عدنان عمر
محفلین
میرے اکابرین؟؟
بھائی میرے اکابرین تو صحابہِ کرام سے لے کر موجود دور تک کے مستند علمائے کرام ہیں۔ آپ معاملے کو ذاتی رنگ دینے کی کوشش مت کیجیے۔
آزادیِ نسواں۔۔۔ آخری حد کیا ہے؟؟؟
- صاحب لڑی سید عمران
- تاریخ ابتداء
بھائی میرے اکابرین تو صحابہِ کرام سے لے کر موجود دور تک کے مستند علمائے کرام ہیں۔ آپ معاملے کو ذاتی رنگ دینے کی کوشش مت کیجیے۔
عدنان عمر
محفلین
مختلف رنگ؟؟
شاید آپ نے اس موضوع سے متعلق میرا پہلا مراسلہ غور سے نہیں پڑھا۔
علامہ ابن تیمیہ رحمۃ اللّٰہ نے بھی سہولتِ ولادت کے لیے قرآنی آیات پڑھ کر دم کردہ پانی کو حاملہ کی ناف کے نیچے کے حصے پر چھڑکنے کی اجازت دی ہے۔
شاہ ولی اللّٰہ دہلوی نے بھی سہولتِ ولادت کے لیے حاملہ کو تعویذ باندھنے کا کہا ہے۔
علم کے بحرِ بے کنار کہلانے والی ان ہستیوں اور دیگر اسلافِ امت کو کیا پتہ تھا کہ کئی سو سال بعد ایک ایسا دیدہ ور پیدا ہو گا جو محدث فورم وغیرہ سے کم علمی یا غلط فہمی پر مبنی اعتراضات کاپی کرے گا اور اردو محفل میں پیسٹ کرے گا۔
اللہ تعالیٰ اس امت پر رحم فرمائے، آمین۔
محمد سعد
محفلین
جب آپ سے کوئی ناپسندیدہ سوال پوچھا جاتا ہے تب آپ کو یہ یاد آ جاتا ہے کہ پہلے فلاں فلاں سوال کا جواب دیا جائے تب آپ اس ناپسندیدہ سوال کا جواب دیں گے؟ اچھا طریقہ ہے جی۔ سو فیصد دیانت داری پر مبنی۔
اس سوال کا جواب دینے کے لیے کہ آیا آپ کی رائے میں تعویذ یا دم کے زیر بحث طریقوں سے کسی قسم کی بے حرمتی ہوتی ہے یا نہیں، کسی اور اضافی سوال کی ضرورت نہیں ہے۔ اس کی بھی ضرورت نہیں ہے کہ کوئی تعویذ کو مانتا ہے یا نہیں، کیونکہ زیر بحث نکتہ یہ ہے کہ آیا اس سے کسی قسم کا شعائر دین کا مذاق اڑ رہا ہے یا کسی قسم کی بے ادبی ہو رہی ہے یا نہیں۔ اگر آپ ٹرک کی بتیاں بیچ میں لانے کے بجائے دیانت داری کے ساتھ گفتگو کریں تو بہت نوازش ہو گی۔
آخری تدوین:
عدنان عمر
محفلین
ٹھیک ہے۔ ملاحظہ ہو اس اعتراض کا براہِ راست جواب جو علمائے کرام نے دیا ہے۔
قرآنی آیت سے لکھا ہوا تعویذ ران پر باندھنا
سوال
کیا ران پر قرآنی آیت سے لکھے ہوئے تعویذ کو باندھنا جائز ہے، جیسا کہ اس طرح کا ایک تعویذ سہولتِ ولادت کے لیے اعمالِ قرآنی میں درج ہے؟
جواب
تعویذ میں لکھی آیات جب چمڑ ے میں اچھی طرح بند ہوں یا اچھی طرح کسی چیز میں چھپی ہوئی ہوں تو شدید ضرورت کے وقت اسے ران پر باندھنے کی اجازت ہوگی، تاہم ضرورت پوری ہوتے ہی فوراً اتار دیا جائے۔ فقط واللہ اعلم
فتوی نمبر : 144012200013
دارالافتاء : جامعہ علوم اسلامیہ علامہ محمد یوسف بنوری ٹاؤن
دوسرا جواب:
(باقی اگلے مراسلے میں)
عدنان عمر
محفلین
اگلا جواب ایک اور حدیثِ نبوی سے۔ یہ حدیث شیخ ابو بکر احمد بن محمد الدنیوری المعروف بہ ابن السنی رحمہ اللّٰہ کی کتاب "عمل الیوم و اللیلۃ" میں درج ہے۔ اس کتاب کا اردو ترجمہ "رسول اللہﷺ کے دن اور رات‘‘ کے نام سے کیا گیا ہے۔
لطف کی بات یہ ہے کہ یہ کتاب محدث لائبریری (کتاب و سنت ڈاٹ کام) میں موجود ہے۔ وہی محدث لائبریری اور وہی محدث فورم جہاں سے منتخب فرقہ وارانہ مواد اردو محفل میں کاپی پیسٹ کیا جاتا ہے۔
امید ہے کہ اتنے جوابات کافی و شافی ہوں گے۔
لطف کی بات یہ ہے کہ یہ کتاب محدث لائبریری (کتاب و سنت ڈاٹ کام) میں موجود ہے۔ وہی محدث لائبریری اور وہی محدث فورم جہاں سے منتخب فرقہ وارانہ مواد اردو محفل میں کاپی پیسٹ کیا جاتا ہے۔
امید ہے کہ اتنے جوابات کافی و شافی ہوں گے۔
آخری تدوین:
بھائی جان بھاگنے کا تو سوال ہی نہیں پیدا ہوتا ہے۔ آگئے تو اب یہیں بیٹھیں گے جب تک کہ اپنا مقصد پورا نہ ہو جائے۔
بھائی صاحب میں امام ابنِ تیمیہ کے مقام سے بہت اچھی طرح واقف ہوں۔ آپ نے جو نظریہ وحدت الوجود پر اعتراضات کا جواب دیا تھا اس کے جواب میں میرے مراسلے ملاحظہ فرمائے ہوتے تو آپ یہ بات ہرگز اپنی طرف سے میرے لئے منسوب نہ کرتے کہ میں ان کے مقام اور تحقیقات سے واقف نہیں ہوں۔ میں نے سب سے پہلے امام ابنِ تیمیہ کی مشہور و معروف کتاب " الفرقان بین اولیاء الرحمان و اولیاء الشیطان" میں سے تحقیق ہی پیش کی تھی۔ مزید ان کے فتاویٰ سے بھی استفادہ حاصل کیا تھا۔ امام ابنِ تیمیہ ہی وہ شخصیت ہیں جنھوں نے تصوف میں پائے جانے والے باطل عقائد پر نہ صرف تحقیق کی بلکہ ان گمراہ کن عقائد کے خلاف آواز بھی اٹھائی۔
جہاں تک میرے مراسلوں کو صرف کاپی پیسٹ تک محدود کرنا ہے تو میں آپ کو دعوت دوں گا کہ میرے اشرف علی تھانوی صاحب کے وحدت الوجود کے مضمون کے جواب میں مراسلوں کو پڑھئے۔ اگر آپ کو پھر بھی میرے مراسلے صرف کاپی پیسٹ نظر آئیں تو حیرت ہوگی کیونکہ میں نے اپنے مطالعے میں موجود کتب سے حوالہ جات شامل کئے ہیں۔ میں چاہتا تو بغیر حوالہ جات کے بھی جواب تحریر کرسکتا تھا لیکن کچھ وقت اسی لئے لگا کیونکہ میں نے مذکورہ کتب کو پھر سے پڑھا اور پھر جواب تحریر کیا۔
اب آتے ہیں میرے امام ابنِ تیمیہ کے فتوے پر اعتراض کی جانب۔ اہلِ حدیث سے اگر آپ کی کبھی بات چیت رہی ہوتی تو آپ کو یہ سوال کرنے کی ضرورت ہی پیش نہ آتی۔ اہلِ حدیث کے علماء اگر اپنی تحقیق میں قرآن اور سنت سے استدلال اور دلائل نہ لا سکیں تو ان سے بھی سوال کیا جاتا ہے۔ نہ صرف عام مسلمانوں کا سوال کرنا معیوب نہیں سمجھا جاتا ہے بلکہ ساتھی علماء اکرام بھی ایک دوسرے کی غلطیوں کی نشاندہی کرنے سے نہیں کتراتے ہیں۔ اس کی میں متعدد مثالیں پیش کرسکتا ہوں۔ ایک سب سے بڑی مثال اہل حدیث علماء کی چند اہلِ حدیث علماء کے تصوف کے عقائد کو درست ماننے پر تنقید شامل ہے۔
یہاں میں حب رسول صلی اللہ علیہ وسلم کی آڑ میں مشرکانہ عقائد از ڈاکٹر شفیق الرحمن حفظہ اللہ سے ایک اقتابس آپ کی خدمت میں پیش کرنا چاہوں گا:
اکثر بریلوی اور دیوبندی علماء اپنے موقف کو ثابت کرنے کے لیے بعض اہلحدیث علماء کی تحریروں سے دلیل پکڑتے ہیں اور وہ ثابت کرتے ہیں کہ چونکہ یہ اہلحدیث علماء بھی انہی عقائد کا اظہار کرتے ہیں تو یہی صحیح نظریات ہیں اس لیے اس غلط فہمی کا تفصیلی جواب ضروری ہے۔
۱۔ یہ صرف اللہ تعالیٰ کا ہی حق ہے کہ وہ لوگوں کی انفرادی اور اجتماعی زندگی گزارنے کا طریقہ یعنی دین نازل کرے کیونکہ حلال و حرام کا تعین کرنا اور دین سازی اسی کا حق ہے اسی لیے حقیقی اطاعت صرف اللہ تعالیٰ ہی کے لیے ہے۔ اللہ تعالیٰ کا حکم ہے:
{اتَّبِعُوا مَا أُنزِلَ إِلَيْكُم مِّن رَّبِّكُمْ وَلَا تَتَّبِعُوا مِن دُونِهِ أَوْلِيَاءَ} (الأعراف:۳)
"لوگو تمہارے رب کی طرف سے جو نازل ہوا ہے اس کی پیروی کرو اور اس کے علاوہ اولیاء کی پیروی نہ کرو۔"
اللہ تعالیٰ نے محمد بن عبد اللہ صلی اللہ علیہ وسلم کو رسالت کے ساتھ مخصوص فرما کے آپ پر اپنی کتاب نازل فرمائی۔ اور ارشاد فرمایا:
{الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا} (المائدۃ: ۵/۳)
"(اے مسلمانوں) آج کے دن میں نے تمہارے لیے تمہارے دین کو مکمل کر دیا ہے تم پر اپنی نعمت کو پورا کر دیا ہے، اور تمہارے لیے اسلام کو (بطور) دین پسند کیا۔"
یہ آیت ۹ ذوالحجہ ۱۰ ہجری کو میدان عرفات میں نازل ہوئی۔ اس کے نازل ہونے کے تین ماہ بعد رسول اللہ صلی اللہ علیہ وسلم یہ کامل اور اکمل دین امت کو سونپ کر رفیق اعلیٰ سے جا ملے اور امت کو وصیت فرما گئے: "میں تمہارے اندر ایسی دو چیزیں چھوڑے جا رہا ہوں کہ جب تک تم انہیں مضبوطی سے پکڑے رہو گے ہر گز گمراہ نہیں ہو گے یعنی اللہ کی کتاب اور اسکے نبی صلی اللہ علیہ وسلم کی سنت۔" (بیھقی، موطا امام مالک)
اور صرف محمد صلی اللہ علیہ وسلم ہی وہ شخصیت ہیں جو دینی امور میں اپنی مرضی سے کوئی بات نہیں کہتے جو بات بھی کہتے ہیں وہ اللہ تعالیٰ کے حکم کے مطابق ہوتی ہے۔
{وَمَا يَنطِقُ عَنِ الْهَوَىٰ ﴿٣﴾ إِنْ هُوَ إِلَّا وَحْيٌ يُوحَىٰ ﴿٤﴾} (النجم)
"اور وہ اپنی خواہش سے کچھ نہیں بولتے جو کہتے ہیں وہ وحی ہوتی ہے۔"
اسی لیے فرمایا:
{مَّن يُطِعِ الرَّسُولَ فَقَدْ أَطَاعَ اللَّ۔هَ} (النساء:۸۰)
"جس نے رسول کی اطاعت کی پس تحقیق اس نے اللہ کی اطاعت کی۔"
یہی وجہ ہے کہ دینی امور میں فیصلہ کن حیثیت اللہ تعالیٰ اور اس کے رسول صلی اللہ علیہ وسلم کو حاصل ہے:
{فَإِن تَنَازَعْتُمْ فِي شَيْءٍ فَرُدُّوهُ إِلَى اللَّ۔هِ وَالرَّسُولِ إِن كُنتُمْ تُؤْمِنُونَ بِاللَّ۔هِ وَالْيَوْمِ الْآخِرِ} (النساء:۵۹)
"پس اگر کسی بات میں تم میں اختلاف واقع ہو تو اگر تم اللہ اور آخرت پر ایمان رکھتے ہو تو اللہ اور اس کے رسول کی طرف رجوع کرو۔"
معلوم ہوا اسلام اللہ تعالیٰ اور اس کے رسول صلی اللہ علیہ وسلم کی پیروی کا نام ہے۔
رسول اللہ صلی اللہ علیہ وسلم نے صحابہ رضی اللہ عنہم اللہ کو اسلام کی تعلیم دی۔ یعنی صحابہ کرام آپ کے "براہ راست" تربیت یافتہ تھے۔ لہٰذا صحابہ معیاری مسلمان تھے۔ صحابہ کرام سے "اقوال و افعالِ رسول صلی اللہ علیہ وسلم" تابعین نے اخذ کیے اور محدثین نے ان کو جمع کیا۔ یہ تمام ادوار اسلام کے عروج کے ادوار ہیں۔ رسول اللہ صلی اللہ علیہ وسلم نے انہیں بہترین زمانے قرار دیئے۔ سلف صالحین اور صحابہ کرام رضی اللہ عنہم کے طریق اور منہج سے وہی شخص انکار کرتا ہے جو قرآن مجید کی من مانی تفسیر کرنا چاہتا ہے۔ صحابہ، تابعین، ائمہ دین اور ائمہ حدیث اسی راہ پر چلے۔ اور اس راہ پر چلنے والے ہر دور میں موجود رہے ہیں۔ تاریخ اسلام کے مطالعہ سے ہمیں معلوم ہوتا ہے کہ اس راہ پر چلنے والے شرک و بدعت اور اس کے مظاہر اور رسوم پر نکیر کرتے رہے ہیں۔ عقیدہ کی اصلاح کرتے ہیں اور شرک و بدعت کے تاریک غار سے لوگوں کو نکالنے کی کوشش کرتے رہے ہیں؛ لہٰذا قرآن و سنت اور سلف صالحین کے راستے کے الٹ شرک و بدعات پر مشتمل نظریات ہم قبول نہیں کر سکتے چاہے وہ کسی بھی عالم نے بیان کیے ہوں۔ وہ عالم نہ معصوم ہے اور نہ ہمارے لیے حجت ہے۔
پاک و ہند میں جن لوگوں نے اصلاح کا کام کیا اور اس ماحول میں حدیث کی اہمیت اور تقلید کے رد پر محنت کی بدقسمتی سے وہ لوگ تصوف کے فتنے کو نہ سمجھ سکے اور تصوف کا اثر ان میں موجود رہا۔ اس بات کا اظہار استاد محترم پروفیسر حافظ محمد عبد اللہ خطیب جامع مسجد اہلحدیث بہاولپور نے ایک خطبہ جمعہ میں یوں فرمایا:
"شاید ہی ہندوستان میں کوئی عالم ایسا ہو کیا اہلحدیث کیا دیوبندی اور کیا بریلوی! جن علماء کو اس تصوف کی تاثیر نہ لگی ہو۔ تھوڑا بہت اس تصوف کا رنگ ضرور ہوتا ہے۔ حالانکہ تصوف اس قدر خطرناک چیز ہے جنتا نقصان اسلام کو ان صوفیوں سے پہنچا ہے۔ اس تصوف کے چکر میں جتنے مسلمان برباد ہوئے ہیں۔ جتنا اسلام کے اندر اس کے ذریعے پلیدی شامل ہوئی اتنا کسی چیز نے بھی اسلام کو برباد نہیں کیا۔۔ شاہ عبدالعزیز دہلوی جنہوں نے حدیث کی بہت خدمت کی۔ صوفیوں کے بنیادی عقیدے وحدۃ الوجود کا شکار ہیں۔ یہ ہمہ اوست کا عقیدہ جدھر دیکھتا ہوں ادھر تو ہی تو ہے۔ یہ وحدۃ الوجود خالصتاً کفر کا عقیدہ ہے ایسا گندہ عقیدہ ہے جس کی انتہا نہیں جن علماء نے تھوڑا سا سوچا اور انہیں ہمہ اوست کا عقیدہ کفر نظر آیا انھوں نے تھوڑی سی ترمیم کی۔ کیوں کہ یہ بڑے بڑے بزرگوں کا عقیدہ تھا۔ انھوں نے اسے وحدہ الشہود میں تبدیل کر دیا۔ ہمہ اوست نہیں ہمہ از اوست۔ وحدۃ الوجود کا انکار نہیں کرتے کیوں کہ بڑے بڑے لوگوں کا عقیدہ ہے اسکو نرم کرتے ہیں۔ تاکہ اس کی حدت اور شدت کم ہو جائے۔ حالانکہ دونوں نظریات کفر ہی کفر ہیں۔ شاہ اسمعیل دہلوی کی "تقویۃ الایمان" توحید کی بڑی معیاری کتاب ہے۔ لیکن اپنے اس ماحول میں جس میں وہ پلے بڑھے کیوں کہ تصوف کا چکر تھا چنانچہ صراط مسقیم میں وہ وہ کھچیں ماری ہیں کہ پڑھ کر حیرانی ہوتی ہے۔ کہ کیا یہ شاہ اسماعیل کی کتاب ہے؟ ایسا آدمی کبھی مسلمان ہو سکتا ہے۔ (خطبہ جمعہ)
ڈاکڑ محمد لقمان سلفی کی نظر ثانی سے شائع شدہ ڈاکڑ ابو عدنان سہیل کی کتاب "اسلام میں بدعت و ضلالت کے محرکات" میں شاہ ولی اللہ کے بارے میں لکھتے ہیں:
"شاہ ولی اللہ صاحب کی کتاب "انفاس العارفین" میں تصوف کی دیگر کتابوں کی طرح ہر طرح کی رطب و یابس باتیں پائی جاتی ہیں جیسے کشف و کرامات، عجیب و غریب واقعات، غیر اللہ کو سجدے، اللہ کا مشاہدہ بلکہ اس سے جسمانی اتصال، قبولیت، عرس، قوالی، ختم خواجگان، جنت کی بشارت، اپنی بات منوانے کے لیے اللہ کے سامنے مچل جانا اور اس سے اپنی بات منوا لینا، بلکہ اللہ تعالیٰ کے فیصلہ کو بدلوا ڈالنا، نبی کریم صلی اللہ علیہ وسلم کا مجلسوں میں تشریف لانا، اللہ تک پہنچ جانے کے بعد عبادات کی ضرورت باقی نہ رہنا وغیرہ اس طرح کی تمام چیزیں اس کتاب میں بھی پائی جاتی ہیں۔ اس کتاب میں یہ بات بھی موجود ہے کہ بزرگوں کی قبروں سے سب کچھ حاصل ہو جاتا ہے۔ ایسی صورت میں جو لوگ شاہ ولی اللہ صاحب سے نسبت اور تعلق رکھتے ہیں اور ان کے نظریات تصوف کے قائل ہیں وہ بریلوی مکتب فکر کی بوالعجبیوں اور بزرگوں کی قبروں پر ہونے والے شرک و بدعات کے ہنگاموں پر جو شور و غوغا مچاتے ہیں یا اس کا رونا روتے ہیں، وہ محض دکھاوا اور مگر مچھ کے آنسو ہیں۔" (صفحہ ۲۷۲)
تو اس سے کیا سمجھ آیا؟ پیروی صرف اللہ اور رسول اللہ صلی اللہ علیہ وسلم کے بتائے ہوئے احکام کی ہے۔ کسی بڑے سے بڑے عالم کا قول حجت نہیں ہو سکتا ہے اگر اسے قرآن اور سنت سے ثابت نہ کیا جاسکے۔ حق تو صرف رب العالمین اور نبی اکرم صلی اللہ علیہ وسلم کا ہی ہے۔
اب آتے ہیں امام ابنِ تیمیہ کے پانی پر دم کرنے اور چھڑکنے کے فتوے کی جانب۔ میرا اعتراض بے ادبی کے ڈر کی وجہ سے تھا کہ کہیں کم علمی میں کوئی ایسی بات نہ کہہ جاؤں جس سے قرآن پاک کی بے حرمتی ہونے کا ڈر ہو اس لئے میں نے امام ابنِ تیمیہ کی اس رائے کی تائید نہیں کی۔
پانی دم کرنے سے متعلق احادیث سے استدلال مطالعے میں رہا ہے لیکن دم کیا ہوا پانی چھڑکنے سے متعلق استدلال میرے مطالعے میں نہیں تھا۔ میں نے اس بارے میں تھوڑی تحقیق تو احادیث سے استدلال مجھے مل گیا ہے جو کہ میں یہاں بخوشی پیش کرنا چاہوں گا۔
(1) سیدہ عائشہ رضی اللہ عنہا بیان کرتی ہیں :
أَنَّ النَّبِىَّ صلى الله عليه وسلم كَانَ إِذَا أَوَى إِلَى فِرَاشِهِ كُلَّ لَيْلَةٍ جَمَعَ كَفَّيْهِ ثُمَّ نَفَثَ فِيهِمَا فَقَرَأَ فِيهِمَا ( قُلْ هُوَ اللَّهُ أَحَدٌ ) وَ ( قُلْ أَعُوذُ بِرَبِّ الْفَلَقِ ) وَ ( قُلْ أَعُوذُ بِرَبِّ النَّاسِ ) ثُمَّ يَمْسَحُ بِهِمَا مَا اسْتَطَاعَ مِنْ جَسَدِهِ يَبْدَأُ بِهِمَا عَلَى رَأْسِهِ وَوَجْهِهِ وَمَا أَقْبَلَ مِنْ جَسَدِهِ يَفْعَلُ ذَلِكَ ثَلاَثَ مَرَّاتٍ(صحیح بخاری: 5017 )
ترجمہ: نبی کریم ﷺ جب اپنے بستر پر آرام کرتے تو ہر شب اپنے دونوں ہاتھ اکٹھے کر کے ان پر ’قل ہو اللہ احد‘ ’قل اعوذ برب الفلق‘ اور ’قل اعوذ برب الناس‘ پڑھ کر دم کرتے اور پھر دونوں ہتھیلیوں کو جہاں تک ممکن ہوتا اپنے جسم پر پھیر لیتے۔ پہلے سر، چہرے اور بدن کے اگلے حصے پر ہاتھ پھیرتے اور ایسا تین مرتبہ کرتے تھے۔
طریقہ استدلال : نبی ﷺ کا دونوں ہاتھوں پر پھونک مارنا اس بات کی دلیل ہے کہ پانی یا تیل پر بھی پھونک مارسکتے ہیں جیساکہ بدن پر۔ اگر کسی چیز پرپھونک سرے سے ممنوع ہوتی تو ہاتھ پر بھی ممنوع ہوتی۔
(2) حضرت عوف بن مالک اشجعی رضی اللہ تعالیٰ عنہ سے روایت ہے انہوں نے بیان کیا:
كنا نَرْقي في الجاهليةِ . فقلنا : يا رسولَ الله ِكيف ترى في ذلك ؟ فقال " اعرِضوا عليَّ رُقاكم . لا بأسَ بالرُّقى ما لم يكن فيه شِركٌ " .(صحيح مسلم:2200)
ترجمہ:ہم زمانہ جاہلیت میں دم کیا کرتے تھے ہم نے عرض کی: اللہ کے رسول اللہ صلی اللہ علیہ وسلم ! اس کے بارے میں آپ کا کیا خیال ہے؟آپ صلی اللہ علیہ وسلم نے فر ما یا :اپنے دم کے کلمات میرے سامنے پیش کرو دم میں کو ئی حرج نہیں جب تک اس میں شرک نہ ہو۔
طریقہ استدالال : یہ روایت عام ہے ، دم اگر شرکیہ قول سے پاک ہوتو پانی ، تیل اور ہاتھ وجسم سب پر پڑھ کر پھونک مارسکتے ہیں ۔
(3) عن علي - رضي الله عنه - قال : ( لدغت النبي صلى الله عليه وسلم عقرب وهو يصلي فلما فرغ قال :" لعن الله العقرب لا تدع مصليا ولا غيره " ثم دعا بماء وملح وجعل يمسح عليها ويقرأ ب۔ } قُلْ يَاأَيُّهَا الْكَافِرُونَ { و } قُلْ أَعُوذُ بِرَبِّ الْفَلَقِ { و } قُلْ أَعُوذُ بِرَبِّ النَّاسِ { ( السلسلة الصحيحة: 548 )
ترجمہ:حضرت علی ؓسے مروی ہے انہوں نے کہاکہ نبیﷺ نماز ادا فرمارہے تھے ایک بچھو نے آپکو ڈنک لگادیا,آپ نماز سے فارغ ہوئے تو فرمایا کہ اللہ تعالیٰ بچھو پر لعنت کرے جو نہ نبی کو نہ کسی دوسرے کو چھوڑتا ہے۔ پھر آپ نے پانی سے بھرا ہوا ایک برتن طلب فرمایا جس میں نمک آمیز کیا ہوا تھا اور آپ اس ڈنک زدہ جگہ کو نمک آمیز پانی میں برابر ڈبوتے رہے اور قل ھو اللہ احد اور معوذ تین پڑھ کر اس پر دم کرتے رہے یہاں تک کہ بالکل سکون ہوگیا۔
٭اس روایت کو علامہ البانی ؒ نے سلسلہ صحیحہ میں ذکر کیا ہے ۔
طریقہ استدلال : اس روایت سے تو صاف پتہ چلتا ہے کہ نبی ﷺ نے پانی پر دم کیا ہے ،وہ اس طرح کہ جہاں بچھو نے ڈنک مارا تھا اس جگہ نبی ﷺ نمک آمیز پانی انڈیل کر اسی پانی کی جگہ پھونک مار رہے تھے ۔ برتن میں پانی رکھ کر اس پر پھونکنا یا پانی کسی جگہ گراکر اس پر پھونکنا دونوں برابر ہے ۔
(4) عن رسولِ اللَّهِ صلَّى اللَّهُ عليهِ وسلَّمَ أنَّهُ دخلَ علَى ثابتِ بنِ قيسٍ - وَهوَ مريضٌ - فقالَ اكشفِ البأسَ ربَّ النَّاسِ عن ثابتِ بنِ قيسِ بنِ شمَّاسٍ ثمَّ أخذَ ترابًا من بَطحانَ فجعلَهُ في قدَحٍ ثمَّ نفثَ عليهِ بماءٍ وصبَّهُ عليهِ(سنن أبي داود:3885)
ترجمہ: رسول اللہ صلی اللہ علیہ وسلم سیدنا ثابت بن قیس رضی اللہ عنہ کے ہاں آئے جبکہ وہ مریض تھے تو آپ صلی اللہ علیہ وسلم نے دعا فرمائی : اے لوگوں کے پالنے والے ! اس تکلیف کو ثابت بن قیس بن شماس سے دور فرما دے ۔ پھر آپ صلی اللہ علیہ وسلم نے وادی بطحان کی مٹی لی ,اسے ایک پیالے میں ڈالا پھر اس پر پانی پھونک کر ڈالا اور پھر اسے اس پر چھڑک دیا ۔
اس کی سند میں ایک راوی محمد بن یوسف ہیں جس کی وجہ سے اسے ضعیف قرار دیا گیا حالانکہ ابن حبان نے اس راوی کو ثقہ کہا ہے اورحافظ ابن حجر ؒنے مقبول کہا ہے نیز اس روایت کو بطور استدلال فتح الباری کتاب الطب ، باب رقیۃالنبی ﷺمیں درج بھی کیا ہے ۔
شیخ ابن باز رحمہ اللہ نے جید کہا ہے ۔(الفوائد العلمية من الدروس البازية: 2/472)
اس روایت کا ایک شاھد بھی ہے جس سے اسےتقویت ملتی ہے جسے شیخ البانی ؒ نے صحیح قرار دیا ہے ۔
رافع بن خدیج رضی اللہ عنہ کہتے کہ میں نے نبی اکرم صلی اللہ علیہ وسلم کو فرماتے سنا:
الحمَّى من فيحِ جهنمَ فأبرِدوها بالماءِ فدخل على ابنٍ لعمارٍ فقال اكشِفْ الباسَ ربَّ الناسِ إلهَ الناسِ(صحيح ابن ماجه:2814)
ترجمہ: بخار جہنم کی بھاپ ہے، لہٰذا اسے پانی سے ٹھنڈا کرو ، پھر آپ صلی اللہ علیہ وسلم عمار کے ایک لڑکے کے پاس تشریف لے گئے ( وہ بیمار تھا ) اور یوں دعا فرمائی: «اكشف الباس رب الناس إله الناس» لوگوں کے رب، لوگوں کے معبود! ( اے اللہ ) تو اس بیماری کو دور فرما ۔
طریقہ استدلال : اس روایت میں صاف مذکور ہے کہ نبی ﷺ نے پہلے پانی پر دم کیا پھر وہ دم شدہ پانی وادی بطحان کی مٹی میں ملایا اور مریض پر جھڑک دیا۔
مجھے چونکہ پانی چھڑکنے سے متعلق احادیث کے بارے میں علم نہیں تھا تو میں نے امام ابنِ تیمیہ کی بات ماننے سے تعرض کیا۔ اگر آپ کے پاس قرآنی آیات کو ٹانگ پر باندھنے یا نجاست سے لکھنے کے لئے استدلال موجود ہو تو ضرور پیش کیجئے۔ ہم سننے کے لئے تیار بیٹھے ہیں۔
جہاں تک مجھے سنجیدگی سے لینے کا تعلق ہے وہ تو یہاں شرکاء محفل کی گفتگو سے بخوبی معلوم ہو رہا ہے کہ کون کس کو سنجدگی سے لے رہا ہے اور کون کس کو نہیں۔
بھائی صاحب آپ یہ کس غلط فہمی کی بات کر رہے ہیں؟ کیا آپ کا اشارہ خون اور پیشاب سے قرآنی آیات کو لکھے جانے کی جانب ہے؟
لگ تو یہی رہا ہے کیونکہ تقی عثمانی صاحب نے کئی سو سال اکابرینِ امت کے قول کو بنیاد بنا کر ہی رائے اپنی کتاب میں دی تھی۔ آپ یہ بتانا کیوں بھول رہے ہیں کہ انھوں نے بعد میں اس موقف سے رجوع کر لیا اور صاف صاف اپنے تردیدی بیان میں کہا کہ نجاست سے قرآنی آیات لکھنا سفلی عملیات میں سے ہے؟
کیا آپ تقی عثمانی صاحب پر تنقید کرنا پسند فرمائیں گے کہ انھوں نے کیوں اکابرینِ امت کے موقف کی بعد میں مخالفت کی اور اپنے موقف سے رجوع کر لیا؟
بھائی میرے بات وہی آجاتی ہے کہ مذہب میں قرآن اور سنت ہی حجت ہے کسی عالم کا قول و فعل اگر قرآن و سنت کے خلاف جاتا ہے تو اسے درست نہیں مانا جاسکتا ہے!
مجھے حیرت ہے کہ آپ کو قرآنی آیات کو نجاست سے لکھے جانے پر صرف اس لئے اعتراض نہیں ہے کیونکہ اکابرینِ امت نے اس کو درست قرار دیا!!! یہ تعجب کی بات ہے کہ آپ قرآن کے ادب اور تکریم کو اہمیت دینے کے بجائے اپنے علماء کی رائے کو درست قرار دینے کے لئے غلط فہمی کا لیبل لگا رہے ہیں!
آخری تدوین:
جاسم محمد
محفلین
آیات کو گھول کر پی جانا، آیات کو ٹانگ سے باندھنا، آیات کا پانی چھڑکنا۔ اسلام کے نام پر اس قسم کی مضحکہ خیز حرکات کو مسترد کرنے کیلئے آپ کو کیسے مستند حوالے درکار ہیں؟
شرعی دلائل آپ کی خدمت میں پیش کر دیے گئے ہیں۔ امید ہے کہ آپ بھی قرآنی آیات کو جسم سے باندھنے اور نجاست سے لکھنے کے لئے دلائل لے آئیں گے!!! آپ کو لگتا ہے کہ صرف آپ کا ہی علم ہے اور دنیا گوگل پر گزارا کر رہی ہے! اگر مطالعہ نہ ہوتا تو کتب سے حوالہ جات اتنی جلدی گوگل سے ڈھونڈ کر نہیں لے آتا۔
یہ لیجئے حضرات فرقہ وارانہ منافرت کی ٹرک کی بتی دوڑ میں شامل ہوگئی ہے۔
او بھائی توحید اور بنیادی عقائد میں گمراہی کو درست کرنے کے لئے فرقہ نہیں دیکھا جاتا ہے۔ یہ اسلام کے بنیادی عقائد ہیں یہی درست نہیں ہوں گے تو باقی کیا بچے گا؟
اعتراض نجاست سے قرآنی آیات کو لکھنے اور ٹانگ پر باندھنے پر ہے!!! سوال بھی یہی ہے!!! بات کو گھمائیے نہیں!!!
عرفان سعید
محفلین
یہ لڑی اپنے اصل موضوع سے کہیں اور جا نکلی ہے۔ اس مناظرے کے لیے ایک الگ لڑی مناسب رہے گی۔
محمد سعد
محفلین
جب گفتگو کے شروع سے اب تک یہ استدلال رہا ہو کہ "علماء یہ کہتے ہیں" کہ عورت کی زندگی پر فلاں فلاں پابندیاں ہونی چاہییں تو یہ سوال اٹھنا کہ جن علماء کی بات کی جا رہی ہے وہ خود کتنے پانی میں ہیں، ایک فطری بات ہے۔ میرا نہیں خیال کہ اس کا تعلق فرقہ واریت سے ہے۔ اس کا تعلق اس بات سے ہے کہ مسلسل دلائل کو اپنے میرٹ پر ڈسکس کرنے کے بجائے آرگومنٹ فرام اتھارٹی پر اصرار کیا جا رہا ہے اور یہ کہا جا رہا ہے کہ یہاں موجود کوئی بھی شخص قرآن و سنت کی روح کو سمجھنے کی صلاحیت نہیں رکھتا، بس چند گنے چنے "علماء" ہی یہ کام کر سکتے ہیں جیسے عیسائیوں کی پاپائیت میں ہوتا تھا۔ تو جب دلائل کے میرٹ کے بجائے آرگومنٹ فرام اتھارٹی کا کارڈ کھیلا جائے گا تو سوال تو اٹھیں گے کہ آخر کیا وہ اتھارٹی اس قابل بھی ہے کہ اس کی ہر بات من و عن قبول کی جائے؟
میرے نزدیک اب بھی بہتر طریقہ یہ ہے کہ دلائل کو ان کے اپنے میرٹس پر ڈسکس کیا جائے اور آرگومنٹ فرام اتھارٹی جیسے منطقی مغالطوں سے دور رہا جائے۔ اگر کوئی ایسا نہیں کر سکتا تو اسے اس بات کے لیے پھر تیار رہنا چاہیے کہ اس کی پیش کردہ اتھارٹی کو چیلنج بھی کیا جا سکتا ہے اور یہ فرقہ واریت نہیں بلکہ کامن سینس کی بات ہے۔
ٹھیک ہے۔ ملاحظہ ہو اس اعتراض کا براہِ راست جواب جو علمائے کرام نے دیا ہے۔
قرآنی آیت سے لکھا ہوا تعویذ ران پر باندھنا
سوال
کیا ران پر قرآنی آیت سے لکھے ہوئے تعویذ کو باندھنا جائز ہے، جیسا کہ اس طرح کا ایک تعویذ سہولتِ ولادت کے لیے اعمالِ قرآنی میں درج ہے؟
جواب
تعویذ میں لکھی آیات جب چمڑ ے میں اچھی طرح بند ہوں یا اچھی طرح کسی چیز میں چھپی ہوئی ہوں تو شدید ضرورت کے وقت اسے ران پر باندھنے کی اجازت ہوگی، تاہم ضرورت پوری ہوتے ہی فوراً اتار دیا جائے۔ فقط واللہ اعلم
فتوی نمبر : 144012200013
دارالافتاء : جامعہ علوم اسلامیہ علامہ محمد یوسف بنوری ٹاؤن
دوسرا جواب:
(باقی اگلے مراسلے میں)
یہ لیجئے حضرات نہ قرآن سے کوئی استدلال، نہ سنت سے، نہ ہی صحابہ رضی اللہ عنہم کی سنت سے! چونکہ ان علماء نے جائز قرار دے دیا تو جائز ہوگیا!!! نہ ہی کوئی ان کا شاگرد، نہ ہی ان کا کوئی پیروکار آپ کو کبھی بھی سوال کرتا نظر آئے گا!
ایک بات بتائیے کیا یہ کافی نہیں ہے کہ پانی پر دم کیا جائے اور پی لیا جائے؟؟؟ اس کی کیا ضرورت ہے کہ ٹانگ پر قرآنی آیت باندھی جائے؟؟؟ جو طریقہ رسول اللہ صلی اللہ علیہ وسلم نے بتایا وہ کافی کیوں نہیں ہے؟؟؟ شفاء کیا پانی پر دم کر کے حاصل نہیں ہوسکتی ہے؟؟؟
آپ کیا سمجھ رہے تھے صاحب کہ میں نے یہ فتاویٰ نہیں پڑھے ہوئے؟؟؟ دارالعلوم دیوبند الہند کا آڈیو فتویٰ آج سے کوئی اٹھارہ سال قبل سنا تھا۔ سوال میں سنت سے دلائل مانگے گئے تھے۔ ان کا جواب کچھ یوں تھا کہ یہ ایک تجربہ تھا کامیاب ہوگیا تو تحریر کر دیا گیا۔
صاحب کبھی ہم بھی انھی علماء کے پیروکار تھے لیکن جب ان کی ایسی حرکات اور تعلیمات سمجھ نہ آئیں اور تحقیق کرنے پر حقیقت عیاں ہوئی تو سر پر پیر رکھ کر دوڑ لگا دی۔
آخری تدوین:
محمد سعد
محفلین
آرگومنٹ فرام اتھارٹی کے استعمال کا یہ فطری نتیجہ کئی جگہ نکلتے دیکھا ہے۔ جب سارا زور دلائل کے میرٹ کے بجائے فلاں فلاں کی اتھارٹی پر ہو تو ان کی اتھارٹی پر سوال اٹھنا ایک فطری نتیجہ ہے۔ اس سے بچنے کا بہتر طریقہ یہی ہے کہ ایک دوسرے کو اتنا کریڈٹ دے لیا جائے کہ شاید یہ بھی کم از کم اوسط درجے کی ذہانت رکھنے والے انسان ہیں جو کچھ حد تک کسی دلیل کے میرٹ کا فیصلہ کر سکتے ہیں۔
سید عمران
محفلین
اہل علم کی حیثیت پر سوال اٹھ سکتا ہے تو بے علم و بے عمل لوگوں کی حیثیت پر بھی کہ ان کی علمی و عملی اوقات کیا ہے کہ ان کی باتوں پر بے چوں و چرا عمل کیا جائے؟؟؟
جبکہ ابھی تک ہمارے ان سوالات کا جواب بھی نہیں دیا گیا:
جبکہ ابھی تک ہمارے ان سوالات کا جواب بھی نہیں دیا گیا:
آخری تدوین:
محمد سعد
محفلین
ایک بات تو پکی ہے کہ ایسے لوگوں کی کم از کم کوئی علمی حیثیت نہیں ہے جو عورت کے حقوق جیسے معاملے پر اختلاف پر بھی لوگوں کو دہریہ قرار دے دینے میں کوئی برائی نہیں سمجھتے۔
بہ الفاظ دیگر ان کے علم کی سطح یہ ہے کہ وہ اتنے بنیادی نوعیت کے فرق کو نہیں سمجھتے کہ خدا کے اوپر سرے سے یقین نہ کرنا، عورت کے ملازمت کرنے کے لیے شوہر کی اجازت ضروری نہ سمجھنے سے کتنا مختلف ہے۔
ایسے لوگوں کے پاس اگر کاغذ کے ٹکڑے اور عالم مفتی جیسے کاغذی لیبل ہوں بھی تو ان کے طرز عمل میں نمایاں نظر آنے والی جہالت کا سدباب کرنے کو ناکافی ہیں۔
Exhibit A
Exhibit B
Exhibit C
Exhibit D
اور اس سوال
کے جواب میں ملنے والا
Exhibit E
اس کے بعد آپ کم از کم یہ بہانہ نہیں کر سکتے کہ آپ نے گفتگو میں شریک فورم کے کسی فرد کو دہریہ قرار نہیں دیا تھا۔ بے شک آپ اس بہانے کے پیچھے چھپنے کی لاکھ کوشش کریں کہ جی میں نے تو کسی کا نام نہیں لیا۔
اور ہاں۔ واپس آ ہی گئے ہیں تو اپنے اس دعوے کی روشنی میں
ذرا اس بحث پر بھی رائے دیتے چلیں کہ تعویذ و دم کے یہاں زیر بحث طریقے اسلامی احکام کے مذاق کے زمرے میں آتے ہیں یا نہیں۔ اگر نہیں تو کیسے؟ اگر ہاں تو کیا ایسی غلطی کرنے والے کو بھی غیر مسلم کہا جائے گا؟
پھر یہ بھی بتا دیجیے گا کہ اگر علماء دیگر جگہوں پر غلطیاں کر سکتے ہیں تو کیا بہتر اپروچ یہ ہو گی کہ ان کی باتوں کو بغیر کوئی سوال پوچھے من و عن مان لیا جائے یا یہ کہ جو سوال ذہن میں آتے ہیں وہ سامنے رکھے جائیں؟
اسی میں آپ کے سب سوالات کا جواب مل جائے گا۔