آج کا شعر - 4

[ام نور العين]

اب تو چہروں کے خد و خال بھی پہلے سے نہیں
کس کو معلوم تھا تم اتنے بدل جاؤ گے ؟

 

[کاشفی]

آتش

ہم کیا کہیں کسی سے، کیا ہے طریق اپنا؟
مذہب نہیں ہے کوئی ، ملت نہیں ہے کوئی
(آتش)​

 

[کاشفی]

رُخِ روشن کے آگے شمع رکھ کر وہ یہ کہتے ہیں
اُدھر جاتا ہے دیکھیں یا اِدھر پروانہ آتا ہے
(داغ دہلوی)​

 

[کاشفی]

صوفی، خدا کے گھر میں یہ ہو حق ہے کیا ضرور
سامع اگر ہو دور تو کہیے پکار کے

دوزخ میں مجھ کو جھونک چُکے تھے مرے عمل
قربان شانِ رحمتِ پروردگار کے
(امیر مینائی)​

 

[خوشی]

لوگ زیر خاک بھی تو ڈوب جاتے ھیں عدیم
اک سمندر ہی نہیں ھے ڈوب جانے کے لیے

 

[عندلیب]

سب زندگی کو کہتے ہیں ایک دردِ سر مگر
مرنے کے واسطے کوئی تیار بھی نہیں
​

 

[کاشفی]

میں اُٹھتا ہوں تو کانٹے پاؤں پڑ پڑ کر یہ کہتے ہیں
اجی بیٹھو بھی، کیوں ویران کرتے ہو بیاباں کو
(امیر مینائی)​

 

[محمداحمد]

یارب زمانہ مجھ کو مٹاتا ہے کس لئے
لوحِ جہاں پہ حرفِ مکرّر نہیں ہوں میں

 

[کاشفی]

ہم دِل جلے گئے تو جہنم پُکار اُٹھا،
یارب، سزا ملی یہ مجھے کِس گناہ کی؟
(امیر مینائی)​

 

[محمد وارث]

میں واصفِ بسمل ہوں، میں رونقِ محفل ہوں
اک ٹُوٹا ہوا دل ہوں، میں شہر میں ویرانہ

 

[فرخ منظور]

میں واصفِ بسمل ہوں، میں رونقِ محفل ہوں
اک ٹُوٹا ہوا دل ہوں، میں شہر میں ویرانہ

حضور یہ شعر آپ کا ہے؟

 

[محمد وارث]

قبلہ، واصف علی واصف کا ہے۔ واصف نامی ایک ہی شاعر مشہور ہیں سو میں نے شعر کے نیچے پورا نام لکھنا ضروری نہ سمجھا تھا، آپ کو کوفت ہوئی معذرت خواہ ہوں۔

 

[کاشفی]

قطع ہو جائے اگر سلسلہء مہر و وفا
پھر گرفتار نہیں ہے کوئی ، آزاد ہیں سب
(آتش)​

 

[محمد وارث]

شامِ غم کی سحر نہیں ہوتی
یا ہِمیں کو خبر نہیں ہوتی

(ابنِ انشاء)

 

[کاشفی]

آرزو ہے یہی آتش کی “خدا“ اے زاہد
تجھ کو غم نوش کرے ، مجھ کو قدح نوش کرے
(آتش)

 

[کاشفی]

کہتے ہیں اُسے زباں اُردو
جس میں نہ ہو رنگ فارسی کا
(داغ)

 

[کاشفی]

زباں پر اُن کی جو بھولے سے نامِ حور آیا
اُٹھا کے آئینہ دیکھا، وہیں غرور آیا
(داغ)

 

[خوشی]

قدم قدم پہ کڑی آزمائشیں ھیں یہاں
بچا بچا کے زمانے سے آبرو رکھنا




طفیل عامر

 

[ام نور العين]

ہم آپ اپنے تماشائی ہیں غنیمت ہے
کبھی تو ہوتے ہیں اس سے بھی کم تماشائی

واجد امیر​

 

[خوشی]

رکھ رکھاؤ کہں محبت میں
دوستی میں تکلفات کہاں


احمد سبحانی آکاش