آج کا شعر۔۔۔۔(2)

[یونس رضا]

اب اس مقام پہ ہے یہ جنوں کہ ہوش جنوں
بجا نہیں ہے تو کیا ہے بجا اگر ہے تو کیا
جو زندگی نہیں اپنی تو زندگی کا حق
ادا نہیں ہے تو کیا ادا اگر ہے تو کیا ​

 

[محمد وارث]

خدا نے عقل کی نعمت عطا کی مہرباں ہو کر
ادائے شکر کر دیوانۂ حُسنِ بُتاں ہو کر

(اکبر الٰہ آبادی)

 

[زینب]

کیا ہوا جو مجھ میں جراتِ اظہار نہیں

آپ نظروں کی زباں‌بھی تو سمجھتے ہوں گے

 

[یونس رضا]

سمت کی خبر ہے نہ ستارے کا پتا
چلتے رہنے کو ہی یہ لوگ سفر جانتے ہیں​

 

[فیصل عظیم فیصل]

نظروں کی زباں اور جرات ااظہار کا زینب
کیاخوب بنایا ہے مگر کس کو سمجھ ہے۔۔؟

 

[زینب]

نظروں کی زباں اور جرات ااظہار کا زینب
کیاخوب بنایا ہے مگر کس کو سمجھ ہے۔۔؟

آپ کو سمجھ ہے پا جی تو اپ بتا دیں۔۔۔۔۔۔۔۔۔۔

 

[زینب]

بھٹک بھٹک کے اسے ڈھونڈتے پھرو محسن

وہ درمیاں یقین وقیاس رہتا ہے۔۔۔!!

 

[فیصل عظیم فیصل]

آپ کو سمجھ ہے پا جی تو اپ بتا دیں۔۔۔۔۔۔۔۔۔۔

اس محفل میں زینب کے سوا ہم کو جو کہے "پاجی" پاجی
مطلب ہے کہ ہم 'پا' ہوتے ہیں جی کون کہے ہم کو پاجی۔!




پا جی ۔ پنجابی میں بھائی کو کہا جاتا ہے
پاجی ۔اردو میں ڈرامے باز کو کہا جاتا ہے

ّ

 

[زینب]

لگتا ہے اج اپ نے کوئی غلط دوائی کھالی ہے کسی سستے ڈاکٹر سے لے کے،،،،،،،،،

ویسے بای سب کو میں پنجابی والا "پاجی"کہتی ہوں اپ کے لیے اردو والا ٹھیک رہے گا

 

[فیصل عظیم فیصل]

یہ جو نائی تھا کہیں ڈاکٹر بھی کہتے تھے اسے
آؤ تم کو ایک قصہ غم سنائے" مہر دیں "
جس جگہ اس کا کلینک تھا وہیں کرتا تھا شیو
اور اس ہی جا پہ دیگیں بھی پکائے مہر دیں
مہر دیں کے پاس شادی کے نیوتے بھی ملیں
اور بچوں کے وہیں ختنے کرائے مہر دیں
ایک دن کوئی مریض جاں بلب آیا وہاں
اپنے سارے ٹوٹکے اب آزمائے مہر دیں
اس مریض جاں بلب کی تھی بکنگ سو چل دیا
اور اس کے وارثوں سے مار کھائے مہر دیں
اس طرح کے ڈاکٹر کو لوگ کیسے مان لیں
اس عوام بے عقل کو کیا بتائے "مہر دیں"

 

[جیا راؤ]

کبھی نہ ٹوٹنے والا حصآر بن جاؤں
وہ میری ذات میں رہنے کا فیصلہ تو کرے

 

[یونس رضا]

تری نگاہ سے تاخیر وہ ہوئی ہے کہ بس
دل تباہ نے عجلت ہی چھین لی مجھ سے ​

 

[زینب]

اپنی آنکھوں کے سمندر میں اتر جانے دے

تیرا مجرم ہوں مجھے ڈوب کے مر جانے دے

 

[mfdarvesh]

جو ڈوبنا ہے تو ایسے ڈوبو
کہ آس پاس کی موجوں کو بھی پتہ نہ چلے

 

[عمار ابن ضیا]

میری غربت نے اڑایا ہے مِرے فن کا مذاق
تیری دولت نے تیرے عیب چھپا رکھے ہیں​

ساغر صدیقی​

 

[محمد وارث]

عارفاں پر ہمیشہ روشن ہے
کہ فنِ عاشقی عجب فن ہے

مجکوں روشن دلاں نے دی ہے خبر
کہ سخن کا چراغ روشن ہے

(ولی دکنی)

 

[محمداحمد]

اب فقط عادتوں کی ورزش ہے
روح شامل نہیں شکایت میں

جون ایلیا​

 

[زینب]

صورتیں غم شناس ہوتی ہیں

سیرتیں بے قیاس ہوتی ہیں

جن کے ہونٹون پے ہو مسکراہٹ

ان کی آنکھیں اداس ہوتی ہیں

 

[mfdarvesh]

دروبام سب نے سجا لیے سبھی روشنی میں نہا لیے
میری انگلیاں بھی جھلس گئیں مگر اک چراغ جلا نہیں
اعتبار ساجد

 

[mfdarvesh]

جو یقیں نہ تو ذرا پوچھ کے دیکھو اس سے
وہ جو ہنس رہا ہے وہ زخموں سے چور نکلے گا