نتائج تلاش

اُن کو اندازہ نہیں میری محبّت کا خلؔش ! میں گیا ہاتھ سے اُن کے تو پشیماں ہونگے شفیق خلؔش

کرکے زخمی مجھے نادم ہوں، یہ مُمکِن ہی نہیں ! گر، وہ ہونگے بھی تو، بے وقت پشیماں ہوں گے مومن خاں مومؔن

بیٹھے تِرے خیال میں، تصوِیر بن گئے ! خوابوں میں قید رہنے کی تعبیر بن گئے شفیق خلؔش

تابِ نظّارہ نہیں آئینہ کیا دیکھنے دُوں اور بن جائیں گے تصوِیر، جو حیراں ہوں گے حکیم مومن خاں مومؔن

پُھولوں نے بڑھ کے پاؤں میں زنجیر ڈال دی وارفتگی میں مائلِ گُلزار کیا ہُوئے ظہیر کاشمیری

ہم نے تمھارے ساتھ گُزارے تھے جو کبھی لمحے وہی تو پاؤں کی زنجیر بن گئے شفیق خلؔش

ہم نے بھی کی تھیں کوششیں، ہم نہ تمھیں بُھلاسکے کوئی کمی ہَمِیں میں تھی، یاد تمھیں نہ آسکے آنند نرائن مُلّاؔ

ہم میں ہی تھی نہ کوئی بات، یاد نہ تُم کو آ سکے تُم نے ہمیں بُھلا دیا، ہم نہ تمہیں بُھلا سکے حفیظؔ جالندھری

کیا بتادُوں مجاؔز کی دُنیا کُچھ حقِیقت نُما بھی ہوتی ہے مجاؔز لکھنوی

خود فریبی بے اثر ہے کیا کہیں دِل سے خلؔش جب نہیں اُن سے محبّت تو گِلہ کیسے ہُوا شفیق خلؔش

تم تو کہتے تھے کہ ہیں یک جان دو قالب سے ہم! یُوں بنے پر بھی جُدا پھر راستہ کیسے ہُوا شفیق خلؔش

ہوگئیں راہیں جُدا یہ حادثہ کیسے ہُوا اِنتہا تک آئے کیسے، سِلسِلہ کیسے ہُوا ہم کہ ، اِک دوجے بِنا جب سانس تک لیتے نہ تھے ! زندگی کرنے کا ایسی حوصلہ کیسے ہُوا شفیق خلؔش

ہاتھ مَلتے ہی رہیں گے گُل چِیں آج، وہ پُھول کِھلا ہے دِل میں ناصؔر کاظمی

کوئی دیکھے، تو دِکھاؤں ناصؔر ! وُسعتِ‌ ارض و سما ہے دِل میں ناصؔر کاظمی

ہم تم پہ مر مِٹے، تو یہ کِس کا قصُور ہے آئینہ لے کے ہاتھ میں خود فیصلہ کرو شاہؔد کبیر

پیالہ خالی اُٹھا کر لگا لِیا مُنہ سے کہ یاؔس! کُچھ تو نِکل جائے حوصلہ دل کا یاس، یگانہ، چنگیزی

کسی کے ہو رہو اچھّی نہیں یہ آزادی کسی کی زُلف سے لازم ہے سِلسِلہ دل کا یاس، یگانہ، چنگیزی

قیامت آئی کُھلا رازِ عشق کا دفتر بڑا غضب ہُوا، پُھوٹا ہے آبلہ دل کا یاس، یگانہ، چنگیزی

خُدا بچائے، کہ نازک ہے اِن میں ایک سے ایک تنک مزاجوں سے ٹھہرا مُعاملہ دِل کا یاس، یگانہ، چنگیزی

رِندی و زُہدِ رِیائی میں ہیں دونوں یکتا مِثل میرا ہے، نہ تیرا کوئی ثانی واعظ رِند ہُوں، دے مجھے جامِ مَئے اطہر کی خبر ! تجھ کو ، کوثر کا مُبارک رہے پانی واعظ امِیراللہ تسلیؔم لکھنوی