آج کا شعر - 4

[راجہ صاحب]

ورنہ دریا ترے گھر تک آتا
آنسوؤں سے کبھی رویا نہیں میں

جاذب قریشی

 

[ناعمہ عزیز]

اب میں مر بھی جا ؤ ں تو اسے خبر نہ دینا ساقی
اگر وہ رو پڑاتو یہ دل پھر سے دھڑک اٹھے گا۔

 

[راجہ صاحب]

بہت سے خواب دیکھے ہیں کبھی شعروں میں ڈھالیں گے
کوئی چہرہ تراشیں گے، کوئی مُورت نکالیں گے

ابھی تو پاؤں کے نیچے زمیں محسُوس ہوتی ہے
جہاں یہ ختم ہوگی وہیں ہم گھر بنا لیں گے

 

[کاشفی]

فصیلِ شہر سے دیکھو تو رونقیں کیا کیا
مکینِ شہر سے پوچھو تو آنکھ بھر آئے
کرید تے رہے شب بھر دکھوں کی چنگاری
فسادِ شہر سے بچ کر جو لوگ گھر آئے
(قاضی ظہیر)​

 

[راجہ صاحب]

کون ایسا غنی ہے جس سے کوئی
نقدِ شمس و قمر کی بات کرے
جس کو شوقِ نبر د ہو ہم سے
جائے تسخیرِ کائنات کرے


فیض

 

[کاشفی]

بہت سی کُرسیاں اس ملک میں لاشوں پہ رکھی ہیں
یہ وہ سچ ہے جسے جھوٹے سے جھوٹا بول سکتا ہے

سیاست کی کسوٹی پر پرکھیئے مت وفاداری
کسی دن انتقامََ میرا غصہ بول سکتا ہے​

(منور رانا - ہندوستان)​

 

[فرحان دانش]

بہت پہلے اک نعرہ تھا
روٹی کپڑا اور مکان
اب تو ہم یہ مانگتے ہیں
بجلی چینی امن امان

 

[ساقی۔]

ہر کوئی ہے دل کی ہتھیلی پہ سحرا رکھے
کسے وہ سیراب کرے،کس کو پیاسا رکھے؟
مجھے اچھا نہیں لگتا کوئی ہم نام تیرا
کوئی تجھ سا ہو تو پھر تجھ سا نام بھی رکھے

 

[راجہ صاحب]

یہ راہِ کوچہ ِ جاناں نہیں سخن راہی
یہ وہ ڈگر ہے جہاں پر قدم الجھتے ہیں


سید انور جاوید ہاشمی

 

[مغزل]

سینے میں تیری یاد نے آئینے بھر دیے
مشکل ہوا ہے سانس کا پتھر اتار نا !!
اسلم کولسری

 

[مغزل]

ترسے ہیں‌ایک بوسۂ پا کو تمام عمر
سنسان راستوں پہ اگی گھاس کی طرح
خورشید رضوی

 

[کاشفی]

ہے جیتے جی تو مجھے کوئے یار میں رونا
رہے گا مرگ کے "بعد از" مزار میں رونا
(سوز)​

---
دکن میں بعض لوگ "بعد میں" کی جگہ "بعد از" بولتے ہیں، سوز کے مندرجہ بالا شعر میں یہی لفظ لکھا ہوا ہے۔

 

[مغزل]

روز سائے کہیں کو جاتے ہیں
ایک دن ہم بھی ساتھ ہولیں گے
رئیس فروغ

 

[مغزل]

عشق وہ شعلۂ سفاک ہے جس نے مجھ پر
آگ جاری رکھی اور خاک بھی ہونے نہ دیا
سید کاشف رضا

 

[کاشفی]

اثر کیجئے کیا، کدھر جائیے
مگر آپ ہی سے گذر جایئے

کبھو دوستی اور کبھو دشمنی
تری کون سی بات پر جایئے
(اثر تخلص، میر محمد نام، شاہ جہاں آبادی)​

 

[راجہ صاحب]

آج کچھ بے سبب اداس ہے جی
عشق ہوتا تو کوئی بات بھی تھی


(ناصر کاظمی)

 

[کاشفی]

نہ دل کو قرار بے قراری کے سبب
نہ چشم کو خواب اشک باری کے سبب

واقف نہ تھے ہم تو ان بلاؤں سے کبھو
جو کچھ دیکھا سو تیری یاری کے سبب
(الم تخلص، صاحب میر نام، شاہ جہاں آبادی)​

 

[خوشی]

یوں نہ ہر بات پہ خاموش رہا کرتا تھا
کوئی بھی شخص ہو میں ٹوک دیا کرتا تھا

اکبر حمیدی

 

[راجہ صاحب]

وابستہ ميري ذات سے کچھ تلخياں بھي تھيں
اچھا کيا جو مجھ کو فرا موش کر ديا

 

[فرخ منظور]

وابستہ ميري ذات سے کچھ تلخياں بھي تھيں
اچھا کيا جو مجھ کو فرا موش کر ديا

میرے خیال میں صحیح شعر یوں ہے۔

اچھا کیا جو تم نے مجھ کو بھلا دیا
وابستہ میری یاد سے کچھ تلخیاں بھی تھیں