اب مُلاقات میں وہ گرمئی جذبات کہاں ٭ اب تو رکھنے وہ محبّت کا بھرم آتے ہیں ۔ ساغر صدیقی
-
ہم نشیں ، خاموش دیواریں بھی سنتی ہیں یہاں ٭ رات ڈھل جائے تو پھر چھیڑیں گے افسانہ کوئی ۔ ناصر کاظمی
دشت تنہائی میں اے جان جہاں لرزاں ہیں ٭ تیری آواز کے سائے ترے ہونٹوں کے سراب ۔
تو بھی محدود نہ ہو مجھ کو بھی محدود نہ کر ٭ اپنے نقشِ کف پا کو مری منزل نہ بنا۔حمایت علی
سوال ہی سوال تھے لبوں پہ زندگی ترے ٭ دمِ فنا لبوں پہ میں جواب رکھ کے سو گیا ۔محمد احمد
تمہارا نام لیتا ہوں فضائیں رقص کرتی ہیں ٭ تمہاری یاد آتی ہے تو ارماں لڑکھڑاتے ہیں۔ ساغر صدیقی
ربا میرےحال دامحرم توں ۔شاہ حسین
یہ سوزِ دروں یہ اشکِ رواں یہ کاوشِ ہستی کیا کہیے ٭ مرتے ہیں کہ کچھ جی لیں ہم، جیتے ہیں کہ آخر مرنا ہے ۔مجید امجد
قدم قدم پہ صلیبوں کے جال پھیلا دو ٭ کہ سرکشی کو تو عادت ہے سر اُٹھانے کی ۔ ازہر درانی
یہ پردہ داری ہے یا تماشا ہمیں میں رہ کر ہمیں سے پردہ ٭ تباہ کرنا اگر ہے مجھ کو نقاب اٹھا کر تباہ کر دے ۔مرزا عادل نذیر
مقامِ عشق کو ہر آدمی "سیماب" کیا سمجھے ٭یہ ہے ایک مرتبہ، جو ماورائے آدمیت ہے ۔سیماب اکبر آبادی
دل فسردہ تو ہوا دیکھ کے اس کو لیکن ٭ عمر بھر کون جواں، کون حسیں رہتا ہے ۔ احمد مشتاق
اب وہ آنکھوں کے شگوفے ہیں نہ چہروں کے گلاب ٭ اتنی بے رنگ ہیں اب رنگ کی خوگر آنکھیں ۔ امجد اسلام امجد
جو زندگی ہے تو بس تیرے درد مندوں کی ٭ یہ جبر بھی تو نہیں، اختیار بھی تو نہیں ۔ ناصر کاظمی
اس کائنات میں اے جگر کوئی انقلاب اٹھے گا پھر ٭ کہ بلند ہو کے آدمی ابھی خواشوں کا غلام ہے۔جگر مراد آبادی
پیاس دیکھوں یا کروں فکر کہ گھر کچا ہے ٭ سوچ میں ہوں کہ مرا رشتہ ہے برسات سے کیا۔محسن نقوی
کرتے ہو تمنّا، کہ وہ گُل رُو نظر آئے ٭ آنکھیں بھی تو وہ لاؤ، کہ خوشبو نظرآئے۔ ہوش ترمذی
الجھے ہوئے ہیں پلکوں میں شبنم کے کچھ قطرے ٭ بچھڑا تھا کوئی رات خوابوں کے سفر میں ۔
ہم مصلحت وقت کے قائل نہیں یارو ٭ الزام جو دینا ہو، سر عام دیا جائے۔محسن بھوپالی
تمہیں خبر ہو کہ نہ ہو شاید تمہاری آنکھوں میں وہ اثر ہے٭ جو تیغ و خنجر نہ کر سکے ہیں وہ کام تیری نگاہ کر دے۔مرزا عادل نذیر
-
لوڈ ہو رہا ہے…
-
لوڈ ہو رہا ہے…
-
لوڈ ہو رہا ہے…