آج کا شعر - 3

[ف۔قدوسی]

لاکھوں سلام ایسے پیغمبر کی شان پر
جن کے لئے ہے درود حق کی زبان پر
جنت کی کنجیاں میرے ہاتھ ہے اے عزیز
یعنی درود پاک ہے میری زبان پر
(والسلام)

 

[ف۔قدوسی]

اے خاصئہ خاصان رسل وقت دعا ہے
امت پہ تیری آکے عجب وقت پڑا ہے
جو دین بڑی شان سے نکلا تھا وطن سے
پردیس میں وہ آج غریب الغرباء ہے
والسلام

 

[پیاسا صحرا]

جان حاضر ہے ایک جھلک کے بدلے
سستا سودا ہے پرستار کا سودا کر لو
انجم حبیبی

 

[نوید صادق]

سہولت آئے گی دشوار سے گزرتے ہوئے
میں در بناؤں گا دیوار سے گزرتے ہوئے

شاعر: ظفر اقبال

 

[مغزل]

لحنِ داؤد پہ قربان مرے صوت و سخن
ہرطرف نغمہ سرا ہے مرے مضمار میں تو
لیاقت علی عاصم (حمد)

 

[طالوت]

اعلانِ مرگ ہوا تو اس نے بھی کہا محسن
اچھا ہوا مر گیا ، اکثر اداس رہتا تھا

وسلام

 

[مغزل]

اب تو ملال بھی نہیں یعنی خیال بھی نہیں
کون کہاں بچھڑ گیا تیز ہوا کے شور میں

عزم بہزاد ( معروف شاعر بہزاد لکھنوی کے پوتے)
(شعری مجموعہ : تعبیر سے پہلے خواب)

 

[ف۔قدوسی]

اک شجر محبت کا ایسا لگایا جائے
جس کا ہمسائے کے آنگن میں بھی سائہ جائے
(والسلام)

 

[ف۔قدوسی]

ہم اپنی زندگی کے جنگ میں ہارے ضرور ہیں
لیکن کسی محاذ پر پسپا نہیں ہوئے
والسلام

 

[ف۔قدوسی]

کہہ رہاہے موج دریا سے سمندر کا سکوت
جسکا جتنا ظرف ہے اتنا ہی وہ خاموش ہے
(والسلام)

 

[ف۔قدوسی]

یہ سورج بھی بسا اوقات کار آمد نہیں ہوتا
اندھیروں سے نکلنے کیلئے بینائ کافی ہے
(والسلام)

 

[فرخ منظور]

اچھی نہیں یہ آپ کی محشر خرامیاں
دُنیا کو اِس طرح تہ و بالا نہ کیجیے

-- ریاض خیر آبادی

 

[ف۔قدوسی]

یہ ایک سجدہ جسے تو گراں سمجھتا ہے
ہزاروں سجدوں سے دیتا ہے آدمی کو نجات
(علامہ اقبال رح)

 

[طالوت]

وہ تو کچھ ہو ہی گئی تم سے محبت ورنہ
ہم وہ خود سر ہیں کہ اپنی بھی تمنا کریں
وسلام

 

[نوید صادق]

پریوں کی تلاش میں گیا تھا
لوٹا نہیں آدمی ہمارا

شاعر: احمد مشتاق

 

[مغزل]

آج کل میں بہت اداس ہوں دوست
خیر یہ مسئلہ تمھارا نہیں

لوگ مجنوں سمجھنے لگتے ہیں
یعنی یہ دشت بھی ہمارا نہیں

قیصر منورکراچی)

 

[محمد وارث]

دیکھے ہیں بہت ہم نے، ہنگامے محبّت کے
آغاز بھی رسوائی، انجام بھی رسوائی

(صوفی تبسم)

 

[فرخ منظور]

میں کہ بے وقعت و بے مایہ ہوں
تیری محفل میں چلا آیا ہوں

۔۔ احمد ندیم قاسمی

 

[مغزل]

میں گل کو دیکھ کر تخلیقِ گل کی سوچتا ہوں
گلوں کو دیکھتے رہنا توکوئی بات نہیں
احمد ندیم قاسمی

 

[نوید صادق]

ابھی ابھی کوئی آیا ہے درمیاں میں ظفر
میں اپنے آپ سے دوچار ہونے والا تھا

شاعر: ظفر اقبال