“ وفا “

[سارہ خان]

ساحل کے انتظار میں چکرا گیا ہوں میں‌
مجھ کو مری وفا کے بھنور سے نکا لیے

(قتیل شفائی)

 

[عمر سیف]

جّدت سے مجھے انکار نہیں، یاروں سے مگر یہ پوچھنا ہے
یہ کون سا معیارِ وفا، اُمید گئی تو وفا بھی گئی

 

[شمشاد]

قریب تھا تو کسے فُرصت محبّت تھی
ہُوا ہے دُور تو اُس کی وفائیں یاد آئیں
(نوشی گیلانی)

 

[سارہ خان]

موسم بھی تیرے ساتھ ہی کیسے بدل گئےَ
سورج کی دھوپ ، جسم سے سائے نکل گئے
چھیڑی ہے اب کے داستاں اپنی وفا کی جو
لفظ و حروف اشک کے پانی میں ڈھل گئے
(نعیم رضا)

 

[شمشاد]

وَفا گُمنام ہونے دو، جفا کو عام کرنے دو
ہواؤں کو یہ سارا کام کرنے دو
(فاخرہ بتول)

 

[عمر سیف]

تم سرِ راہِ وفا دیکھتے رہ جاؤ گے
اور وہ بابِ رفاقت سے اُتر جائے گا

 

[شمشاد]

کوئی حرفِ وفا ناں حرفِ سادہ
میں خاموشی کو سُننا چاہتی ہوں
(نوشی گیلانی)

 

[ظفری]

تُو ملا ایسے بے وفاؤں کو
جو تیری آرزو نہیں‌ کرتے

 

[عمر سیف]

دل کسی یارِ باوفا کی طرح
با خبر ہے بہت خدا کی طرح

 

[شمشاد]

حق وفا کا جو ہم جتانے لگے
آپ کچھ کہہ کے مسکرانے لگے
(حالی)

 

[عمر سیف]

بے وفا کہ کر تمہیں ہم خود بھی پچھتائے مگر
بےرخی حد سے سِوا ہو جائے تو ہم کیا کریں

 

[شمشاد]

بہ فریبِ آشنائی بہ خیالِ بے وفائی
نہ رکھ آپ سے تعلق مگر ایک بدگمانی
(غالب)

 

[ظفری]

بے ترتیبی میں ترتیب ڈھونڈتے ہیں
جینے کی کوئی ترکیب ڈھونڈتے ہیں
اس سے بے وفائی کا گلہ کوئی نہیں ہے
ہم تو فقط اپنا رقیب ڈھونڈتے ہیں‌​

 

[شمشاد]

نہ وفا کو آبرو ہے، نہ جفا تمیز جو ہے
چہ حسابِ جانفشانی، چہ غرورِ دلستانی
(غالب)

 

[عمر سیف]

باندھ کر سنگِ وفا کر دیا تو نے غرقاب
کون ایسا ہے جو اب ڈھونڈ نکالے مجھ کو

 

[شمشاد]

اس جنم میں ہو ترا ساتھ ، کہاں ممکن ہے
اور وفا کی کوئی سوغات ، کہاں ممکن ہے
(فاخرہ بتول)

 

[عمر سیف]

جس کو عادت ہے بےوفائی کی
آؤ جیتیں انہیں وفاؤں سے

 

[شمشاد]

پُوچھ لو پُھول سے کیا کرتی ہے
کبھی خوشبو بھی وفا کرتی ہے
(نوشی گیلانی)

 

[عمر سیف]

ہے مقدس بہت یہ شہرِ وفا
یہاں پاؤں نہیں سر جاتے ہیں

 

[شمشاد]

تھا مجھ کو خار خارِ جنونِ وفا اسد
سوزن میں تھا نہفتہ گلِ پیرہن ہنوز
(غالب)