عرفان سعید
محفلین
آپ نے کیمیا پڑھی ہے یا نہیں، اچھی لگتی ہے یا زہر، اس سے قطع نظر یہ ایک حقیقت ہے کہ ہمارے بدن سے لیکر ہمارے گرد و پیش میں عناصر و مرکبات کا کھیل ہر لحظہ جاری و ساری ہے۔ میں چونکہ کیمسٹری کا ایک ادنی سا طالب علم ہوں تو اس میں دلچسپی ایک فطری سی بات ہے۔ اس کھیل میں کرنا یہ ہے کہ ایسے اشعار جن میں "کیمیا"،" کیمسٹری" یا کسی کیمیائی عمل کی نشاندہی ہو انہیں جمع کرنا ہے۔ سنجیدہ، مزاحیہ، طربیہ، المیہ کی کوئی قید نہیں۔ طبع آزمائی کرنے میں بھی کوئی حرج نہیں۔
