کیمیا اور کیمسٹری کے اشعار

[فرقان احمد]

میں ملاتا ہوں شعر و آتش کو
فن مجھے کیمیا کا آتا ہے ۔۔۔!

عبدالعزیز خالد

 

[فرقان احمد]

یہاں بہت سے متعلقہ اشعار مل جائیں گے۔

 

[فیصل عظیم فیصل]

یہاں بہت سے متعلقہ اشعار مل جائیں گے۔

مزہ کیسا کسی کی شاعری لکھ لکھ کے مارن کا
اپنا کہیں گے ہم بھی عناصر پہ سب کلام

 

[La Alma]

کیمیاگری کی ایک آرزوئے لاحاصل کبھی ہم نے بھی کی تھی۔ اس غزل کے چند اشعار شاید موضوع سے مطابقت رکھتے ہوں۔

چلو ترکیبِ ہستی کو جدا تخلیق کرتے ہیں
انہی اجزا کو لے کر کچھ نیا تخلیق کرتے ہیں

کچھ ایسا ہو بھڑکتی آگ بھی گلزار ہو جائے
عناصر درد کے چن کر مزا تخلیق کرتے ہیں

سلگتی ہے یہ چشمِ نم مرے خوابوں کی حدّت سے
ہوئی تبخیر اشکوں کی, گھٹا تخلیق کرتے ہیں

مفر غم سے نہیں ممکن, ہے جب تک زندگی باقی
غمِ جاں سے نمٹنے کو قضا تخلیق کرتے ہیں

نری یہ خود پسندی ہے اگر حد سے نکل جائے
خودی کے دائروں میں ہی انا تخلیق کرتے ہیں

ہے راوی بھی, سند بھی ہے, بیاں پھر متن کیسے ہو
حدیثِ دل سنانے کو صدا تخلیق کرتے ہیں

نہ اب کے بعد ہم المٰی، صنم کوئی تراشیں گے
وہ کافر ہیں جو خود اپنا خدا تخلیق کرتے ہیں​

 

[فیصل عظیم فیصل]

نہ اب کے بعد ہم المٰی، صنم کوئی تراشیں گے
وہ کافر ہیں جو خود اپنا خدا تخلیق کرتے ہیں

بہت اچھے بہت ہی خوب المیٰ آپ کا لکھا
الہی ان عناصر میں تمہاری مغفرت کردے

 

[عرفان سعید]

بہت ہیں پایہ گردِ رہِ حسین بلند
بقدرِ فہم ہے گر کیمیا کہیں اس کو
(غالب)

 

[عرفان سعید]

نزدیک سوزِ سینہ سے رکھ اپنے قلب کو
وہ دل ہی کیمیا ہے جو گرم گداز ہو
(میر)

 

[فیصل عظیم فیصل]

بہت ہیں پایہ گردِ رہِ حسین بلند
بقدرِ فہم ہے گر کیمیا کہیں اس کو

گرد رہ حسین کے ایٹم کا پروٹون
جو بن گیا وہ مرکز افلاک ہوا ہے

 

[فیصل عظیم فیصل]

نزدیک سوزِ سینہ سے رکھ اپنے قلب کو
وہ دل ہی کیمیا ہے جو گرم گداز ہو

فرما گئے ہیں میر جو بے شک ہے خوب تر
لیکن کہ دل کی کیمیا ''صبر و صلوٰۃ'' ہے

 

[فہد اشرف]

ضعف سے گریہ مبدل بہ دم سرد ہوا
باور آیا ہمیں پانی کا ہوا ہو جانا
غالب
Vaporisation

 

[فیصل عظیم فیصل]

ضعف سے گریہ مبدل بہ دم سرد ہوا
باور آیا ہمیں پانی کا ہوا ہو جانا
غالب
Vaporisation

ہوا پانی کیا کرتے تو غالب چل بسے کب کے
ہمیں اب ملک و ملت میں عناصر ایک کرنے ہیں

 

[محمد تابش صدیقی]

عشقِ باری، حبِّ احمدؐ، انسِ مخلوقِ جہاں
یہ ہیں اجزائے ثلاثہ، ان سے دل تعمیر کر
نظرؔ لکھنوی

 

[فہد اشرف]

محبت کا کیمکل کمپوزیشن

چمک تارے سے مانگی ، چاند سے داغ جگر مانگا
اڑائی تیرگی تھوڑی سی شب کی زلف برہم سے

تڑپ بجلی سے پائی ، حور سے پاکیزگی پائی
حرارت لی نفسہائے مسیح ابن مریم سے

ذرا سی پھر ربوبیت سے شان بے نیازی لی
ملک سے عاجزی ، افتادگی تقدیر شبنم سے

پھر ان اجزا کو گھولا چشمہء حیواں کے پانی میں
مرکب نے محبت نام پایا عرش اعظم سے

اقبال

 

[سید عاطف علی]

یاد آیا کہ بانگ درا کی شعری لیبارٹری میں اقبال نے "محبت" نام کا مرکب ایجاد کر نے کا پریکٹکل معہ ترکیبوفارمولا بیان کیا ہے ، نظم کا نام بھی غالبا محبت ہی ہے۔ اس کے اجزا میں تارے کی چمک، بجلی کی تڑپ ،چاند کے داغ اور حور کی پاکیزگی کو چشمہ ء حیواں کی پانی میں گھولا اور اس کمپاؤنڈ نے عرش اعظم سے محبت کا نام پایا۔
یہ نظم یہاں بر محل ہو گی ۔ جس میں محبت جیسے نایاب مرکب کا مالیکیولر ویٹ بھی نکالا جاسکتا ہے۔
فی الحال چند مصرع پچیس تیس سال پہلے کے پڑھے ہوئے یاد آرہے ہیں ۔
چمک تارے سے پائی حور سے پاکیزگی مانگی
پھر ان اجزا کو گھولا چشمہء حیواں کی پانی میں
مرکب نے محبت نام پایا عرش اعظم سے۔

 

[فہد اشرف]

یاد آیا کہ بانگ درا کی شعری لیبارٹری میں اقبال نے "محبت" نام کا مرکب ایجاد کر نے کا پریکٹکل معہ ترکیبوفارمولا بیان کیا ہے ، نظم کا نام بھی غالبا محبت ہی ہے۔ اس کے اجزا میں تارے کی چمک، بجلی کی تڑپ ،چاند کے داغ اور حور کی پاکیزگی کو چشمہ ء حیواں کی پانی میں گھولا اور اس کمپاؤنڈ نے عرش اعظم سے محبت کا نام پایا۔
یہ نظم یہاں بر محل ہو گی ۔ جس میں محبت جیسے نایاب مرکب کا مالیکیولر ویٹ بھی نکالا جاسکتا ہے۔
فی الحال چند مصرع پچیس تیس سال پہلے کے پڑھے ہوئے یاد آرہے ہیں ۔
چمک تارے سے پائی حور سے پاکیزگی مانگی
پھر ان اجزا کو گھولا چشمہء حیواں کی پانی میں
مرکب نے محبت نام پایا عرش اعظم سے۔

محبت کا کیمکل کمپوزیشن

چمک تارے سے مانگی ، چاند سے داغ جگر مانگا
اڑائی تیرگی تھوڑی سی شب کی زلف برہم سے

تڑپ بجلی سے پائی ، حور سے پاکیزگی پائی
حرارت لی نفسہائے مسیح ابن مریم سے

ذرا سی پھر ربوبیت سے شان بے نیازی لی
ملک سے عاجزی ، افتادگی تقدیر شبنم سے

پھر ان اجزا کو گھولا چشمہء حیواں کے پانی میں
مرکب نے محبت نام پایا عرش اعظم سے

اقبال

 

[محمد تابش صدیقی]

مزہ کیسا کسی کی شاعری لکھ لکھ کے مارن کا
اپنا کہیں گے ہم بھی عناصر پہ سب کلام

کیمسٹری جو نہ پڑھ سکا کبھی ڈھنگ سے میں کلاس میں
کیمسٹری ہی نہ مل سکی، کسی سے کبھی ، رہا آس میں

 

[فیصل عظیم فیصل]

لگتا ہے کیمیاء سے کہیں دور چل پڑے
عنصر وہ ایک توڑ کر کتنے بنا لیا

 

[عرفان سعید]

کیمسٹری جو نہ پڑھ سکا کبھی ڈھنگ سے میں کلاس میں
کیمسٹری ہی نہ مل سکی، کسی سے کبھی ، رہے آس میں

تو نکال کر بڑوں کا سخن ، بنے منتظم بھی تو پاس میں

 

[سید عاطف علی]

بالکل یہی ۔
آپ نے تو میرے منہ کی کیمسٹری چھین لی بھئی۔

 

[عرفان سعید]

منہ کی کیمسٹری چھین لی

"پیسٹری" تو نہیں کہنا چاہ رہے؟