آنکھ، چشم، نین، دیدہ، نگاہ، نظر پر اشعار

[فلسفی]

بند آنکھوں سے جب ہم انھیں دیکھتے
ضبط کی کشمکش خواب میں دیکھتے

 

[فلسفی]

آنکھ بھر کر تجھے دیکھنے کے لیے
جاگتے ہیں ستارے سبھی رات بھر

 

[فلسفی]

اشکوں میں بھیک کر شبِ ہجراں گزر گئی
آنکھوں میں خواب وصل کا باقی نہیں رہا

 

[فلسفی]

ایک قطرہ چلا آنکھ سے گال تک
اس نے بوسہ لیا اور چمکنے لگا

 

[زیرک]

نیند کا کرب مِری آنکھ سے پوچھا جائے
روز بستر پر کوئی خواب مَرا ہوتا ہے​

 

[زیرک]

تُو نے دیکھا ہی نہیں آنکھ میں جلتا آنسو
تُو کسی دکھ کو سمجھنے کا ظرف کیا جانے​

 

[زیرک]

آنکھ سے کھینچ کر نکالے ہیں
خواب ویسے بھی مرنے والے تھے​

 

[زیرک]

چشمِ یعقوب کر چکی ثابت
ہجر بینائی چھین لیتا ہے​

 

[زیرک]

کر چکا اپنی سی عیسیٰ بھی تو، پر کیا حاصل
رہیں گے ویسے ہی تری چشم کے بیمار ہنوز
میردرد​

 

[زیرک]

میں کہتا ہوں اسے مت دیکھو، لیکن
مِری آنکھیں، مِری سنتی کہاں ہیں
رحمان فارس​

 

[زیرک]

گزر رہے ہیں عجب مرحلوں سے دیدہ و دل
سحر کی آس تو ہے، زندگی کی آس نہیں
ناصر کاظمی​

 

[زیرک]

آج بھی کل کی طرح تیری طلب رکھتے ہیں
پیچ و خم دیدہ، کئی ہجر گزارے ہوئے لوگ
نصیر ترابی​

 

[زیرک]

بھانپ ہی لیں گے اشارہ سرِ محفل جو کیا
تاڑنے والے قیامت کی نظر رکھتے ہیں
مادھو رام جوہر​

 

[زیرک]

لڑنے کو دل جو چاہے تو آنکھیں لڑائیے
ہو جنگ بھی اگر تو مزے دار جنگ ہو
مادھو رام جوہر​

 

[زیرک]

ہم کسی اور کو تاکیں گے تمہارے ہوتے
کیا کہا؟ پھر تو کہو آنکھ ملا کر ہم سے
مادھو رام جوہر​

 

[زیرک]

صورت تو دکھاتے ہیں، گلے سے نہیں ملتے
آنکھوں کی تو سن لیتے ہیں، دل کی نہیں سنتے
مادھو رام جوہر​

 

[اسامہ کھوکھر]

ہماری جو ان سے نظر لگ گئی
اخبار میں کیوں خبر لگ گئی
نظر پر نظر کی نظر جو پڑی
نظر کو کسی کی نظر لگ گئی
(اسامہ)

 

[سید عاطف علی]

دور بہت بھاگو ہو ہم سے ، سیکھے طور غزالوں کا
وحشت کرناشیوہ ہےسب اچھی آنکھوںوالوں کا

 

[فاخر]

معجزه ہوگئی چشم نرگس تری
میری خاطر یہی مے کدہ ہے صنم !

 

[سلیم ستار]

کس طرح آئے گا قرار مجھے
اس نے دیکھا ہے بار بار مجھے