آج کا شعر - 5

[حسان خان]

ناحق عقیقِ سرخ کی ہے آپ کو تلاش
لختِ جگر سے بڑھ کے مبارک نگیں نہیں
(تعشق لکھنوی)

 

[مدیحہ گیلانی]

تو نے مرے خمیر میں کتنے تضاد رکھ دئیے
موت مری حیات میں، نقص مرے کمال میں
(خورشید رضوی)

 

[حسان خان]

جو وہ آوارہ و آزادہ مشرب مجھ کو ٹھہرائے​

تو مجھ کو بستۂ زنجیرِ میرِ کربلا کہنا​

(جوش ملیح آبادی)​

 

[صائمہ شاہ]

ہم نے دیکھا ہے ظرفِ اھلِ کرم
ہم سے اھلِ کرم کی بات نہ کر
صوفی تبسم

 

[بھلکڑ]

مُجھے اپنی پستی کی شرم ہے تِری رفعتوں کا خیال ہے
مگر اپنے دل کو میں کیا کروں، اِسے پھر بھی شوقِ وصال ہے​

(اختر شیرانی)​

 

[حسان خان]

خوشا کہ جوش ہمیں حبِ نوعِ انساں نے
عطا کیا ہے مزاجِ محمدِ عربی
(جوش ملیح آبادی)

 

[مدیحہ گیلانی]

طعنِ احباب سے مہلک تو نہیں ہے شمشیر ۔۔۔ ۔ !
حرفِ سفاک اگر دل میں ترازو ہو جائے ۔۔۔!
محمداحمد

 

[بھلکڑ]

یہ سوز دروں یہ اشک رواں یہ کاوش ہستی کیا کہیے
مرتے ہیں کہ کچھ جی لیں ہم،جیتے ہیں کہ آخر مرنا ہے
مجید امجد

 

[حسان خان]

اے حضرتِ واعظ تری باتوں کے نثار
جن سے یہاں تکفیر کی چھائی ہے بہار
ہو سکتا ہے یہ تیرے سوا کس کا کام؟
بارانِ فتاویٰ ہے یہاں موسلادھار
(قتیل شفائی)

مگر جانا نہیں شاید کہ یاں سے اہلِ عالم کو
یہ دو دن کے لیے کیا قصر و ایواں مول لیتے ہیں
(خواجہ حیدر علی آتش)

 

[صائمہ شاہ]

میں ہر لمحے میں صدیاں‌دیکھتا ہوں ​

تمہارے ساتھ اک لمحہ بہت ہے ​

بشیر بدر​

 

[شیزان]

مری آنکھوں، مرے چہرے کو اک دن غور سے دیکھو
مگر مت پوچھنا ویران ہونا کس کو کہتے ہیں

تمہارا دل کبھی پگھلے اگر غم کی حرارت سے
تمہیں معلوم ہو جائے گا رونا کس کو کہتے ہیں

 

[مدیحہ گیلانی]

کوچہِ عشق سے باہر نکل جائے جگر
جیتے جی ۔۔۔۔۔۔ خاک میں ملنا جسے منظور نہ ہو

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جگر مراد آبادی

 

[کاشفی]

نہیں تجھ کو تاریخ سے آگہی کیا
خلافت کی کرنے لگا تو گدائی
خریدیں نہ ہم جس کو اپنے لہو سے
مسلماں کو ہے ننگ و پادشائی
(علامہ محمد اقبال رحمتہ اللہ علیہ)

 

[کاشفی]

ہو دورِ غم کہ عہدِ خوشی دنوں ایک ہیں
دونوں گزشتنی ہیں خزاں کیا بہار کیا!

ہم بیکسوں سے سختیء عہدِ فراق پوچھ
اے بے خبر! کسی سے بڑھاتا ہے پیار کیا!
(محروم)

 

[کاشفی]

ترا روٹھنا، ترا ماننا، تری بے ُرخی، تری بے خودی
کبھی اب نہ دیکھوں گا عمر بھر، مجھے آج اس کی خبر ہوئی
(کیفی اعظمی)

 

[کاشفی]

ہم کہاں اور نگاہ شوق کہاں
وہ بھی تیری نگاہ ہوتی ہے
(فانی بدایونی)

 

[کاشفی]

ہمارے لب نہ سہی وہ دہان زخم سہی
وہیں پہنچتی ہے یاروکہیں سے بات چلے
(مجروح سلطانپوری)

 

[نیرنگ خیال]

آتے نہیں انداز مجھے حُسن طلب کے
اے رحمتِ یزداں یہ مرا دستِ دُعا ہے

انورؔ مسعود

 

[نیرنگ خیال]

رہتی ہے مٹّی سرد ہمیشہ اُجاغ کی
مدّہم ہے روشنی بھی ہمارے چراغ کی

انورؔ مسعود

 

[حسان خان]

صیاد تیرا گھر مجھے جنت سہی مگر
جنت سے بھی سوا مجھے راحت چمن میں تھی
(ریاض خیرآبادی)