آج کا شعر - 4

[کاشفی]

امتحاں لیتی ہے پہلے پھر سبق دیتی ہے یہ
زندگی بالکل جدا ہے مکتب و استاد سے
(شبنم ناز)

 

[کاشفی]

ترے ہونٹوں سے چاہت کا اگر اظہار ہوجائے
بہت مظبوط اور پختہ ہمارا پیار ہوجائے

نگاہیں دیکھتی ہیں آج بھی تیری ہی راہوں کو
ترستا ہے دلِ ناداں کہیں دیدار ہوجائے
(شبنم ناز)

 

[محمد وارث]

زیست بدنام کر گیا میں بھی
اپنی موت آپ مر گیا میں بھی

(خاکسار)

 

[کاشفی]

کبھی خوفِ خزاں ہے اور کبھی صیاد کا کھٹکا
بناؤں کیا سمجھ کر آشیانہ اس گلستاں میں
(رند)

 

[کاشفی]

چار دن کی دوستی کا ہے زمانے میں رواج
کس توقع پر کسی سے آشنائی کیجئے
(رند)

 

[کاشفی]

ہم آہ بھی کرتے ہیں تو ہو جاتے ہیں بدنام
وہ قتل بھی کرتے ہیں تو چرچا نہیں ہوتا
(اکبر الہ آبادی)

 

[کاشفی]

ملا ہے ہم کو یہ مضمون روشن چشم بینا سے
کہ چھوڑی جس نے خودبینی اسے سب کچھ نظر آیا
(اکبر الہ آبادی)

 

[کاشفی]

حیا سے سر جھکا لینا ، ادا سے مسکرا دینا
حسینوں کو بھی کتنا سہل ہے ، بجلی گرا دینا
(اکبر الہ آبادی)

 

[کاشفی]

یہ کیا کہیں احباب کیا کارنمایاں کر گئے
بی-اے ہوئے، نوکر ہوئے، پنشن ملی پھر مر گئے
(اکبر الہ آبادی)

 

[کاشفی]

بتاؤں آپ سے مرنے کے بعد کیاہوگا
پلاؤ کھائیں گے احباب فاتحہ ہوگا
(اکبر الہ آبادی)

 

[کاشفی]

مِری زبان سے پوچھو مزا محبت کا
یہ خوب جانتی ہے ذائقا محبت کا

نصیب فتح ہو یا ہو مجھے شکست اختر
خدا بچائے ہوا سامنا محبت کا
(شاہ اختر)

 

[کاشفی]

تم شوق سے جابیٹھو اغیار کی صحبت میں
لو ہم تو چلے یاں سے اے یار خدا حافظ

محشر میں یہ بولیں گے سب رند کہ نکلا ہے
چشتی کے گناہوں کا انبار خدا حافظ
(چشتی - دہلی کے رہنے والے شاعر تھے، میرتقی میر کے پاس دہلی سے آئے اور ان کے شاگرد ہوئے اور تازندگی لکھنؤ میں رہے۔ زبان سیکھنے کی لالچ میں استاد کی خدمت کرتے رہے، لکھنؤ میں عہدِ ناسخ میں انتقال کیا۔)

 

[کاشفی]

ہیں حسیں اور بھی پر تجھ میں ہے ہر بات نئی
دھج نئی، وضع نئی، گات نئی، بات نئی
(ناسخ)

 

[کاشفی]

شبہ ناسخ نہیں کچھ میر کی اُستادی میں
آپ بے بہرہ ہے جو معتقد میر نہیں
(ناسخ)

 

[کاشفی]

غالب اپنا یہ عقیدہ ہے بقول ناسخ
آپ بے بہرہ ہے جو معتقد میر نہیں
(غالب)

 

[فرخ منظور]

تیرگی اطراف میں بیحد تھی لیکن اے منیر
سحر غم نے اس میں مثل نور کر رکھا مجھے

(منیر نیازی)

 

[کاشفی]

کل مر گیا تھا جن کو بچانے میں پہلے باپ
اب کے فساد میں وہی بچے نہیں رہے
(نواز دیوبندی)

 

[کاشفی]

چراغوں کے بدلے مکاں جل رہے ہیں
نیا ہے زمانہ نئی روشنی ہے
(خمار بارہ بنکوی)

 

[راجہ صاحب]

سیاہی جیسے گر جاوے دمِ تحریر کاغذ پر
مری قسمت میں یوں تصویر ہے شب ہائے ہجراں‌کی


غالب

 

[فرحان دانش]

ناکامیوں نے اور بھی سرکش بنا دیا
اتنے ہوئے ذلیل کہ خوددار بن گئے