آج کا شعر - 4

[محمداحمد]

ہم بچاتے ہی رہے دیمک سے اپنا گھر مگر
چند کیڑے کرسیوں کے ملک سارا کھا گئے​

 

[جٹ صاحب]

اپنی نا قدری پہ مجھ کو انجان
ہائے کیا کیا نہ ہنر یاد آئے

 

[محمداحمد]

دل کے دریا کو کسی روز اُتر جانا ہے
اتنا بے سمت نہ چل لوٹ کے گھر جانا ہے

 

[جٹ صاحب]

کون کہتا ہے کہ مر جائوں گا
میں تو دریا ہوں سمندر میں اتر جائوں گا

 

[کاشفی]

رشکِ دشمن بہانہ تھا، سچ ہے
میں نے ہی تم سے بے وفائی کی
(مومن)

 

[فرخ منظور]

دوستی کا دعویٰ کیا، عاشقی سے کیا مطلب
میں ترے فقیروں میں، میں ترے غلاموں میں
(شعیب بن عزیز)

 

[محمد شعیب خٹک]

کجاست سنگ دیار یار من کہ دل بنہم
بر آستانہ شاہاں فراز پا نہ نہد

 

[عائشہ عزیز]

میرا طریق امیری نہیں فقیری ہے
خودی نہ بیچ غریبی میں نام پیدا کر۔

علامہ اقبال

 

[محمد شعیب خٹک]

تیری نگاہ سے ایسی شراب پی میں نے
کہ پھر نہ ہوش کا دعوی کیا کبھی میں نے
وہ اور ہونگے جنہیں موت آگئی ہو گی
نگاہ یار سے پائی ہے زندگی میں نے

 

[محمد وارث]

کون کہتا ہے کہ مر جائوں گا
میں تو دریا ہوں سمندر میں اتر جائوں گا

کون کہتا ہے کہ موت آئی تو مر جاؤں گا
میں تو دریا ہوں سمندر میں اتر جاؤں گا

(احمد ندیم قاسمی)

 

[محمداحمد]

کاش ہم تجھ کو منا لیتے نہ جانے دیتے
مدتوں بعد یہ احساسِ خطا یاد آیا

 

[کاشفی]

عروج کا دور آرہا ہے، جو ذرّہ ہے آفتاب ہوگا
رَوش زمانہ کی کہہ رہی ہے کہ اِک بڑا انقلاب ہوگا
(نجم ندوی)

 

[محمد شعیب خٹک]

میں جو بولا، کہا کہ یہ آواز
اُسی خانہ خراب کی سی ہے

میر اُن نیم باز آنکھوں میں
ساری مستی شراب کی سی ہے

 

[محمداحمد]

سرسری تم جہان سے گزرے
ورنہ ہر جا جہانِ دیگر تھا

میر تقی میر

 

[فرخ منظور]

ہاتھ سے کس نے ساغر پٹکا موسم کی بے کیفی پر
اتنا برسا ٹوٹ کے بادل، ڈوب چلا مے خانہ بھی

(آرزو لکھنوی)

 

[محمداحمد]

سمٹ سکا نہ کبھی زندگی کا پھیلاؤ
ختم کبھی بھی غمِ عاشقی نہیں ہوتا
نکل ہی آتی ہے کوئی نہ کوئی گنجائش
کسی کا پیار کبھی آخری نہیں ہوتا

 

[فرخ منظور]

تیری باتیں بتا کہاں رکھتے
بول پڑتیں انہیں جہاں رکھتے

خامشی کا مزہ بہت لیتے
ہم بھی منہہ میں اگر زباں رکھتے

بھرگیا دوریوں میں خالی پن
کوئی وعدہ ہی درمیاں رکھتے

(سعید ابراھیم)

 

[راجہ صاحب]

کروں گا موم اک دن پتھروں‌ کو
اگر تاثیر ہے میری زباں میں

حفیظ جالندھری

 

[محمداحمد]

تیری باتیں بتا کہاں رکھتے
بول پڑتیں انہیں جہاں رکھتے

خامشی کا مزہ بہت لیتے
ہم بھی منہہ میں اگر زباں رکھتے

بھرگیا دوریوں میں خالی پن
کوئی وعدہ ہی درمیاں رکھتے

(سعید ابراھیم)

سبحان اللہ ! کیا کہنے!

 

[محمداحمد]

یہ چاہا تھا کہ پتھر بن کر جی لوں
سو اندر سے پگھلتا جا رہا ہوں