آج کا شعر - 3

[مغزل]

ہے سخاوت میں بس اتنا مجھے اندازہِ گل
بند ہوتا نہیں کھل کر کبھی دروازہِ گل
استاد قمر جلالوی

 

[محمد وارث]

ہے ان کے ہاتھ مرے دستِ افتخار کی لاج
جنہیں خود اپنی انا کا چمن نہیں پیارا

(جمیل الدین عالی)

 

[محمداحمد]

مرنے کا ترے غم میں‌ارادہ بھی نہیں‌ہے
ہے عشق مگر اتنا زیادہ بھی نہیں ہے

امجد اسلام امجد

 

[نوید صادق]

شائد کوئی بندہ خدا آئے
صحرا میں اذان دے رہا ہوں

شاعر: سلیم احمد

 

[محمداحمد]

اپنے بے خواب کواڑوں کو مقفل کر لو
اب یہاں، کوئی نہیں، کوئی نہیں آئے گا

 

[نوید صادق]

اس سفر میں کچھ نشاں ایسے بھی ہوں جو یہ بتائیں
دھوپ ہی دھوپ اُس طرف ہے یا کہیں سایہ بھی ہے

شاعر: محشر بدایونی

 

[محمداحمد]

یہ دھوپ ہر اک رخ سے پریشان کرے گی
کیوں ڈھونڈ رہے ہو کسی دیوار کا سایہ

 

[فرحت کیانی]

گم ہوا جاتا ہے کوئی منزلوں کی گرد میں
زندگی بھر کی مسافت رائیگاں ہونے کو ہے

عطا الحق قاسمی

 

[مغزل]

تمھاری زلف کے تھے پیچ اتنے
کہ اک مصرع الجھ کر رہ گیا ہے
م۔م۔مغل
آج کا شعر یہی ہے ۔ (حالانکہ تعلی ہے )

 

[فرخ منظور]

در پہ رہنے کو کہا اور کہہ کے کیسا پھر گیا
جتنے عرصے میں مرا لپٹا ہوا بستر کھلا

(غالب، تھا جو نجات کا طالب)

 

[پیاسا صحرا]

اور تو کوئی بس نا چلے گا ہجر کے درد کے ماروں کا
صبح کا ھونا دوبھر کر دیں رستہ روک ستاروں کا
جھوٹے سکوں میں بھی اٹھا دیتے ھیں یہ اکثر سچا مال
شکلیں دیکھ کے سودا کرنا کام ھے ان بنجاروں کا
ابن انشاء

 

[نایاب]

السلام علیکم

جگنو، ستارہ، آنکھ، صبا، تتلیاں، چراغ
سب اپنے اپنے غم کے کسی سلسلے میں تھے
امجد اسلام امجد

 

[فرخ منظور]

توبہ توبہ شراب دے ساقی
اب میں توبہ سے کرچکا توبہ
(نظام رامپوری)

 

[محمد وارث]

مے سے غَرَض نشاط ہے کس روسیاہ کو
اک گونہ بیخودی مجھے دن رات چاہیئے

(غالب)

 

[مغزل]

ڈھانپا کفن نے داغِ عیوبِ‌برہنگی
ورنہ میں ہرلباس میں ننگِ وجود تھا

میرزا اسداللہ خاں غالب

 

[فرخ منظور]

انداز اپنا دیکھتے ہیں آئینے میں وہ
اور یہ بھی دیکھتے ہیں کوئی دیکھتا نہ ہو

(نظام رامپوری)

 

[مغزل]

فکرِ معاش ، شہر بدر کرگئی ہمیں
پھر ہم تھے اور قلم کی مشقّت کے رات دن

فراز

 

[نوید صادق]

ہم ایسے بھی گئے گزرے نہیں ہیں
ہمارے ساتھ یہ کیا ہو رہا ہے!

شاعر: نجیب احمد

 

[مغزل]

دوش ہم سادہ دلوں کا بھی کہاں ہے صاحب
کفر ہم صورتِ اسلام نکل آیا ہے ۔
توقیر تقی
(سکنہ: بورے والا)

 

[محمد وارث]

مجھ کو دشمن کے ارادوں پہ بھی پیار آتا ہے
تیری الفت نے محبت مری عادت کر دی

(احمد ندیم قاسمی)