آج کا شعر - 4

[راجہ صاحب]

دل نہیں، تجھ کو دکھاتا ورنہ، داغوں کی بہار
اِس چراغاں کا کروں کیا، کارفرما جل گیا


( غالب )

 

[محمداحمد]

ملنا تو خیر اُس کو مقدر ہی میں نہ تھا
دیکھے ہوئے بھی اُس کو زمانے گزر گئے

 

[کاشفی]

ہم کو لاکھوں بُرے بھلوں میں ملے
اور ہزاروں بھلے بُروں میں ملے
جاہلوں میں نہیں ملے اتنے
جتنے جاہل پڑھے لکھوں میں ملے
(منور آغا)

 

[کاشفی]

ہم توجانے کب سے ہیں آوارہء ظلمت مگر
تم ٹھہر جاؤ تو پل بھر میں گزر جائے گی رات
ہے اُفق سے ایک سنگِ آفتاب آنے کی دیر
ٹوٹ کر مانندِ آئینہ بکھر جائے گی رات
(سُرور بارہ بنکوی)

 

[کاشفی]

سناٹے اُڑا دیتے ہیں آواز کے پُرزے
یاروں کو اگر دشتِ مصیبت میں پُکاروں
(احمد ندیم قاسمی)

 

[کاشفی]

حیرت ہے بےحس دنیا کو میری بے چینی پر کیوں
اب یہ کون بتائے سانسیں بن جاتی ہیں نشتر کیوں

فرض بُلاتا ہو تو کیسی راحت اور کس کا آرام
میدانوں کی راہ میں حائل ہوجاتے ہیں بستر کیوں

وہ تو میرا ماضی تھا اور یہ ہے میرا حال حفیظ
ایسے دلکش پس منظر کا ایسا بھیانک منظر کیوں
(حفیظ میرٹھی)

 

[کاشفی]

دور ہے منزلِ عرفان خودی اور یہاں
بیخودی کا ہے یہ عالم کے خدا یاد نہیں
(جگر مُراد آبادی)

 

[کاشفی]

ویراں ہے مے کدہ خم و ساغر اُداس ہیں
تم کیا گئے کہ روٹھ گئے دن بہار کے
(فیض احمد فیض)

 

[کاشفی]

بارہا لُٹے ہیں ہم زندگی کی راہوں میں
پھر بھی کاروانِ شوق ہے رواں دواں اپنا
(کرم حیدری)

 

[محمداحمد]

بارہا لُٹے ہیں ہم زندگی کی راہوں میں
پھر بھی کاروانِ شوق ہے رواں دواں اپنا
(کرم حیدری)

کاشفی بھائی! بارہا آپ کی خوش ذوقی پر رشک آتاہے۔ ماشااللہ بہت خوبصورت انتخاب پیش کرتے ہیں آپ؟

اللہ آپ کو شاد آباد رکھے (آمین)

 

[محمداحمد]

جو رکے تو کوہِ گراں تھے ہم، جو چلے تو جاں سے گزر گئے
رہِ یار ہم نے قدم قدم، تجھے یادگار بنا دیا

فیض

 

[کاشفی]

نہ جانے سیکھا ہے کس سامری سے یاروں نے
عمل کو چھوڑ کے لفظوں کو معتبر کرنا
(کرم حیدری)

 

[راجہ صاحب]

گئے دنوں کی لاش پر پڑے رہو گئے کب تلک
الم کشو، اٹھو کہ آفتاب سر پر آ گیا

ناصر کاظمی

 

[جیلانی]

[FONT=&quot]حلقہ کفر میں تبلیغ نہیں کی جاتی [/FONT]
[FONT=&quot]اہلِ ایماں کو مسلمان کیا جاتا ہے[/FONT]

[FONT=&quot]شاعر مظفر وارثی[/FONT]

 

[احسان منیب]

واھ واھ کیا بات ہے

 

[احسان منیب]

بہت اچھا جیلانی صاحب بہت اچھا

 

[کاشفی]

نیند آتی نظر آتی تاحشر نہیں ہم کو
دیکھا ہے پریشان سا کچھ رات کو خواب ایسا

پوچھا تھا محبت میں ہوتا ہے قلق کیسا
قسمت نے کہا دیکھ اے خانہ خراب ایسا

قسمت نے مری پایا جو رنج محبت میں
دوزخ کے بھی حصے میں آیا نہ عذاب ایسا

میں شوق میں بے خود ہوں ، وہ غیر سے کہتے ہیں
کر دیتی ہے انسان کو بدمست شراب ایسا

جب خواب میں آتے ہو منہ مجھ سے چھپاتے ہو
مشتاق سے شرم ایسی ، عاشق سے حجاب ایسا
(داغ رحمتہ اللہ علیہ)

 

[کاشفی]

بادہ کشی سے ایسی توبہ
یا مرے اللہ میری توبہ
(داغ دہلوی رحمتہ اللہ علیہ)

 

[کاشفی]

جنونِ عشق میں احساس اتنا تیز ہوجاتا
جو چھو جاتی ہوا، دل درد سے لبریز ہوجاتا

یہ ساری لذتیں ہیں میرے شوق نامکمل تک
قیامت تھی یہ پیمانہ اگر لبریز ہوجاتا

نہ رکھا دل کو احساسِ گناہ نے مستقل ورنہ
یہی ظلمت کدہ اک دن تجلی خیز ہوجاتا
(جگر مُراد آبادی)

 

[شمشاد]

آخری مصرعے میں تجلی خیر کی جگہ تجلی خیز ہونا چاہیے۔ کیا خیال ہے؟