

 

[شمشاد]

سادہ پُر کار ہیں خوباں کہ اسد
ہم سے پیمانِ وفا باندھتے ہیں

 

[عمر سیف]

حیا سمجھوں، ادا سمجھوں کہ اظہارِ وفا سمجھوں
تمھاری مسکراہٹ مجھ سے پہچانی نہیں جاتی

 

[شمشاد]

کرکے ترک وفا مجھے اس نے
آزمانے کی ابتدا کردی
(فاخرہ بتول)

 

[عمر سیف]

کیا مصلحت شناس تھا وہ آدمی قتیل
مجبوریوں کا جس نے وفا نام رکھ دیا

 

[شمشاد]

بقدرِ تشنہء لبی پُرسشِ وفا نہ ہوئی
چھلک کے رہ گئے تیری نظر کے پیمانے
(ناصر کاظمی)

 

[عمر سیف]

جاؤں گا کہاں توڑ کے زنجیرِ وفا کو
ہر سو میری جانب نگراں ہیں تری آنکھیں

 

[عیشل]

غم کے سنجوگ اچھے لگتے ہیں
مستقل روگ اچھے لگتے ہیں
کوئی وعدہ نہ کر وفا کہ مجھے
بے وفا لوگ اچھے لگتے ہیں

 

[شمشاد]

سب مرحلے وفا کے جفا کے سپرد ہیں
وہ دیپ کیا جلیں جو ہوا کے سپرد ہیں

اس نے بھی اپنی ضد نہیں چھوڑی کسی طرح
ہم کیا کریں کہ ہم بھی انا کے سپرد ہیں

 

[عمر سیف]

چاہت کا رنگ تھا نہ وفا کي لکير تھي
قاتل کے ہاتھ ميں تو حنا کي لکير تھي
خوش ہوں کہ وقت قتل مرا رنگ سرخ تھا
ميرے لبوں پہ حرف دعا کي لکير تھي

 

[شمشاد]

اس جنم میں ہو ترا ساتھ ، کہاں ممکن ہے
اور وفا کی کوئی سوغات ، کہاں ممکن ہے
(فاخرہ بتول)

 

[عمر سیف]

اس دشت بے وفائی میں جائیں كہاں كہ ہم
ہیں اپنے آپ سے كوئی وعدہ كیے ُہوئے