کبھی تو چونک کے دیکھے کوئی ہماری طرف ٭ کسی کی آنکھ میں ہم کو بھی انتظار دکھے۔ گلزار
-
تمام جسم کی عریانیاں تھیں آنکھوں میں ٭ وہ میری روح میں اترا حجاب پہنے ہوئے ۔ساقی فاروقی
یہ کس کے رعب نے گُدّی سے کھینچ لی ہے زباں؟ کہ باوقار ہیں لب بستہ، بے نوا خاموش ۔جوش ملیح آبادی
گلا بھی تجھ سے بہت ہے مگر محبت بھی ٭ وہ بات اپنی جگہ ہے یہ بات اپنی جگہ ۔ باصر سلطان کاظمی
سب تو ہی تو ہے میں کہاں ہوں ٭ آ اور مرے ساتھ مجھ میں کھو جا ۔ راحیل بھائی
تیرگی چھوڑ گئی دِل میں اُجالے کے خطوط ٭ یہ سِتارے میرے گھر ٹوٹ کے بیکار گِرے ۔شکیب جلالی
رات میں کرنوں کی جنگ، دشت میں اک جل ترنگ، دیدۂ حیراں کا رنگ * حلقۂ زنجیر تنگ، کیسے شعاعِ نظر اپنی رِہا کیجیے. استاد محترم الف عین
دعائیں یاد کرا دی گئی تھیں بچپن میں * سو زخم کھاتے رہے اور دعا دئیے گئے ہم ۔ افتخار عارف
ہم جسے دیکھتے ہیں اس میں تجھے دیکھتے ہیں ٭ حسن والوں پہ بھی کچھ کم ترے احسان نہیں ۔ راحیل بھائی
محمد عدنان اکبری نقیبی بھائی زندہ آباد، ہر اک مراسلے پر پہنچتے ہیں
عشق رومی عشق جامی عشق کوہ طور ٭ عشق حبشی عشق قرنی عشق ہے منصور !
بلا کی تشنہ لبی اور سفر میں وحشت تھی ٭ دعا یہی تھی کہ اترے نہ پھر عذاب کوئی ۔شاہین حیدر رضوی
وہ وصال ہو کہ فراق ہو ، تری آگ مہکے گی ایک دن ٭ وہ گلاب بن کے کھلے گا کیا، جو چراغ بن کے جلا نہ ہو ۔ بشیر بدر
اس نے نظر نظر میں ہی ایسے بھلے سخن کہے *میں نے تو اس کے پاؤں میں سارا کلام رکھ دیا۔ احمد فراز
بس یہی دوڑ ہے اس دور کے انسانوں کی ٭ تیری دیوار سے اونچی مری دیوار بنے ۔حفیظ میرٹھی
ا پنی فطرت کی بلندی پہ مجھے ناز ہے کب ٭ ہاں تیری پست نگاہی سے گلا ہے مجھ کو ۔ معین احسن جذبی
ہم کتابوں کی طرح زندہ رہیں گے انور ٭ ہم ترے شہر کا اخبار نہیں ہو سکتے ۔منیر انور
دراڑ پڑ گئی مٹی میں ہونٹ خشک ہوئے ٭ زمین ویسی ہی بنجر ہے، کیا کِیا جائے ۔غالب عرفان
اب کے فراز وہ ہوا جس کا نہ تھا گمان تک ٭ پہلی سی دوستی تو کیا ختم ہے بول چال بھی ۔ احمد فراز
جو زندگی ہے تو بس تیرے درد مندوں کی ٭ یہ جبر بھی تو نہیں، اختیار بھی تو نہیں ۔ ناصر کاظمی -
لوڈ ہو رہا ہے…
-
لوڈ ہو رہا ہے…
-
لوڈ ہو رہا ہے…