آج کا شعر - 3

[فرخ منظور]

جفائیں دیکھ لیاں بے وفائیاں دیکھیں
بھلا ہوا کہ تری سب برائیاں دیکھیں

(میر تقی میر)

 

[فرخ منظور]

ہم بندگئ بت سے ہوتے نہ کبھی کافر
ہر جائے گر اے مومن موجود خدا ہوتا

(مومن)

 

[محمد وارث]

کوئی دن گر زندگانی اور ہے
اپنے جی میں ہم نے ٹھانی اور ہے

(غالب)

 

[مغزل]

محفوظ رکھنا ترکِ تعلق کا تجربہ
آئندہ عشق میں بھی یہی کام آئے گا۔

نیّر ندیم
(جنگ کے کالم نگار)

 

[فرخ منظور]

گئے دونوں جہان کے کام سے ہم
نہ اِدھر کے ہوئے نہ اُدھر کے ہوئے
نہ خدا ہی ملا نہ وصالِ صنم
نہ اِدھر کے ہوئے نہ اُدھر کے ہوئے

(رجب علی بیگ سُرور)

 

[مغزل]

مریخ وماہتاب نہیں چاہیے مجھے
تم آسماں طلب ہو زمیں چاہیے مجھے

نصیر اللہ خاں (نصیر کوٹی)

 

[راجہ صاحب]

ش۔۔۔ی۔۔رازہ ح۔۔یات پ۔۔ری۔ش۔ان ہ۔۔و گیا
یہ م۔۔رحلہ بھی خ۔۔ی۔۔ر سے آسان ہو گیا
میرے سکون دل کو تو ہونا ہی تھا تباہ
ان کی بھی اک نگاہ کا ن۔ق۔ص۔ان ہو گیا

 

[محمد وارث]

تیری وفا سے کیا ہو تلافی کہ دھر میں
تیرے سوا بھی ہم پہ بہت سے ستم ہوئے

(غالب)

 

[مغزل]

ایک ہی لفظ تھا کن ، جس کی وضاحت کیلیے
اہتمام اس نے کیا انجمن آرائی کا
سیف الرحمٰن سیفی

 

[محمداحمد]

سیف انداز بیاں بات بدل دیتا ہے
ورنہ دنیا میں‌کوئی بات نئی بات نہیں

 

[فرخ منظور]

سیف انداز بیاں بات بدل دیتا ہے
ورنہ دنیا میں‌کوئی بات نئی بات نہیں

سیف اندازِ بیاں رنگ بدل دیتا ہے
ورنہ دنیا میں کوئی بات نئی بات نہیں

(سیف الدین سیف)

 

[محمد وارث]

گنجائشِ عداوتِ اغیار اک طرف
یاں دل میں ضعف سے، ہوسِ یار بھی نہیں

(غالب)

 

[نوید صادق]

تو آپ سے آپ آ گیا تھا
میں کب تجھے ڈھونڈنے چلا تھا

اب رات تھی اور گلی میں رکنا
اس وقت عجیب سا لگا تھا

(احمد مشتاق)

 

[محمد وارث]

موت کے آتے ہی ہم کو خود بخود نیند آ گئی
کیا اسی کے واسطے کرتے تھے شب بیداریاں

(آتش)

 

[فرخ منظور]

موت کا ایک دن معیّن ہے
نیند کیوں رات بھر نہیں‌ آتی

(غالب)

 

[الف نظامی]

ہے غیب غیب جس كو سمجھتے ہیں ہم شہود
ہیں خواب میں ہنوز جو جاگے ہیں خواب میں

(غالب)

 

[نوید صادق]

سجا کے عکس نئےکانچ کی فصیلوں پر
ہم آئنوں کی نمائش میں معتبر ٹھہرے

شاعر: زاہد مسعود

 

[خرد اعوان]

حیراں ہوں سارے شہر کا کردار دیکھ کر
سب جھک گئے ہیں شاہ کا دربار دیکھ کر
رنگ اڑ گیا ہے رات کے چہرے کا کیوں عدم
سہما ہوا ہوں صبح کے آثار دیکھ کر

 

[عمار ابن ضیا]

تم لاکھ کرو ترکِ محبت کی نصیحت
جو جان سے پیارے ہوں، بھلائے نہیں جاتے​

 

[محمد وارث]

جان کر کیجے تغافل کہ کچھ امّید بھی ہو
یہ نگاہِ غلط انداز تو سَم ہے ھم کو

(غالب)