آج کا شعر۔۔۔۔(2)

[محمد وارث]

ٹُوٹے کو اور توڑنا، پھوٹے کو پھوڑنا
قدرت کے کاروبار بھی ہیں کچھ عجیب سے

ناظر زمینِ شعر کا کیجے نہ بندوبست
کھیتوں کو جا کے ناپیئے، حضرت جریب سے

(خوشی محمد ناظر، نغمۂ فردوس)

 

[محبوب خان]

اس عدوئے جاں کو امجد میں برا کیسے کہوں
جب بھی آیا سامنے وہ بے وفا اچھا لگا

امجد اسلام امجد کے شعری مجموعہ "ذرا پھر سے کہنا"

 

[محمداحمد]

کاش ایسا ہو کہ اب کے بے وفائی میں کروں
تو پھرے قریہ بہ قریہ، کُو بہ کُو میرے لئے

​

 

[راجہ صاحب]

نغمہ نشاطِ روح کا گایا ہے بارہا
گیتوں میں‌آنسوؤں کو چھپایا ہے بارہا

 

[محمداحمد]

وہ رُلا کر ہنس نہ پایا دیر تک
جب میں رو کر مسکرایا دیر تک

​

 

[محمد وارث]

سخن میں خامۂ غالب کی آتش افشانی
یقیں ہے ہم کو بھی، لیکن اب اُس میں دم کیا ہے

 

[مغزل]

ہاں مت کھائیو ! فریبِ ہستی
ہرچند کہیں کہ ہے ، نہیں ہے
غالب

 

[محمداحمد]

نہ ابتدا کی خبر ہے نہ انتہا معلوم
رہا یہ وہم کہ ہم ہیں سو وہ بھی کیا معلوم
​

 

[مغزل]

چٹاں پر گھونسلہ بنتا نہیں ہے
مگر چڑیا بنا نا چاہتی ہے
نجم الحسن نجمی

 

[محبوب خان]

ہے سیف بس اتنا ہی تو افسانہ ہستی
آئے تھے پریشان، پریشان گئے ہم

سیف الدین سیف

 

[محمد وارث]

برقِ زمانہ دُور تھی لیکن مشعلِ خانہ دُور نہ تھی
ہم تو ظہیر اپنے ہی گھر کی آگ میں جل کر خاک ہوئے

(ظہیر کاشمیری)

 

[محمداحمد]

سیف اندازِ بیاں بات بدل دیتا ہے
ورنہ دنیا میں کوئی بات نئی بات نہیں

 

[ہما]

اے کہ تو نقادِ علم و فن میری بات سُن !
علم و فن گہرا سمندر ہے بُہت جھک کر نہ دیکھ

 

[محمداحمد]

اُس سے اُس کی کریں شکایت کیا
شیشہء دل میں بال بھی تو ہو

 

[مغزل]

[font="urdu_umad_nastaliq"]

ک۔۔۔۔س نیند میں کھوئی ہے تو اے چ۔۔۔۔۔ش۔۔۔مِ نیم باز
مژگاں تو کھول ، ش۔۔۔۔ہر کو س۔۔۔یلاب لے گیا
میر تقی میر​

[/font]

 

[مغزل]

نہ ابتدا کی خبر ہے نہ انتہا معلوم
رہا یہ وہم کہ ہم ہیں سو وہ بھی کیا معلوم
​

احمد بھیا۔۔میں نے یوں سنا اور پڑھا ہے (اصل شعر)

سنی حکایتِ ہستی تو درمیاں سے سنی
نہ ابتدا کی خبر ہے ، نہ انتہا معلوم ۔۔۔

کیا کہتے ہیں آپ ؟؟

ویسے سرور صاحب نے اسے یوں بھی باندھا ہے۔۔

نگاہ خود پہ جو ڈالی تو یہ ہوا معلوم
“نہ ابتدا کی خبر ہے نہ انتہا معلوم!“

سوائے اس کے نہیں کچھ بھی با خدا معلوم
ہمیں تو اپنا بھی یارو! نہیں پتا معلوم!

مآل شکوہ غم، حاصل وفامعلوم!
غریب شہر وفاکا علاج؟ لا معلوم!

خزاں گزیدہ بہاروں نے کیا کہا تجھ سے؟
مآلِ گل نہیں کیا تجھ کو اے صبا معلوم؟

اک عمر کٹ گئی امید و نامرادی میں
اب انتظار ہے کل کا سو وہ بھی کیا معلوم!

بس اتنا جانتے ہیں دل کسی کو دے آئے
بھلے برے کی خبر ہم کو کیا بھلا معلوم؟

نہیں ہے کچھ بھی تلاش سکون سے حاصل
مقام عشق کی ہم کو ہے ہر ادا معلوم

بھلے ہی تم کو نہ ہو اپنے عاشقوں کی خبر
ہمیں ہے حال تمہارا ذرا ذرا معلوم!

پڑا ہے سوچ میں “سرور“ مقام عبرت میں
یہ کیاغضب ہے کہ معلوم بھی ہے نا معلوم

 

[محمداحمد]

سرور صاحب کی غزل دیکھ کر معلوم ہوتا ہے کہ یہ طرح کا مصرع ہے۔ لیکن مجھے فی الوقت یاد نہیں آرہا کہ یہ شعر کس کا ہے اور میں نے کہاں پڑھا ہے اگر دوبارہ پڑھنے کو مل گیا تو ضرور بتائوں گا۔ غالباً اس زمین میں صابر ظفر کا بھی ایک شعر میں‌ نے دیکھا ہے جو کچھ یوں‌ ہے۔

تکون سی ہے خدا، کائنات اور بشر
مگر مجھے تو ہو وحشت میں دائرہ معلوم

 

[محمد وارث]

ہاتھ دھو دل سے یہی گرمی گر اندیشے میں ہے
آبگینہ، تندیٔ صہبا سے پگھلا جائے ہے

(غالب)

 

[محمداحمد]

میں نے مجنوں پہ لڑکپن میں اسد
سنگ اُٹھایا تھا کہ سر یاد آیا

 

[مغزل]

آنکھ کے واسطے آرام نکل آیا ہے
آخری اشک سرِ شام نکل آیا ہے
میں نے فرہاد کے مرنے پہ تاسف برتا
قرعہ ِ عشق مرے نام نکل آیا ہے
توقیرتقی