آج کا شعر - 5

[کاشفی]

ابھی کمسن ہو رہنے دو کہیں کھو دو گے دل میرا
تمہارے ہی لیے رکھا ہے لے لینا جواں ہو کر
(شاعر: نام مجھے معلوم نہیں)

 

[کاشفی]

بیگم بھی ہیں کھڑی ہوئی میدانِ حشر میں
مجھ سے مرے گنہ کا حساب اے خُدا نہ مانگ
(ہاشم عظیم آبادی)

 

[کاشفی]

غالبؔ برا نہ مان جو واعظ برا کہے
ایسا بھی کوئی ہے کہ سب اچھا کہیں جسے
(مرزا غالب رحمتہ اللہ علیہ)

 

[کاشفی]

ہجر میں یوں بہتے ہیں آنسو
جیسے رم جھم برسے ساون
(شو رتن لال برق پونچھوی)

 

[کاشفی]

پیاری اُرد تری محفل میں سُخنور کم ہیں
سنگریزے تو بہت ملتے ہیں، گوہر کم ہیں

چوٹ لگ جائے جن اشعار سے دل پر کم ہیں
جن میں پنہاں ہوں خیالات کے دفتر کم ہیں
(جگت موہن لال رواںؔ)

 

[کاشفی]

میں یکجا ہی کرتا تھا اپنے حواس
کہ اُن کا مرا سامنا ہوگیا
(جگت موہن لال رواںؔ)

 

[کاشفی]

نیچی نظر نے قلب کے ٹکڑے اُڑا دیے
تجھ کو ادائے شرم نے قاتل بنا دیا
(احسن مارہروی)

 

[کاشفی]

ہمیں بھی آ پڑا ہے دوستوں سے کام کچھ یعنی
ہمارے دوستوں کے بیوفا ہونے کا وقت آیا
(ہری چند اختر)

 

[کاشفی]

کوئی گلاب کھِلا تھا کہ اس کا جسم اطہر
کل اک مہک سی مرے آس پاس کیسی تھی
(اطہر نبی)

 

[کاشفی]

میں پہلے خود ترے لہجے کی نرمیاں سُن لوں
تو اُن سے بات کرے گی مگر صبا کیسے
(اطہر نبی)

 

[کاشفی]

اسی شہر میں کئی سال سے مرے کچھ قریبی عزیز ہیں
انہیں میری کوئی خبر نہیں مجھے ان کا کوئی پتہ نہیں
(بشیر بدر)

 

[کاشفی]

ضد ہر اک بات پر نہیں اچھی
دوست کی دوست مان لیتے ہیں
(داغؔ دہلوی رحمتہ اللہ علیہ)
https://rekhta.org/poets/dagh-dehlvi?lang=ur

 

[کاشفی]

مجھ کو تو ہوش نہیں تم کو خبر ہو شاید
لوگ کہتے ہیں کہ تم نے مجھے برباد کیا
(جوش ملیح آبادی)

 

[فرخ منظور]

یہ ترا شہر بھی ہے شہرِ زلیخا جاناں
وہ پیمبر ہے جو دامن کوبچا لے جائے
(شوکت فہمی)​

 

[فہد اشرف]

ہوس کی کشتی کے سب بادبان کھول دیے
کہ تو سکون سے دریا کے پار اتر جائے
شہریار

 

[فیصل محبوب]

سوچتا ہوں ڈھلیں گے یہ اندھیرے کیسے
لوگ رخصت ہوئے اور لوگ بھی کیسے کیسے

 

[آورکزئی]

کس پہ مرتے ہو آپ پوچھتے ہو
مجھے فکرِ جواب نے مارا۔۔۔۔۔
محمد اظہار اظہارؔ

 

[فرخ منظور]

مُدت سے خامشی ہے چلو آج مَر چلیں
دو چار دن تو گھر میں ذرا انجمن رہے
__​

​

سعید احمد اختر مرحومؔ​

 

[کاشفی]

قبول کیسے کروں ان کا فیصلہ کہ یہ لوگ
مرے خلاف ہی میرا بیان مانگتے ہیں
(منظور ہاشمی)

 

[محمد وارث]

میں زندگی سے نبرد آزما رہا ہوں فراز
میں جانتا تھا یہی راہ اک بچاؤ کی تھی